ي عزيزتي روح الطير
آنا ماقللت من رأي أحد ارجو من حضرتك تنتبهي اكثر.

ولكن اللي يقول طنشها ولاتوجد عليها وكلمات من هذا القبيل

هل الوقت مناسب وهي حامل وتعبانه جسديا وصحيا وأول بيبي وأول تغير هرموني في جسدها ؟؟
في أخطاء صدرت من زوجته نعم ولكن المشاكل لاتحل بالتطنيش انما بالتفاهم والحوار


وانا أدليت برأيي في المشكله وأتمنى ان يبصره بجوانب لعل الأخ الكريم ماانتبه لها

وزهور الحلول كثيره في الصفحه أتمنى يقطف منها الافضل ل سلامة بيته وأسرته

أخي خليك مع الاخ الرسمي فقد قطعت شوط طويل لا تستعجل خلاص ان شاء الله ما باقي الا خطوة و تسعد و أنت مليان ثقة بنفسك
أختي روح الطير أيضا لا غنى عن رأيها مثلها مثل أخونا الرسمي فلا تشتت نفسك كثيرا هانت انشاء الله

اختي روح الطير ..
برايك ماهي الخطوه المرجو فعلها .. !!
طالما عباراتك مريحه ومطمئنه الى حد ما ..
شاكر ردك وتفاعلك

دخلت اخي عشان موضوعك واذكر بموضوعك الاول نبهتك ان طريقتك بمعالجة مشاكلك وقتيه وماراح تفيدك ع المدى البعيد انت تبي تلم الموضوع الحالي وانتهينا لا يااخي لازم زوجتك تتغيير من اول زواجكم وهي غلط
لاتلقوا اللوم ع الحمل لانها من قبل حملها واسلوبها غلط
اختك ماسوت شي عشان تطلب منك تاخذ حقها طبيعي زوجة اخوهم جايه تتحمد لامهم بالسلامه وتبدي عدم ارتياحها
يتنرفزون هي اصلا مااحترمتهم طريقة اسلوبها مستفز جدا

اخوي مشاكلك ماراح تنحل وبتتمادى اكثر لو حليتها مؤقت وسريع وتلم الموضوع غلط
مفروض مشاكلكم حضرتها ماتطلعها خارج سور المنزل وليش كل مشكلة تنشر الغسيل عند اقاربها
اهلك خط احمر لاتغلط عليهم ولاتقلل من احترامهم
ليش تدخل تعزي وماتعزي امك واهلك وابوك وش كمية الحقد الي بقلبها حتى باحزانهم ماتقدم واجب العزاء مهما كانت المشاكل فضلا ع انه ماحد قلل من قيمتها انما هي من قللت من قيمة اهلك ووضعت مسافه بينها وبينهم
بالغد كيف ستكون علاقة ابنائك بااهلك

عمر قوة الشخصيه ماكانت غرور وقوة الشخصيه لاتعني التجرد من الاحترام

لاتلم هذا الموضوع وبس

نفس مشكلتك الاولى حل الموضوع من الاساس

الكتاب واضح من عنوانه ..

وصلتني منها رساله طويله ملخصها انها ..
شفت كيف قاعد تقرى ومطنشني .. لاني مالي قيمه عندك .. وانا ماغلطت ناس طردوني وناس ماحشموني وانا اللي اقرر اسامح او لا .. كيف اسامح ناس ماعبروني وزوج سلبي جدا ..
انا ماانكر حبك ووحشتني .. لكن المعزه والكرامه اهم عندي ..
خذ لك وحده تفرح لما نعطيها 1000 ريال ((.. رغم اني دبلت مصر فها .. ))وارضي اهلك ونفسك ولاتتعب بنت الناس ..
بنتك راح تعيش معززه مكرمه لاتخاف عليها .. واذا تبى تشوفها بااي وقت ماامنع ..
في 2/9/2015 نكمل سنتين مع بعض واتمنى ننهيها بكل موده وتقدير واحترام ..

الله يعينك ويسهلك الخير يارب

اقسم بالله بديت اطفش .. ويطلع مني الجانب السيي تجاهها .. ماتبي تعترف بغلطها وتمشي الناس ع كيفها .. اي حب احترام تتكلم عنه وهي في احزاني مااقدرت .. لاتقولون لي حمل وكلام فاصي .. اي احترام وانتى طالعه من البيت كااني قاتل لك قتيل .. اي حترام هاذا .. الطريق مسدود معاها .. هل تبيني اقولها لها حاضر ... تعالي ادعس ع اهلي !!! وجلال الله اني ماراح امشي لها نقطه واذاا تبي ورقتها .. تروح للمحاكم ونبداء دوامه المشاكل بشكل اكبر .. اقسم بالله ماعاد فيها خلق ولا تربيه ..

استهدي بالله اخي
والله رسالتها ماهي الا محاولة استعطاف وياس منها الافكار صارت تاخذها و توديها وصمتك مخوفها هي انسانه كويسة ان شالله بس يبغالها تفهم وش يعني حياة زوجية و وش يعني زوج

اخوي

الزوجة الذكية .. ما تقترح و تطلب الطلاق من زوجها
الا و هي ( ضامنته ) ..

لكن لو تخاف من فقدانه ..
ما راح تجيب سيرة الطلاق ..

.
.

الدليل ..

ارجع لرسائلها لك في بداية ما ذهبت لبيت اَهلها !؟

جلست تقول ننفصل و نتطلق و كل واحد يشوف حياته ووو الخ

.
.

لكن لما حست انك ( تغيرت ) و ما اهتميت ..

بدأت تتراجع و صارت هي تقترح بايجاد حل .. او تغيير حياتكم للافضل

عشان ( تبغاك تعيش على أمل .. رجوعكم لبعض .. و ما تخسرك )

.
.

الحلول السريعة ما راح تجيب نتيجة ..

انا شايفة حلول الاخ الرسمي .. ماشاء الله مية مية ..
و على فكرة ؛ انا أرد و انا زوجة عنيدة جدا ..
لكن راح أتخلى عن عنادي و اتنازل ؛ لو حسّيت اني بغبائي و تصرفاتي
راح اخسر زوج محب و حنون ..

و وحامي و حملي صعب جدا .. يعني مجربة و ما اتكلم كذا من راسي
و ماني ضد زوجتك .. لكن لو استمرت الأمور بينكم كذا .. انت ما راح تستحمل مع مرور الأيام ..
و لا هي راح تتعدل .. و ممكن يختفي الاحترام ما بينكم ..

.
.

خليك مع الاخ الرسمي .. نصيحة

تويي اقرا رسالتها

زوجتك مشتاقة لك ..
و ما تبغى تنفصل عنك ..
و مستغربة هي سبب تجاهلك ..
و بدأت تخاف انها تخسرك
و نفس الوقت تكابر ..
و نفس الوقت فيها نسبة من الغرور و تجهل أمور بالحياة الزوجية
بس واضح انها كويسة لو عرفت كيف تخلي حياتكم تمشي كويس ..

.
.

نفس الوقت تبغى تحط اللوم على اهلك ..

شكلك عودتها من بداية الزواج .. انك تزعل اهلك عشان ترضيها !؟

صح اخوي !؟