91 ياحلاوه ولا احد معبر.....

^
^

يا عزيزتي, مو كل المصطلحات الطبية ممكن نترجمها بإستخدام أي مترجم

مثلاً

هل فهمتي شي من الجملة الي كتبتيها؟

الترجمة خاطئة 100%

ph هي معدل التوازن يعني درجة الحامضية و القاعدية , و ليش معناها دكتوراه

و stool معناها براز ( صحيح هي لها معنى اخر و هو مقعد, بس هل يوجد تحليل للمقعد أو الكرسي ؟؟ )

microbiology = علم الأحياء الدقيقة

1/ aafb-zn stain
مدري عن aafb بس zn stain هي اسم صبغه تستخدم للكشف عن بكتيريا مرض السل


2/antibiotic sensitivity-disk method
هذه الطريقة اللي يشوفون فيها نوع المضاد الحيوي اللي تتأثر فيه البكتيريا
يسوون مزرعة و يحطون فيها اقراص في كل منها نوع مضاد حيوي معين و يشوفون ايش المضاد اللي تتأثر فيه البكتيريا و أيش اللي تقاومه و بالتالي يوصفون لك المضاد الحيوي المناسب

3/bacterial antigen
الـantigen هو جسيم من البكتيريا أو الفيروس يعرف من خلاله اذا كان المريض تعرض لهالبكتيريا أو الفيروس من قبل...الجسم في العاده كرد فعل لهذا الجسيم ينتج أجسام مضاده antibodies....و هذه هي فكره التطعيم..يحقنون الجسم بـantigen مضعف علشان الجسم ينتج أجسام مضاده و بالتالي إذا الجسم اصيب بالمرض تكون عنده الأجسام المضاده جاهزة و تقدر تقاومه

4/ cell count-fluid-not blood
cell count هو تعداد الخلايا
fluid-not blood يعني في سائل غير الدم

5/cell count+differential-fluid-not blood
نفس اللي قبل بس يحددون أنواع الخلايا مثلا يكتبون عدد خلايا الدم الحمراء..و إذا كانت أقل من المعدل يقال ان المريض عنده فقر دم


6/crystal identification of fluids -not urine
هذا شي ما اعرفه بس هو فحص لسائل غير البول

7/cul ture-specify source
هذا الظاهر انه طلب لعمل مزرعه و يطلب تحديد مصدر العينه (من الدم، من الجلد، من اللعاب...الخ)

8/cul ture blood
مزرعة دم

9/cul ture-urine
مزرعة بول

10/fungal smear
مسحة فطريات..يعني اذا مريض عنده فطريات..ياخذون منها مسحه و يرسلونها للمختبر علشان يفحصونها

11/ketones-urine
فحص الكيتونات في البول....اللي أتذكره ان الكيتونات شي له علاقه بهضم الدهون....اسألي أحد تخصصه كيمياء حيويه

12/o&p stool
معرفش بس stool هو البراز يعني فحص شي في البراز

13/ph-body fluid
معدلة حموضه سائل من سوائل الجسم

14/ph-stool
معدل حموضة البراز

15/urine microscopy
فحص الكيمياء الحيوية للبول...يعني بالعربي تحليل البول

16/wei prep
معرفش بس أشوف لك...بس عموما prep اختصار preparation اللي هو تحضير

O&P stool
فحص يسوونه في حالات الاسهال اللي صار له فتره ولا خف يفحصون فيه عن الطفيليات أو بويضاتها

الأخيره ما شفتها

على فكره ترا أنا مو دكتوره طالبه و مو طب بشري طب أضراس يعني ما دخلني اذا شي مو مضبوط
بس يعني هذا من خلال دراستي للكيمياء الحيويه (وععععععع لا تسأليني فيها شي) و الأحياء الدقيقة