اريد ان اشعر بأنوثتي
اخواني واخواتي اعضاء المنتدى الرائع المفيد مواضيعكم بصراحه اكتر من رائعه واتمنى تقبلوني عضوه جديده في المنتدى وتعم الفائدعه على الجميع
وفي البدايه احب اعرض مشكلتي عليكم
انا متزوجه من سنتين واتزوجت زوجي عن قصة حب عنيفه والحمد الله مازال الحب قائم الى الان
زوجي يحبني بجنون ويعتبرني كل دنيته لانوا ماعنده لا اب ولا ام او بالاحرى عنده بس ماعاش معاهم وانا بدوري بحاول اعوضه عن حنان الام والاب وبصراحه انا اموت فيه
لكن في مشكله انوا اول مااتزوجنا علاقته الحميمه جدا محدوده معايا يمكن مره او مرتين في الاسبوع طبعا في شهر العسل والمشكله التانيه القذف السريع فعلاقتنا الجنسيه ما تذيد عن خمسه دقايق
حاولت بكل الطرق اني البس واتزين لزوجي وانا بشهاده الكل وبشهادته هوا اني زيي القمر
المهم استمر الوضع سنتين على هادا الحال وكل مره علاقتنا الحميمه تقل وقبل تلاته شهور خلفت اول طفله وحاليا اشعر انو زوجي مايشتهيني ابدا
احاول اتقرب منه احاول اثيره مافي فايده علاقتنا صارت مره في الشهر وماتزيد عن دقايق
وبصراحه انا بعد ماخلفت مدري ايش صار فيا صرت دايما عصبيه ودايما ارفع صوتي ومني مرتاحه وحاسه باكتئاب وهوا بيتحملني بكل محبه وبينفذلي كل طلباتي بس انا ابغاه يحسسني اني انثى عايشه معاه في البيت ولمن صارحنه زعل وقللي انتي ماتعذريني انا عندي دوامين وبتعب قلتله انا كمان تعبت
دوام زوجي 15ساعه في اليوم وانا جالسه لوحدي وبصراحه بدات امل ومع ذلك احبه واموت فيه وهوا يعشقني بس ابغاه يحسسني اني انثى نفسي يقوللي مكياجك حللو ولا لبسك حللو او يحسسني انو مشتهيني
بصراحه دايما انا اللي ابدا بالملامسه والمداعبه والتقبيل وهادا الموضوع بدا يتعب نفسيتي المفروض هوا اللي يبدا مو انا وساعات اقرب منه يقوللي مو وقته دحين ابغا انام بصراحه الموقف هادا يقتلني
قولولي ايش اسوي
29-08-2006, 05:50 AM
ضوابط المشاركة
العرض الشجري