بسم الله
بعد المكالمة .....
اليوم ..كلمت والدها ...الحمد لله اطمئنيت على الصحة و شكرنى جداً على الاتصال وسألنى فينك ما تتصل ولا تسأل انا سعيد جداً لسماع صوتك ....
قليلاً ...ثم اتصلت عليها ....
السلام عليكم ....عليكم السلام
اذيك يا فلانة اخبارك ....الحمد لله ...
عاملة اية فى المذاكرة والدراسة .....تمام الحمد لله
اخبار الدروس اية ...الحمد لله
....سكوت قليلاً انا توقفت رأسى ماذاافعل الان ...اغلق الخط ....ماذا اقول
ثم تابعت
المهم ....انت كويسة ...الحمد لله .....طيب شدى حيلك احنا عايزيين محموع تمام السنة دى ...ان شاء الله
طيب .....ان شاء لله هتصومى .....ان شاء الله ...طيب خير الحمد لله ..
صوت مر من جانب الهاتف ......اية الصوت دة ......لا اصل انا قاعدة فى الغرفة اللى عالشارع
اة وبتعرفى تذاكرى ف الغرفة دى .....اة الحمد لله
طيب ربنا يعينك وييسرلك امرك يا رب
انا ان شاء الله باعتلك فلوس ...عايزك تشتريلك عباية راس جديدة وشنطة و جوتى جديد ...واشترى كروت شحن وعبى رصيد
ان شاء الله
طيب انتى مش عايزة منى اى حاجة
فجأة ....على فكرة مش لازم تبعت فلوس ولا حاجة الفلوس اللى انت اعطيتها لى كلها هنا
قللتلها يعنى اية ولية ؟؟؟ والله اتنرفزت ..لكن حاولت امسك نفسى
قالت ..انا بابا بيجبلى كل حاجة ...
قللتلها يعنى مش لازم ابعث ....قالت ايوة
قلت طيب خلاص براحتك يا حبيبتى ولا يهمك
ماشى يا حبيبى مش عايزة منى اى حاجة
قالت ::لا شكراً
قلت طيب خدى بالك من عمى وخالتى كثير قالت ان شاء الله
واوعى تنسى الاذكار والورد ....قالت ان شاء الله
يلا السلام عليكم .....عليكم السلام
بس


بعدها ....قلت عيب لما اتصل عليها وما اكلم امها تبقى شكلها مش كويس .....
اتصلت على والدتها
السلام عليكم
وعليكم السلام ورحمة الله وبركاتة .....يااااااااااة كدة ماشى يا فلان ماشى
انا بقلك اتقل عليها مش على امها
ضحكت كثير وقللتلها اعذرينى ظروف الشغل تمنعنى ....
انا عارف انى مقصر بس اعمل اية الشغل
قالت ::انت عامل اية ؟؟ والشغل معاك عامل اية
الحمد لله تمام والله
المهم بعد السلامات
قالت انا بتصل عليك افرض بتصل لامر مهم متردش على وتبعث لى رسالة تقول لما افضى اكلمكم
قلت :: طيب انا اعمل اية الشغل والله انا كنت بكتب الرسالة وانا فى الشغل
قالت ::: ماشى ماشى عالعموم ربنا يعينك
انا كنت عايزة اقولك على امر ضرورى
قللتلها اتفضللى ::قالت يوم ما رنيت عليك كتير (( فى اليوم دة بنتى جت قالت لى ماما انا حاسة انى مخنوقة ومتضايقة جداً ومش قادرة اخذ نفسى ....قالت لية يا حبيبتى فى اية ...قالت ::: انا متضايقة جداً من الموضوع اللى هو كلمنى فية ((انا كنت كلمتها تخللى دروسها كلها فى البيت ما تخرج برة للدروس وتخللى المدرسات كلهم يروحوا لها البيت وقللتلها انا هتكفل بالمصاريف بس المدرسات يروحوا لها البيت هى ما تخرجش لان بصراحة الامور فى بلادنا غير مستقرة من بلطجية وتحرش وما الى ذلك وهى رفضت تماماً وشافت ان الموضوع تقييد لحريتها وان انا مش واثق فيها ....انا مش عارف مش واثق فيها ازاى )))
المهم بتقوللى وبدأت تبكى ...بتقوللى والله انا عمرى ما شفت بنتى بتبكى ومنهارة بالشكل دة
والله العظيم انا اللى ساعة ما قالت كدة كدت انى ابكى ...و حسيت انى عقلى وقف مش قادر اعمل شىء ولا عارف اعمل شىء حتى لو كلمتها مش عارف اقولها اية ؟؟؟ وبعدين امها بتكلمنى وقالت انها مش هتقولها انها قالتللى
يعنى حتى لو حبيت افاتحها فى الموضوع هعمل وقيعة بينها و بين امها ....والله ما نا عارف اتصرف
المهم قللتلها بالله عليكى ترقيهلا وتشغللى سورة البقرة وتخلليها تقرأ الاذكار و تقرب من ربنا اكثر
قالت والله بتعمل كل دة ....
طيب وبعدييين
المهم قالت :::خلاص ي حبيبى لما ترجع ان شاء الله تبقى تقعدوا سوا وتحاول تهديها او تشوف حل للموضوع دة
انا مش عارف حل اية ..ولا انا اصلاً هتكلم معاها ازاااى فى الموضوع دة .؟؟؟؟
المهم قالتللى على شىء فرحتى والله
قالت انت مش كنت كلمتها السنة اللى فاتت متاخدش اى دروس عند مدرسين رجال
قللتلها ايوة
قالت طيب هى كانت بتاخد درس عند مدرس شاطر جدا وسابتة وراحت اخدت عند مدرسة اقل منة علمياً لكنها امرأة
قالت بس هى ما جابت سيرة انها عملت الموضوع دة علشانك بس انا عارفة انها عملت كدة عشان انت طلبت كدة
قللتلها طيب الحمد لله ...والله على قدر ضيق الصدر والخنقة اللى سببتهال بسبب الموضوع دة على قدر الفرحة اللى فرحتها ....
انا محتار يا جماعة والله محتار ومتضايق وبصراحة مش طايق نفسى وعايز اضرب نفسى على اللى حصلها دة

والله اتخنقت جداً لما والدتها حكيت لى ......
يا ترى حد قابل شىء زى كدة قبل كدة !!!!!!!!!!!!

والدتها بتقوللى بس كل دة تقل قللتلها الشغل ...الشغل ...
بس المهم هى كنت مبسوطة اليومين اللى فاتوا كانت كويسة
قالت يعنى عادى ....قللتلها شوفى يعنى حتى ان انا مسألتش مبتسالش عشان متقوليش ان انا اللى مطنش
قالت على فكرة انا عايزة اقولك ان الامر دا شىء صعب فيها ...بقولها اللى هو اية ....قالت عندها عزة نفس عالية اوى ..........والله العظيم كنت حاسس بكدة كنت حاسس انها بتتكبر على .....اعتقد انى قلت الكلام دة قبل كدة
قللتلها بس المفروض ان مفيش بينا ولا كبرياء ولا كرامة ولا اهانة ولا شىء ....قالت معلش هى لسة على اول السلمة متعرفش الكلام دة
عرفت انى فعلاً ...........هتعب كثيييييييير ....
بس بالله عليكوا ما تسيبونى لوحدى .....انا فعلاً محتاج نصائحكم وتوجيهاتكم
..........

__________________

اعتـذر ان كان فـي يــوم قـسـيـت والعذر ان كـــان صديـت او جـفـيت فأنت حد السيـف لاـمني اعــتـزيـت وانت اغلى شخص في عمري لقيت الوفـا فـي غيــر قلــبك مـالـقيـت

جزاك الله كل خير على تواصلك مع اهلها ...
مكالمتها معك تمام التمام
والحمدلله الحمدلله الحمدلله
فرحت جدددددا لما مسكت نفسك (ساعة ماقالت لك الفلوس ماصرفتها )
كنت ماسكة ايدي على قلبي .. لاتندفع و تصرخ عليها و لا شي
انت كدا تمام..
عملت الي عليك و ترسل و هي مش عاوزة (مهما كان السبب.. سواء عزة نفس
او تعلق باهلها او اي شي)
خلاص براحتها ..

مكالمتك معاها تمام ماشاء الله


مكالمتك مع امها ... والموقف الي قالته امها
اولا نبدا بموقف البنت

بكاءها و كل دا شي طبيعي جدا
وكلنا مرينا بيه بعمرها
ووالله لحد الان

خاصة بعمر المراهقة انت تعرف المراهق وكره للقيود
حتى من اهله .. فكيف لما يجي حد غريب (كما تعتبرك هي ) و يفرض قيود عليك ََ
طبعا شعور مش كوووووويس ابدا وخانق
فا شعورها طبيعي ..


ثانيا حابة اعلق على مامتها
امها شكلها طيبة و تحترمك و تحبك و باذن الله تكون حماة كويسة
لكن مشكلتها بتتدخل اكثر من الازم و بشكل خاطا
هي قالت لك على الموضوع من باب انك تعرف
وترحم بنتها و تسمح لها
وكان الاولى بها ..انها تعلم بنتها كيف تدلل على زوجها
وتقولها اتصلي فيه و اعطيه كلمتين حلوين و تدللي عليه
وهو اكيد مابيكسفك
لوكانت عملت كدا .. كانت خرجت البنت شوي شوي من خجلها
وعلمتها شوية اشياء تنفعها في التعامل مع الزوج
لكنها اختارت تخبرك بنفسها
وبذلك دايما تخلي نفسها بالوسط
اذا البنت حبت شي منك او حابة تشتكي من شي منك
تروح لمامتها (الوسيط ) وهي توصله لك

هي بتحاول تقرب بينكم وبنفس الوقت بتضل بالنص ؟؟

لذا حاول تخرجها بلطف بدون ماتخسرها
اكسبها بالسوال عنها و المكالمات والكلمة الطيبة
بس كل ما تطلب منك طلب او خدمه او اي (بلسان زوجتك)
اعتذر منها بلطف وقول لها اسف يا حماتي و اعذريني انتي على عيني و راسي
بس انا حابب اسمع الشي دا منها هي ... حابب اكسر الحاجز الي بنا
واذا ماجاش منها اسمحيلي مش هعمل شي ..واستسمح منها بادب و لطف


بالتالي الموقف الي حصل مع زوجتك (بكاءها لمنعك لها من الخروج للدروس)
برايي (وياليت االاخوة يصححوني )
انك ماتفتح الموضوع بتاااااتا معها ..ولا كانك عارف شي ولا تلمح و لا تصرح
اذا فعلا مضايقها .. خليها من نفسها تفتحه و تتكلم فيه معاك
فاذا فعلا تكلمت و صارحتك
ساعتها ابتسم لها و قول لها انا مبسوط انك صارحتيني
فا خلينا نوصل لحل سوى يرضيك و يرضيني
وحاول تناقشها بحلول وسط
تبسطها و بنفس الوقت تطمنك عليها

كان تبحث عن مدرسات قريبات من بيتها مثلا و الاوقات تكون بدري
او بعض الدروس بيبيتها و بعضها عند مدرسات
او يصطحبها ابوها او انت ..
واشرح لها بحب انك بتخاف عليها و الموضوع مالوش دخل بالثقة
وانك واثق فيها اكثر من نفسك
واكيد بترد عليك و تقول اانه ابوها يخاف عليها اكثر منك و برضو كان مخليها
تروح .. ايش معنى انت !!
دور لك رد حلو
كان تقول لها ..ابوك على عيني و راسي و اكيد بيحبك و يخاف عليك
وهو الان اعطاني اغلى مايملك (انتي) فالازم اصونك واحافظ عليك

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

الله ...كلامك رائع جداً والله يا اخت نورا
الله يبارك فيك وفى عيالك وزوجك يا رب
....والله ردك ريحنى من مكالمة امها امس وانا متضايق و كل شىء بقيسة عالوضع اللى هى شرحتة واتذكر كل شىء هى عملتة معى واتأكدت فعلاً ان كل اللى بتعملة تكبر .....
والله قلت اصلى استخارة واشوف لانى لا اتحمل اعيش مع زوجة متكبرة
كيف هتعمللى الاكل وكيف هتغسللى ملابسى وكيف هتربى عيالى وتتحملهم وكيف هتتحمل اهلى وتعاملهم
وكيف هتنام معايا بسرير واحد وكيف اصلاً هتتقبل اى امر منى بمعاملتها دى
والله كنت حاسس ان الامر فى تكبر او شىء من هذا القبيل
انا قلت اخبركم لعل الامر دة يكون عادى او طبع فى المراهقين
الا ان امها قالت لى على فكرة هى اكثر واحدة فى اخوتها عندها الامر دة
...............
اشيروا على بالله عليكم انا الان فى حيرة ...رأسى يؤلمنى والله من كثر التفكير واعادة اامور التى حدثت بالسابق
...............

رأيك سديد اختى بالنسبة لامها.... انا ناوى اجلس مع والدها ووالدتها ان شاء الله لما ارجع وافهمهم الامر دة واقف معاهم وقفة وباذن الله ربنا ييسر

والله يا اختى اليوم الصبح طلعت فى راسى اكلم امها واقولها بنتك ان كان فيها الطبع دة انا لا يمكن اتقبل كدة ....انا ممكن اقبل اى شىء الا ان تكون زوجتى متكبرة....وانا الوضع دة ميمشيش معاى

دعواتكم

__________________

اعتـذر ان كان فـي يــوم قـسـيـت والعذر ان كـــان صديـت او جـفـيت فأنت حد السيـف لاـمني اعــتـزيـت وانت اغلى شخص في عمري لقيت الوفـا فـي غيــر قلــبك مـالـقيـت

رد عالسريع لاني مشغوله حاليا و برجع لك ان شا الله...

لا تكلم امها عن موضوع البنت و التكبر و لا تفتح معاها الموضوع...

راجع رد نوره وايد....

حلك مثل ما قلت لك سابقا.... طلع امها من الموضوع... دامها في النص راح تتعب وااااااايد...

لا تستعجل باي اتصال اليوم لانك في حاله نفسيه سيئه و شكلك راح تخربها....

انا بعيد عن كل شىء الان
الا اننى لست بعيد عن نفسيتى السيئة ومزاجى الذى دمر
والله احس كوابيس الدنيا كلها طلعت على
ربنا يسترها
منتظر ردك
اين انت اخى بو مريم؟؟؟

__________________

اعتـذر ان كان فـي يــوم قـسـيـت والعذر ان كـــان صديـت او جـفـيت فأنت حد السيـف لاـمني اعــتـزيـت وانت اغلى شخص في عمري لقيت الوفـا فـي غيــر قلــبك مـالـقيـت

يا جماعة بالله عليكم انا حاسس من اخر مكالمة انها كرهتنى اكثر
حاسس ان البعد دة كرهها فى اكثر
انا حاسس ن الامور جابت نتيجة عكسية
والله لا يعلم بحالى الان الا الله
انا فى كرب عظيم
ولا عارف اشتغل ولا عارف اعمل اى شىء
امس الناس كلها لاحظت على مع انى اصلاً لا انقطع عن التفكير فى الموضوع
الا ان اليوم وامس الامر كان ملحوظ جدا على
شرو ذهنى - بكاء فى احيان - عصبية فى العمل
والله خايف الوضع دة يستمر كثير
دعواتكم بالله عليكم

__________________

اعتـذر ان كان فـي يــوم قـسـيـت والعذر ان كـــان صديـت او جـفـيت فأنت حد السيـف لاـمني اعــتـزيـت وانت اغلى شخص في عمري لقيت الوفـا فـي غيــر قلــبك مـالـقيـت

__________________

ربنا يحفظك وييسرلك امرك اخى الحبيب ابو مريم
والله كلماتك اراحتنى جداً
انا منتظر كلامك على احر من الجمر
أسأل الله ان ييسر لك امرك
ويبارك لك فى وقتك

__________________

اعتـذر ان كان فـي يــوم قـسـيـت والعذر ان كـــان صديـت او جـفـيت فأنت حد السيـف لاـمني اعــتـزيـت وانت اغلى شخص في عمري لقيت الوفـا فـي غيــر قلــبك مـالـقيـت

الاخ الحبيب ربينا يحفظك
والله انى احببتك فى الله


واتمنى من الله ان يسعدك
ويلم الشمل وبإذن الله
زوجتك هذه ستكون
نعم الزوجة الصالحة


يا اخى من تفعل هذا
مع زوجها تجعلك بعون
الله تبيت خارج البيت وانت
فى بطنك بطيخة كما يقال


ههههههههه


تنام وانت مطمئن ان فى
البيت راجل مش بنت


المشكلة يا اخى انك مش
قادر تحط نفسك مكانها


هى الى الان لا تشعر بأى
امان معك وتخاف ان يحدث
اى شىء وتصبح مطلقه
لا قدر الله


وقتها ربما تضيع سمعتها



وهى فى نفس الوقت حزينة
على نفسها ... طالبة متفوقة
ما شاء الله وتحلم ان تبنى
مستقبل سعيد ولكن ظهور
حضرتك اشعرها ان كل شىء
سيضيع وانها ايصا ربما تجد
نفسها بعد ان تبيع مستقبلها
من آجلك مطلقه


يا اخى الحبيب موضوع ان تقول
لها امامك ثلاث ايام واذا لم
تتصلى اذن هو الطلاق


افقدها الثقة وجعلها تقلق
وتخاف وطبعا هى الاخرى
اخطأت قبلك عندما فعلت
نفس الآمر من آجل سبب
تافه ولكن هذه كانت حجة
لكى تهرب وتكمل تعلمها
وتنهى الصراع النفسى
الذى تشعر به


يا اخى حبيبها فيك بذكاء
اجعلها تثق فيك


ادخل قلبها بدون ان تشعر


يا اخى كثير من البنات الملتزمه
وعندما خطبت كان الخاطب
انسان عادى وبذكاءه اوقعها
فى حبه وربما بعد الزوج
تجده لا يصلى ويشرب الدخان
وربما على علاقة ببعض
البنات ولكنها تسامح لانها
تحبه وتعشقه ولا تسطيع
ان تعيش بدونه


يا اخى الا تعلم كيف تجعل
بنت تقع فى حبك بل فى
عشقك وتكون فتى احلامها


افهم البنت واشعر بها وحس بها


يا اخى اعتبرها صحبتك وانت تجرى
ورها لكى توقعها فى حبك واشعرها
انها حياتك وحبك الكبير


ولكن هو حب حلال وعلاقه حلال


انسى يا اخى انك زوجها وانها
عليها السمع وعليها الطاعه


افهم يعنى ايه بنت عمرها 18
عام ومتزوجه


هى طفله اكثر منها آمره


يا اخى استحلفك بالله حببها
فيك اجعلها فى كل لحظة
تفكر فيك


وهذا لن يأتى الا اذا فهمتها
وتعاملت معها على انها
صحبتك مش مراتك


اغرقها برسائل الحب والكلام
الرومانسى والعاطفه


ذكرها بالله واشحذ لها الهمم
لكى تتفوق وتحقق حلمها


طمنها انك فى النهايه لا تريد الا
السعاده لها وانك لا يمكن ان
تتزوجها الا اذا كانت مرتاحه
نفسيا وسعيده وراضية


خفف عليها الحمل هى فى
معانه كبيرة جدا وهى
طفله صغيرة


تنظر الى صديقتها والحرية
التى هن فيها وتنظر الى نفسها
والمسئولية التى على عاتقها
مشاكل وحزن وبكاء


يجعلها تتمنى ان تنفصل عنك
لكى تعيش مثل صحبتها



ابحث فى النت كيف اجعل بنت
تحبنى وتعشقنى


وافعل هذا معها


طمنيها .. اعطى لها الثقة


خفف عنها ولا تضغط عليها


افعل كل هذا وانت واثق من الله
ثم من نفسك


وفى النهاية بلاش تكون عاطفى قوى
كده مثلى ... لان كل من هم على
شاكلتنا يتعب كثير جدا


وبصراحة بعد الزواج الآمر يختلف
تماما وفعلا اذا لم تكن زوجة
صالحه .. يموت اجدع حب مهما كان


والعكس بالعكس


واعلم تماما انه طالما البنت على
خلق ودين فستكون نعم الزوجة


يعنى هى ليست آخر البنات والله
انا كنت كلما ادخل بيت لكى
اخطب ولا يحدث نصيب احزن


ولكن سبحان الله عندما ادخل بيت
آخر اجد ان هذه الفتاه افضل ممن
سبقتها بمراحل


واقول سبحان الله ده انا فعلا كنت
عبيط جدا طيب كنت زعلان على
ايه .. صحيح الخيرة فيما اختار الله


والله يا اخى انا فى بعض الاحيان
اتذكر بعض البنات التى لم يحدث
معها نصيب واقول اكيد كنت مجنون
ان اقبل اتزوج بمثل هذه الفتاه


واعلم انه عندما يأتى النصيب يعمى
الله عيونك عن كل عيوبها وعيوب
اهلها ولا يبصرك الا عن كل طيب
لانها زوجتك التى قدر الله لها ذلك
وام اطفالك بعون الله


اقول هذا الكلام لماذا ؟ لكى لا
تكبر الموضوع وتشعر انها اذا
ضاعت فلن اجد غيرها ولا
يوجد فى الكون الا هى


بلاش سذاجه لو سمحت


اخى انت رجل طيب وعلى دين
وخلق ولا نذكى على الله احد
وتخاف الله ومتعلم ولك مستقبل


والله ملايين البنات يبحثوا على من
به ربع صفاتك


وان كنت لا تثق فلا كلامى ادخل
اى موقوع زواج وسترى العجب
العجاب والله سترى العجب العجاب



تحدث معها اليوم بمنتهى الصراحة
واخبرها انك لا تريد منها الا الصراحة
وانك لن تتحدث فى موضوع الزواج
قبل ان تطمئن هى على نفسها


وقول لها اعتبرى اننا فى فترة
خطبه وتعالى نفهم بعض
ونحب بعض ونتقرب من بعض



ولا تلح ولكن اجعل المواقف هى
التى تتحدث لا الكلام


موفقك بعون الله تعالى

__________________

احبك الذى احببتنى فية اخى الحبيب
والله اشهد الله انى احببتك فى الله انا الاخر
قبل اى شىء هل انت مصرى ؟؟؟
ثم ....بالنسبة لجذبها نحوى والله يا اخى الحبيب
حاولت معها كل شىء
جربت كل شىء معها
حتى ان احد الاخوات هنا قالت لى ذات مرة ...الله يكون بعونها انت جربت عليها كل شىء
اولاً :: انا الحيرة التى وقعت فيها سببها
اننى الان لا افهم ....هل ابتعد عنها لتعلم انى استطيع البعد عنها ولست ميت عليها
ام اتقرب منها واقول كلام رومانسى وكلام حب واشعرها انها قطعة منى ولا استطيع الاستغناء عنها
ام اكون حاد فى تصرفى واشعرها اننى رجل وعليها ان تحترم هذا الامر ولا تحادثنى فى تفاهات الحب وهذا الكلام الفارغ
ام اشعرها انى شاب صغير من حقى ان احب واتحب


غير هذا اخى الحبيب من كلامك المشاركة السابقة شعرت انهم يمثلون على حينما قلت وانا اشك انها تعلم كل شىء
يعنى هى بتمثل على هى وامها وابوها ...لانى فعلاً حسيت بالامر دة فى الفترة قبل ما اسافر لما لقيتها كل يوم لابسة طقم جديد شعرت ان امها تفعل ذلك لكى تجذبنى اليها ولا استطيع نسيانها
ثم ان امها وصلت بها الدرجة اكثر من مرة تقول لى اذا لم تكن مرتاح اشياءك كلها موجودة وهداياك موجودة
فى المرة الاولى التى قالت لى هذا من غبائى اننى قلت لها ....لماذا تقولين هذا الكلام هل تجديننى لا انفع لبنتك
اشعرتها انها لها الحق فى هذا الامر وفى هذا التصرف
وهى منذ دخلت البيت وهى تشعرنى انها فى صفى وانها امى
وكلما كلمتنى قالت والله انا لا اخبرها باى شىء مما تقول لى .... وتجلس تسحب منى الكلام وتقول :: ما الاخبار بينكما ؟؟؟ و تشعرنى انها الملاك الطاهر الذى يريد الاصلاح ...
والله اشعر فعلاً بالتمثيل والتزييف فى امور كثيرة
انا عقدت النية ان شاء الله سأستخير ...وانتظر حتى اعود لاجلس مع اهلها لاخبرهم بعدم التدخل بيننا نهائياً ما دام دخولهم لا ينفع بل يضر
وسأجلس معها هى ايضاً لاسألها ان كانت تريد الاكمال فى الطريق ام اكتفت على هذا .....
والله يا اخى كلما تذكرت اننى لو تركتها هكذا ستكون مطلقة فى هذة السن انبت نفسى كثيراً على مجرد التفكير فى هذا الامر ....وكلما تذكرت كلامها وهى تقول لقد تسرعنا فى كتابة العقد كان المفترض ان نتريث قليلاً علمت حينها انها عادت فى كلامها ولكن الاوان قد فات وهى الان تخرج عيظها المتمثل فى بعدها عنى و فى كل امر يحدث منها لى
.......
رغم انها قالت اكثر من مرة انها تخاف على امها فقط فى امر الانفصال هذا
الا ان امها ذات نفسها فى المرة قبل الاخيرة التى حادثتنى فيها منذ حوالى الشهر
قالت لى ... نفس الكلمة مرة اخرى
والله لو ما كان لك نصيب مع ابنتى هناك مليون فتاة تتمناك
والله قلت لها يبدو ان شخصيتى لا تعجب ابنتك
قالت لى ...لماذا لا تعجب بشخصيتك انت اى بنت تتمناك ؟ .....انت عارف لو محلش نصيب مع بنتى انا هجوزك بنفسى انا اللى اختارلك عروسة والله لاخطبلك انا .....زانا خلاص اعتبرتك ابنى
والله كلما تذكرت هذا الكلام وشعرت فية بالتزييف يكاد عقلى ينفجر
انا لا اريد ان اكرههم .....والله حتى لو لم يكن بيننا نصيب لا اريد ان اكرههم ....
لا اعلم لماذا فى بعض الاحيان كلما تذكرت امور اشعر انى اظلمهم
اشعر انهم اما طيبين جدا او خبثاء جداً
يا رب ارشدنى
والله ما عدت اعلم اى شىء
انا تقريبا فقدت السيطرة على نفسى
يا ليت الامور تعود الى نصابها كما كانت
كما كانت الفرحة فى اول الامر
كما كنت اشعر فى بادىء الامر انها تحبنى وتخاف منى وتعمللى حساب
يا الله ارشدنى
بالله عليكم دعواتكم فى هذة الايام دعواتكم

__________________

اعتـذر ان كان فـي يــوم قـسـيـت والعذر ان كـــان صديـت او جـفـيت فأنت حد السيـف لاـمني اعــتـزيـت وانت اغلى شخص في عمري لقيت الوفـا فـي غيــر قلــبك مـالـقيـت