السلام عليكم و رحمة الله....

ما اعرف كيف اعرض مشكلتي.....
صايره عصبيه وايد و ما استحمل اي حد.....كل حد بصارخ عليه....لدرجة ان من كمن يوم صارخت على عامل جانا بيتنا عشان يصلح لي جهاز التكيف لكنه بدل ما يكحلها عمها ...عمل شغله خلت الجهاز يخترب اكثر...برغم من ان هذا الجهاز ماله سنه مركبينه.....بصراحه طلعت عن طوري ورفعت صوتي عليها و هزائته .....و اهلي قعدو يسكتوني و يلوموني على هذا التصرف......وبعدين اتندمت على هذا السلوك.......
بس ما اعرف شو صاير فيني من كمن شهر صايره عصبيه بالحيل و ما اطيق احد....لم اعصب اصرخ و اسب و اشتم و ما اقدر امسك نفسي.....صدقوني مش قادره اسيطر على نفسي احس اني بداخلي غيظ و غضب كبير....احس ان دمي يغلي.....احس اني ابغي اكسر واضرب....لدرجة إني الاسبوع اللي فات ضربت اختي القريبه من عمري ضربه قويه و انا عمري ما ضربتها.....
المواقف كثيره ما اقدر اعددها......

يا ربي اش صاير فيني.......اختي تقولي صايره انتي مثل البركان ...والالغام محد يقدر يدوس عليج.......والله ما عرف اش فيني..........بذكر لكم شغله انا من جا الصيف ما اطلع من البيت الا فيما ندر...عشان الجو ما يساعد و انا من احد الدول الخليجيه و اكيد اهل الخليج يعرفون ما هو الصيف في الخليج......يعني في الشهر ممكن مرتين بس اطلع......حكره و ضيق و ملل في البيت.....والشي الثاني صار ما عندي اي شغله في الحياه خلاص....خلصت الدراسه قاعده بدون وظيفه...ما عندي غير الهم و الغم واقعد اتذكر الماضي الحزين و أكل في نفسي......والله نفسيتي في الحضيض......ارجو النصيحه والدعاء لي