نورا


اللي يفقع مرارتي


لما يكون الحل واضح والحق بين والحرام بين ومع ذلك لسا يسأل


يبي رجال وردوا عليه ونساء وردوا عليه ولسا يسأل


قال كلام اول وقلنا رأينا ... ماعجبه

راح قلب الكلام وقلنا رأينا ولا عجبه

كل شويه يطلع بسالفه ... لا وكلها ضده مو في صفه!!!


بديت اشك ان الموضوع يختبر صبر الاعضاء فقط لا غير .. لأن مو معقول ناس فهمها بطيء لهدرجه !! سوري يعني

__________________
[/IMG]

بقولكم على حاجة






هالموضوع جدا جدا استفدت منه
كبر زوجي بعيني:14:
واهل زوجي ياقلبي عليهم صاروا ناس فاهمين
لو قدامي ام زوجي كان عطيتها اكبر بوسة

ههههههههههههههههههههههههه ربي يسعدج

مصائب قوم عند قوم فوائد ؛ )

__________________
لا تحزن إذا منع الله عنك شيئا تحبه .. فلو عَلِمْتمْ كَيْفَ يُدَبّرُ الرّبُ أمُورَكمْ .. لذابَتْ قلوبُكمْ مِنْ مَحَبته،،،،: )

من جددددددد صار نفسي امسك زوجي و ابوس راسه ..
و محبته زادت في قلبي اضعاااااااااف ..

يالله ياشيخ انبسط ,, والله امك داعية لك
راح تكسب اليوم دعاااااااااااااوي حلوة من قلوبنا

ربي يصلحك ياشيخ و يهديك و يريح بالك انت و زوجتك ويكفيها شركم

مشكلتي اصدق ..
مريت ببعض المواقف هذه وحاسة باحساس زوجته بس خليني ساكتة ..
الفرق انه زوجي انصفني و الحمد لله
ربي يخليه لي

الأعزاء والعزيزات روح الطير، مشكلتي أصدق، نبض الدان، نوورا، حلواية، أم محمد، سيكرت، عزوبي بس رجل، تميم .. وجميع من قرأ موضوعي وشارك بالرأي والنصح .... والله العظيم أنا من جد أشكر مشاركتكم بالموضوع وجهودكم وقراءتكم لكافة التفاصيل .. والله ما قصرتوا .. كل جهودكم على راسي

لكن أرجوووووكم أن تفهموني، ولو تلاحظون تقريبا معظم الرجال كانوا في صفي. زوجتي كانت تمشي كل شي على كيفها. قبل ما أهلي يجون أستأذن وإذا ما عجبها تقلب وجهها، أكثر من مرة تطلع وترد متأخر عن الموعد بساعة أو ساعة ونص، لبسها ما كان دايما يعجبني لأنها ماشاء الله طويلة وجسمها حلو ففي لبس معين ما أحبها تلبسه، إذا بتروح تنام لازم أنام معاها أو على الأقل أنومها، إذا زعلت وعصبت راحت بيت أهلها حتى من غير رغبتي ... وغيره الكثير من التحكمات.

أنا أبيها تجي المسكن الجديد لأن قدومها إلى المسكن الجديد يعتبر أول بادرة منها تثبتلي فيها حسن نيتها وإنها راح تسمع الكلام، وأطمن أنا من الناحية الثانية إنها بالفعل بدت تسمع كلامي وأنا أمشي البيت مو هي.

أنا بالفعل صدر مني ومن أهلي أغلاط وايد وتسببت في ضرر نفسي لها وجرح لكرامتها وشخصها، أنا قاعد أعترفلكم بس ماني قااااااادر أعترفلها بهالشي، ما أبي أبين جدامها إني غلطان لأنها راح تظل ماسكتها علي طول العمر خاصة إذا رجعنا وإذا حست فيني ندمان راح تبدي تملي علي شروطها، وجذي يكون ضاعت سلطتي عليها.

واللي أنا ماني قادر أستوعبه ،، مهما كنت سببتلها من ضرر نفسي أو أذى ماني قادر أتخيل إنه تروح ترفع علي قضايا. أكيد كان في أكثر من طريقة لحل الموضوع إذا هي فكرت شوي ... بس ترفع قضايا على زوجها مرة وحدة !!!!! الموضوع واااايد كبير بالنسبة لي .... خاصة إنه وراي التزامات ومسئوليات وأعباء وايد لازم أخلصها وهي عارفة عدل هالشي، وموضوع القضايا زود همي.

بصراحة بعد آخر مكالمة ... هي ردت دقت علي (بعد ما تحسبت علي وقالتلي ما أرفع عليك التليفون أبد). قالتلي راضية إنها تسكن معاي بالبيت الجديد بس حابة تقعد معاي أول وتتفاهم على الأساسيات وأهم الأسباب اللي كانت تسببلنا المشاكل وتخلينا نختلف. المهم أنا شفتها فرصة إني أفرض رايي عليها أكثر (صراحة مقهوووووور من مضوع القضايا)، قمت قلتلها تبين تردين عندي تروحين محاميج تسوين محضر صلح، وبعدين نتفاهم على كل شي وأهم شي عندي تسمعين الكلام بككككللللل شي أقوله لج مهما كان.

مرة ثانية بدت تبكي وتقولي إنت تبي خدامة ما تبي زوجة، ولازم يكون مابين الزوجين رحمة ومودة وأخذ وعطا ومن هالكلام. وبعدين قالت مستحيل تسوي صلح، نقعد أول نتفاهم ونشوف الأشياء اللي كانت تزعلك مني وأقولك الأشياء اللي كانت تزعلني منك، ولازم أكون رادتلك وانا مرتاحة ومطمنة ومادري شنو .....

الصراحة .. مادري ليش حاس إن كل هذا تمثييل بتمثيل .. أحس تسوي جذي عشان تروح عند القاضي تقوله أنا قلتله وهو ما رضى !!!!!

المهم أنا قلتلها كلامج كله تمثيل بتمثيل وانتي تبين توصلين حق نقطة ببالج وانتي تفكيرج دنيء (أدري غلطت، بس أرد أقولكم مقهوم من سالفة القضايا خاصة إن وراي سفر بخلص شغل برة ومالي خلق قضايا وبحل الموضوع قبل لا أسافر).

أنا شايف إنها وحدة قاعدة تمثل ومهي عارفة تاخذ قرار، وأكبر دليل يوم قالتلي خلاص انسى إني أجيك البيت انت الظاهر بايعني حتى تفاهم ما تبي، قلتلها خلاص نكمل محاكم. وبعدين في شغلة ثانية .. قالتلي إنت طالما عاقد نية الطلاق بداخلك بس ما تبي تعترف ، ردولي أغراضي اللي خذيتوها مني (شوفوا شنو اللي هامها بس)، طبعا انا قلت لا، لأنها للحينها على عصمتي وبذمتي مالها حق تاخذهم حتى تجيني البيت، وكل اللي جابته بالمهر اللي عطيتها إياه.

ردت مرة ثانية تحسبت علي، عصبت أنا وسديت التليفون.

الحين بما إنها قررت تكمل طريق المحاكم، أنا اليوم مقهور من حركة القضايا ومقهور من المشاكل اللي كانت تصير بيني وبينها قبل وإهانة أبوها لي وحدي مجروح منها ... معقول بيوم من الأيام راح أنسى وأرد أشتاقلها !!! خاصة إذا حكملها القاضي بالطلاق !!!!! ولا ممكن ألقى وحدة ثانية تنسيني كل شي !!

عطيتها حقها يالغلا .. مايحق لك تسترجعه وش .. لعب هي !!!!

واضح انك تظن المهر حق لك انت تسترجعه متى ماتبي .. هذي بحد ذاتها مشكلة

__________________
شتان .. بين من تسيره مبادئه ، ومن تسيره مصالحه

ياخي مين اللي بصفك؟

واحد معاق ذهنيا وعاطفيا حتى اسمه يدل عليه ( تايه )

والثاني اعزب ( قود مان ) يعني خبره زوجيه صفر!! وله موضوع فلسفه زوجيه عجيبه بس فاتك مالحقت عليه يدل على انه فعلا مو فاهم وش يعني زواج



كلامك الاخير ماله الا معنى واحد

انت اللي قاعد تتجنى عليها

خليك قد الظلم اللي انت فيه واستعد لعقوبات الهيه مايوقفها لا محاضر ولا صلح ولا بيت جديد ولا انت ولا امك



انت رجل احترفت الظلم .. راجع نفسك .. روح لشيخ دين ثقه واخصائي علاقات اسريه ( هذي يمكن خامس مره تنكتب لك مني ومن غيري ) وسيبك من المنتدى .. جالس تزيد في غيك وضلالك وبس


الله يخلف عليها ..وياحظها الان مظلومه اي دعوه لها عليك الان مستجابه .. انتبه

__________________
[/IMG]

يعني مدري كم من الاعضاء ردوا عليك ... بالعشرات

ولا التفت الا لرد اثنين !!!!!!!!!!!!!!!!!!!!!!!!!!!!!!!!!!!!!!!



قمة الــ مدري شسمه

__________________
[/IMG]

يعني يا إخت مشكلتي أصدق .. منتي شايفة إنها غلطت علي بالأول برفعة الصوت واللسان الطويل وتخلي البيت وتمشي وكل شوي تقولي طلقني ... الحين يوم جه وقت الصدق تقول لا مابي أتطلق وباقية عليك !!!!!!!

يعني ممكن هذا يكون عقاب لها من الله على عدم طاعتها لزوجها يا اختي والله تعالى أوصى بطاعة الزوج والرسول عليه السلام قال لو ما أوصيت بعبادة الله لأوصيت النساء بعبادة أزواجهم !!!!!! صحيح تسوي بعض واجباتها، بس ما تطبخ غير مرة مرتين بالأسبوع، وعلى طول منكدة علي عشان اللي براسها يمشي ....

أعترف إني وصلت لنقطة إني غير قادر على التحمل وصارحتها إني وياها مو متفاهمين ووصلنا لطريق مسدود، بس هذا ما كان سبب يخليها تترك البيت وتمشي.

الحين يا إخت مشكلتي أصدق .. هي وااااايد جرحت مشاعري وكرامتي كرجل .. جه الوقت اللي الله يعاقبها فيه. يعني هي اللي ظالمتني، وانا ما سويت معاها شي. أنا كنت بعطيها أثاث البيت لولا شروطهم إن الأثاث يروحلها أول ... وبعدين قلنا خلاص نسوي صلح هي راحت جنت علينا ..

مثل ما قلت أنا الحين مقهووووووووووووور من القضايا وأبيها تتنازل عنهم بأييييييييييي طريقة، بس أيضا بطريقة ما تخليها تمشي إللي بكيفها، أبيها تجي عندي البيت وتسمع كلامي بحذافيره وما عندي مجال لكلمة "لأ" ... وإلا عاد نكمل قضايا وشوفي انتي عاد المشاكل والفضايح اللي تجي من ورا المحاكم والقضايا واشلون انا وهي بنصير مثل الأعداء.

واللي يقهرني أكثر إنها تقولي إنت السبب وإنت السبب وإنت السبب اللي خليتني أرفع قضايا !!!!!

الحين اشلون أتصرف معاها عشان تتنازل عن القضايا وترجع البيت بشروطي ؟؟؟؟ وإذا صار طلاق، معقول ممكن أندم!! مادريي ليش حاس ما راح أندم وبلاقي اللي تعوضني عنها.

انا ماعاد عندي شي اضيفه

مره تبي تعاقبها

مره تبي تأدبها

مره كل شي طلع عن السيطره واللي صار صار

مره ماتقدر تعترف لها


انت نفسك مو عارف شنو فيك


هو ده اخر رد اذا الله راد


مالك الا شيخ يفتي لك واخصائي اسري.. غير كذا الله يستر عليك وعليها وربك فوق

__________________
[/IMG]