__________________

أختي حائزة الأمل
جزاك الله خيراً على جهدك
جعله الله في موازين حسناتك
أخيتي
حاولت أدخل قسم الرسائل الخاصة ولكن تظهر لي رسالة إدارية بأنه لا يمكنني الدخول
أرجو مساعدتي ماالمشكلة؟

__________________

بورك الجهد ..............يستحق الرفع...

__________________

السلام عليكم ورحمة الله وبركاته

اخباركم حبايبي اخبارج اختي حايزة والله اتمنالج السعادة في الدنيا والاخرة

ما اريد اطول عليج اختي بس عندي مشكلة صغيرة واتمنى تحلينها لي

زوجي الله يثبته على دينه هوه دين ملتزم طيب هادي حنون ما يعاملني بسوء بتقولين احين وين المشكلة

المشكلة يا اختي الكريمة انه ما يفرغ لي وقت من وقته يعني اول ما يجي من الدوام يتغدى ومباشرة ينام ولازم انا ما انام عشان ولدي الصغير ما انيمه الظهر وينام بالليل من وقت واول ما يصحى زوجي من النوم العصر مباشرة بعد صلاة العصر يجتمعون هوه وربعه ياخذون درس اول يجي شيخ يحفضهم القران لحد ما بعد المغرب وبعدها يا خذون دروس طبعا يروحون ربعه بعد صلاة العشاء وبعدها يتعشاء ومباشرة ينام او يجلس يقراء كتاب طبعا انا طول اليوم وانا جالسة لوحدي ملانه اريد اكلم حد اكون متعدلة ومتلبسة ومع ذلك ما يعطيني ويه كل همه القراءة والعلم اذا كان جالس يقراء طبعا انا لازم ما اكلمه واذا كلمته عصب واطلع من الغرفه .

الحين انتي عرفتي المشكلة اللاساسية هل اصارحة واقولة انه يخلي لي يوم من ايام الاسبوع لي ولا اخليه ومع ذلك ما اريد احرمة او امنعه من تلقي العلم بس كيف افتحله الموضوع او اصارحه اخافه يتضيج

وسمحيلي طولت عليج

__________________

انا عندي مشاكل مستمره مع زوجي مانكمل اسبوع ويزعل على اتفه الاسباب يعني لو دق على جوال ومارديت لاني مشغولة يزعل وزي هالامور البسيطة ولايحب يطلعنا ولايمشينا الابعد الصياح ولايكون على طول واذا طلعنا يكون متضايق ونومه مرة كثير يعني ينام بعد العصر ولالايقوم الا2 الليل وكان متوظف في مستشفى راقي وترك بدون مايعلم احد

انا اتوظف وظائف مؤقتة

وزوجي ماعنده وظيفةهالحين


وعندي ولدين 6سنوات والثاني سنه و 6 شهور

__________________

عمري 28 عمره 35

ليس رومانسي بس قلبه طيب انا رومانسيه
متزوجين من7 سنوات

معه ضغط ونقرس

سبب تركه للوظيفة توتر بينه ومديره المباشر وكنت عارفه بالموضوع بس ماتوقعت استقاله لنه قال بياخذ اجازه بدون راتب ولما رحت اراجع في المستشفى لاني كنت حامل وكان هو موديني قالت لي الدكتوره انهم بيقفلون الملف عشان زوجي استقال


اول الامر كان يدور بس متراخي بعدين بطل يدور واشتغل بالاسهم هو كان يشتغل فيها حتى قبل الاستقاله وبعد نزول الاسهم بدا يدور بجد بس ماحصلت


اذا سهر يروح لزملائه في شقة لهم واذا رجع للبيت يقعد عند التلفزيون والنت

انا شارطه في عقدالزواج سكن مستقل جلسنا سنه وبعدين سكنا مع امه لان ولدها اللي عندها سافر يدرس وجبت ولدي الاول وسائت معاملته لي صار يا نايم ياطالع يعني ماشوفه بالطبع انا نفسيتي تعبت فصارت مشاكل وضربني مرة واعتذر ومررتها وضربني مره ثانيه وبقوه وكلمت اهلي يجون ياخذوني وقال اذا طلعتي انت طالق وطلعت يعني اتطلقت وحاول يتصل فيني وانا مارد حتى كلم اهلي وهو يبكي يبيني ارجع امي رحمته وقالت كلميه ولما كلمته قعد يعتذر فقلت انا مارجع الاببيت لي وبالفعل بعد شهرين جاب لي بيت مستقل ولحد هالحين وانا فيه