أختي أسماء: بارك الله فيك على حرصك
يعني أنا أحس أثناء فترة الملكة أن أخوي خايف من المعاشرة الزوجية مع زوجته .. استشفيت هذا من كلامه ولم يقل لي صراحة .. فأنا خجولة جدا و هو أيضا .. مع أنه كان يقولنا أسرعوا بزواجي أريد أنسى الدشرة و طفشت من الناس ..طبعا هو ما شاء الله جميل جدا و وظيفته محترمة .. فكان كثير من أصحابه في العمل و أناس من قرابتنا أيضا يعرضون عليه الزواج من بناتهم وأخواتهم و ... حتى هو مل .. والله كان الناس اللي يطلبونه الزواج من قرايبهم كثييييييييير .. وهو تعب غير البنات اللي ما يستحون يطلبونه تلميحا او تصريحا بالزواج بهن عبر الهاتف ولكن هيهات هيهات منهن خاصة..
أعود لموضوعي هوزمان في فترة الملكة قال بيشتري غرفتين نوم .. و أنا انهبلت ليش
و زمان أول الملكة أيضا شكله خايف وقال لي أنه بنام لحاله بعد ما يتزوج.. قلت له ليش؟؟
قال كذا ما تعودت أنام ومعاي أحد .. طيب وش فايدة غرفة النوم اللي بتشتريها .. قال مظهرة قدام الناس.. طبعا هو قال لي هالكلام من زماااااااااان في أول الملكة .. و احس انه كان ما يحبها والسبب والله أعلم أن أبوها كثر على أخوي المهر بشكل خيالي و طلب منه عدة طلبات ( كان المهر و متطلبات الزواج أكثر من 100 ألف)
أنا أعرف ان أخوي يعاني من قلق نفسي و ما عرفت هذا إلا بعد ما ملك على زوجته .. لآنه كما قلت لكم شخصية مرحة لآبعد حد والكل يقولها والكل يفرح بالجلوس مع أخوي لهذه الصفة لآنه خفيف دم و أحس انه يكره الأحزان و يتحاشاه بقدر المستطاع بدليل نصائحة اللي يلقيها على أمي وعلينا قبل ان يتزوج .. ودائما يقول ..طنش تعش .. ولكن بعد الزواج تغير .. أحس أنه اصبح جاد شوية وصار لما يكلمنا من يضحك وينكت زي أول لا صار كلام رجال إن صح التعبير
عزيزتي : هي أكبر من أخوي بحوالي سنة والله أعلم واحيانا نسمع انهم ولدوا ما بيهم إلا شهور قلائل .. بس هي أكبر منه عمرا و نفسه في الطول .. وهم لا يعيشوا مع الأهل بل لهم بيت مستقل ولكن لما يجوا عندنا نشوف أخوي متكدر و شكل وجهه محيوس و شارد الذهن .. آآآه كم أريد مساعدتهم ..
أعتذر لآني لا أعرف كيف أضع الرابط ولكن إن شاء الله سأبحث عن الموضوع و أنسخه هنا فيما بعد
أخي شاش : بارك الله فيك
أختأختي معشوقة سوسو: اشكرك من كل قلبي
أختي أكثر شي تحبه هي الفلوووووس و الطلبات والفساتين وبصراحة هي تصرف بالهبل وهو صار يصرف معاها بالهبل ويحسب الزواج كله صرفيات باهضة و هي تحب الهدايا .. وما شاء الله مو مقصر معاها .. كل ما يروح لها في فترة الملكة ..يشتري لها هدايا وعطورات والله اسعارها توصل الف ريال هو قال لي هالشيء.. و ما شاء الله عليها من اول ما تزوجت كانت تكلمه يشتري لها أغراض خاصة وصعبة لا يعرفها وكان يروح يدور ويسأل و يسافر بس علشان يلقى اللي هي تبغاه ما عمره اعتذر لها انه ما لقاه و يستحي اصلا أنه يعتذر لها .. والله كانها تعرفه من سنين وهو مسكين يشتغل دوامين صباحا ومساء و يروح يدور لها اللي تبغاه وسمعت به في التلفزيون.. والله قبل الزواج بيوم دقت عليه علشان يتشري لها غرض وأنا كنت معه واشترى لها هالغرض وما استعلمته يعني متعودة واحد يلبي لها طل شيء .. و وفي اليلة التي تسبق الزواج دقت عليه كانت تبغى غرض لا حظوا مع أن المفروض أخوانها اللي يساعدوها في هالوقت بالذات .. المهم دقت على أخوي تبغاه يجيب لها هالشيء.. وما رد عليها شكله كان نايم لآنه كان مسافر و تعبان وسهران .. قالت إش فيه ما يرد.. تحسبه مطنشها.. قلت له حرام والله مسكين يا قلبي عليه تعبان و منهد حيله .. ما فكرت بكلامي و رمت به عرض الحائط ..وطلبت جوالي ودقت عليه وأشوى ما رد...علشان تصدقني .. أخر شيء عصبت بهدوووووووووء عليها .. قلت لها .. والله أخوي تعبان أنا شفته عيونه حمرا.. ولا تنيسين أمس ما نام واليوم كان مسافر ... وبكرة وراه القصر و المعازيم والذبائح وال.... ( طبعا نحن أيتام توفي أبي وأنا في الصف الرابع تقريبا) ولذا فهو من تحمل مسؤولية زواجه من.. إلى ..طبعا ما اهتمت بكلامي و ما زالت تدق عليه.. طبعا إذا ما رد عليها تعاتبه بعدين..
ي كيف يدخل لها من الطريق اللي تحبه .. هي تحب المقاضي المشتريات عموما أو الفلوس إن صح التعبير ..هو أصلا مغدق عليها من هذه الناحية .. وقال لي مرة أنها إذا كانت تبغى شيء تحسن كلامها معه و تبدي له مشاعرها الجياشة علشان يشتري لها اللي تبغاه مهما كان سعره .. و المشكلة أن كل كلامها معه وين كنت .. ليش تأخرت.. ليش ما شريت لي هالشيء هو طبعا بيشريته بس يتأخر لآنه مشغول.. أحيانا إذا تأخر و ما اشترا لها شي ء أحيانا تقوله أنت ما تحبني هذا في فترة الملكة .. اما الآن فلا أعلم هل تغيرت أم لا ... و هو يشكي منها إنها نفااااااااااااااااااااخة .. وصوتها عالي .. رح ... جيب معك ... مع أنهم توهم متزوجين .. ولا يعجبها شيء بسهولة ,, والمشكلة أخواتها كذا مما يرجح لي بصعوبة التغيير .. حتى أخوها اللي هو زوجي .. الله لا يحرمني منه لآني أحبه بجنون فيه عيوووب تقريبا نفس عيوبها ولكن أستحمل و أضغط على عمري لآنه طيب القلب وهذا أهم شي عندي .. صحيح أني أعاني من بروده و تعبه الدائم و جفافه في الكلام والتعبير عن حبه لي ,,أحيانا اقول يمكن ما يحبني كثير .. ولكن سرعان ما أوقف هذا الإحساس لآني أعرف أنه يحبني كثير وهو طيب وحنون وإن كان كتووووم لمشاعره .. و الحمد لله أنا قاعدة الأيام هذه أغير من نظامي لآني أريد أن أستخرج منه كلمات الحب والرومنيسية اللي أعشقها منه .. والله يعيني
أختي ساد ومن : بورك فيك نصائحك من ذهب أولا هو بعد ما تزوج ما شكا لي اللي شكال لي.. هو حاله المقلوبة ووجهه الكئيب وعيونه الحائرة و كلماته اللي تستشفي منها بحثه عن الحب و حلمه بتحقيق الاستقرار النفسي الداخلي .. اللي شكا لي ذهنه الشارد .. اللي شكا لي تلميحاته .. وأنا أمراة أفهم ... اللي شكا لي تصرفاته معنا نحن أخواته .. لما يجينا مبتسم و فرحان .. ويقول لنا اشتقت لكم .. أحبكم .. انا غالبا لا أسمح أو لا أتيح له الفرصة للكلام عنها و انا دائما أدافع عنها و أبرر مواقفها بس أحس أنها زودتها .. أين النعومة اللي تتمتع بها المرأة أين الحنان لما أخي يلجأ لنا في بحثه عن الحنان ... لما لا يلجأ لها هي .. أنا حاولت أبعد نفسي والله وقلت مصيرهم يتعملون كذا الحياة تعلم .. بس أنا لم أصبر أشوف أخوي حزين .. أنا لا أحتمل .. ومشكلتي أني حنووونة لآبعد حد و طيبة لآبعد حد ما أبغى أشوف أي أحد حزين خاصة لو كان أخوي .. حبيبي .. شقيقي.. اعذروني ..أريد أن أساعده بأي شيء .. أنا الحين نفسي أكلمه بس على أساس أني أتطمن عليه .. لآني لما كان بشهر العسل ما كنت أكلمه حرصا على عدم إزعاجهم و حتى يتأقلموا مع بعض وحتى أبعد نفسي عن الإحراجات .. وأرسلت له فقط رسالتين وأرسل لي هو بعد رسالتين بالجوال .. وبعد ما رجع وراح عند أهلي دق قلي و أحس صوته متغير و ين الفرفشة والضحك راحت .. وهي كانت بجنبه لما كان يكلمني وقال .. لما سألته كم باقي له على العمل قال .. كم يوم .. قلت يا سبحان لله راحت الإجازة بسرعة.. قال كذا الأيام الحلوة تروح بسرعة ..لاحظوا أنها كانت بجانبه ويريد أن تسمع ما يقول ..لكن اخواتي يقولن أحواله في البيت و شروده وسهره مع الشباب ..كلها أحوال لا تسر .. وطريقة كلامها معه ... الخ
وحتى أنا الحين نفسي أعلمه باللي أنتوا تعلموني فيه بس أنا مشكلتي اني خجولة ..و نفسي يكون لحاله علشان أكلمه براحتي .. اما خوووووفي فهو أن يقول لها ما قلت له .. لآنه يقول لها كل شيييييء وهي تقول له عن أشياء .. ويقولنا هو عما تقول هذا كان فترة الملكـــــــــــــــــــــة و كنا نستغرب كثييير ..أخبار ليست جميلة مثل أنها لا تحب وحدة من اخواتي .. والمصيبة أن أختي هذه وصلها الخبر فزعلت كثير عليها وشالت في نفسها .. عاد أخوي يهب أختي هذه اللي تكرهها زوجته وأخواتها ..ومرة قالت له .. الله ياخذها .. الله لا يوفقها ( تقصد أنا غلا 2005..) علشاني تأخرت ما رحت لها و أنا والله كنت مجبرة لآن مدينتنا بعيدة عن مدينتهم ( هذا كان في فترة الملكة ) وأنا الحمد لله ما زعلت عليها بس استغربت صراحة .. هذا جزاتي اللي أبغى أزوجها علشاني رحمتها من العنوسة اللي قربت منها.. كنت أنا وأمي عاقدين الأمال على زواجها من اخوي انه يتسنع و تضبط أموره ..
والله محتارة .. وأنا أدعي لهم كلما تذكرت ..
أما بالنسبة لغيرتها ممن كانت امي ستخطبها له .. فالمشكلة أن أحيانا تقول لآخوي .. شكلك تحب .. أنت ما تحبني.. ..هي كذا كذا.. حتى من كثر ما تتكلم فيها صار أخوي يرحم هذه الفتاة اللي كانت ستخبطها أمي له) .. ومرة كان زعلان منها شديد لتصرفاتها ( أثناء الملكة أيضا) فقال والله أن.. .... أحسن من... يقصد زوجته .. هذيك متواضعة و تسمع كلام زوجها .. و لا تتبعه بالطلبات أما أنا كل شوي سوق .. الظاهر اني اشتغلت سواق بدون ما ادري .. هذه ما يعجبها العجب وش اسوي .. (انتهى كلامه)
طبعا شاء الله و ان يتم زواج اخي و زواج من كانت امي ستخطبها له في نفس الاسبوع .. لانهم من أقاربنها أصلا ..
__________________
الحمدلله حمدا يليق بجلال وجهه وعظيم سلطانه..الله اجعل ابنتي من الصالحات وأعني على تربيتها يارب
24-08-2006, 11:17 AM
ضوابط المشاركة
العرض العادي
