المشاركة الأصلية كتبت بواسطة ادمنتك

ياخوي كم لكم متزوجين كيف اهلك ماشافوها الا نص يوم؟؟

المشاركة الأصلية كتبت بواسطة ادمنتك

اتوقع ان شخصيتك سريعة الغضب بطيئة العوده وحساس وعصبي ذي على فكره من اصعب الشخصيات اللي تصادف اي زوجه لانها شخصيه صعبه جدا جدا جدا يبغى زوجته بالتفصيل زي مايبغى ولايزعل

معليش أختي أنا أشوف أني مختلف عن ما تقولين . مثال لما تصير مشكلة ما تطول أكثر من يوم و بعدها نروح ونرجع مع بعض .و أنا أقدر موضوع حنا في غربة يعني لو طنشتها راح تتأثر كثير وأنا راح أتأثر طبعا .و أنا ما أطلب منها شيء معين محدد . يعني لازم تسوي كذا وكذا بالعكس أنا أنسان أحترم حقوق الحرية في حدود الشرع و حدود الأدب . يعني ما اجبرها علي الذهاب لأحد معين . ما أجبرها علي لبس شيء لا تريدة . لا أجبرها بالدراسة و لا أحب أجبر أحد يسوي شيء أنا أبيه منه . يعني مو زي ما قلتي أبيها بالتفصيل زي ما أبي .

هي قدوتها امها وكلمة امها تمشي وانت تربيت في بيت الظاهر ان المراه فيه تطيع الرجل في كل شي وان لم تفعل ذلك تعتبر مسيطره او تريد ان تمشيك على هواها

لا يا أختي أنا تربيت في بيت أن أمي تأمر و تنهي و تقترح وكلامها يمشيء علي الجميع زي كلام أبوي بس الفرق أن أبوي قوي شخصية وأمي طيبة و تحبة و ما تحب أنه يزعل من أي شيء و تسوي الشيء الي يبي بدون ما يطلبها . و أبي يحب أمي ولا يحب البيت إذا كانت أمي ليست موجودة فيه .

يأختي ليش تعتذرون وتقولون أمها وأمها . كل واحد عقله في راسة يعني أنا لا أرضي أن أبي أو أمي تتدخل في أشياء في حياتي ليست خطأ و لا أسمح لأحد بتجاوز حدود بيتي . مع ما أكن لهم من الحب والاحترام . بس برضوه هذه حياتي .


والمراه طبيعتها حساسه بطبيعتها اللي خلقها الله عليها غير جهلها تجمعتوا على بعض وجبتوا العيد
طبعا انت حاط الطلاق في راسك لم تكتب موضوعك الا لتريح ضميرك من ناحيتها لان الحل وضعته في راسك قبل ان تكتب الموضوع

يا أختي هل ترضين أن تفعل إمرأة بأخوك زي ما سوت فيني؟؟؟؟؟؟ . دراستي تأثرت . مالي وتدينت . نفسيتي وخربت وصرت متوتر وعصبي. سمعتي صارت بالتراب قسما بالله لو تدرين وش كانت تقول و تشكك في عفتي و شرفي . الله المستعان """ الله يسامحها """ تخيلي زوجت أخوك الثاني تجيك تقولك أخوك الأول سمعت عنه كلام من زوجته كيت كيت كيت . بالله وش راح يكون شعورك . مو قهر و شيء يرفع الظغط . إتهام في أخلاقي وشرفي و الخ .

يا أختي المصلح الأسري يقول طلق و القاضي يقول طلق و عقلاء كثير رجال ونساء يقولون طلق و ربك سيعوضك خيرا انه سميع مجيب.

الله يرزقك بزوجه صالحه خلوقه تعينك على الحياه الله يسمع منك بعد ما اتخرج وارجع .
والله يرزقها بزوج صالح خلوق يعينها على الحياه آمين عاجلاً غير آجل
ختاما اخبرها((لن تسمع صوتي أبدا إن شاء الله )) بانك ناوي تطليقها لكنك لاتريد دفع المؤخر حتى تستعجل وتذهب للمحكمه وتطالب بالخلع سأحتفظ بها كفكرة جزيت خيرا
على فكره هي من النساء اللاتي لايملكن من الكيد شيئا اللي في قلبها على لسانها طبعا هذي النوعيه مستحيل ان تعيش مع شخصيه قويه كشخصيتك .
طيب وش ذنبي إذا شخصياتنا لا تتناسب وأنا لا أريد إلا كل خير والله أني لم أكن أتوقع أني سأكون بهذه القوة . و هذا الإصرار . يا أختي أنا صرت أنام وأستيقظ وأنا أحس أني أنامبراحة قرير العين و مريح دماغي مررررررررررررررررررررررررررررررررررة و علي أني متبهذل لا بيت الين الحين ولا طبخ كله مطاعم إلا أني شعرت بنعمة والراحة والوناسة نفسيتي صارت مريحة لا زعل ولا تكدير خواطر ولا تجريح .


لفت انتباهي شرائها للكتب ومتابعتها للبرامج التثقيفيه في الحياه الزوجيه وهذا والله ان دل دل على حسن نيتها وعلى حرصها على تقديم افضل ماعندها لك
كلامك صح بس وش الفايدة اذا ما طبقت كل الي تقرا لو قرأت 30% وفهمت وطبقت كان حالنا ممتاز الحين مع بعض .

على فكره هي يوم تكلمك بالاسلوب ذا تعاملك بنفس المعامله اللي تعامل فيها اخواتها اخوانها صاحباتها يعني لاسيطره ولاشي من اللي انت فاهمه مثل شخصيتها في البيت تماما وخصوصا ان قدوتها امها المسيطره
سفيهه طائشه على بالها ان اسلوب التهديد والتخويف بالطلاق بيغيرتعاملك معاها للافضل

من المؤسف أن أخبرك أنها يوم من الأيام طلعت بدون إذن وراحت لوحدة في اخر الحارة و جلست معاها وأرسلت لي رسالة نصها "" أنا رحت ل..... خل بيتك لك"" .!!!!!!!1

يا أختي هذا أسلوب مع زوج يحاول يحطها بعينة حتي لو كان عصبي ولا يجرح بكلام.

مثال أنا زوجتي مع الراحة الي سويتها لها والوناسة والاكل والقتوهات والراحة الي تبي زاد وزنها يمكن 20 كيلوا تقريبا . والله أني لم اجرحها ولم المح لها ولم أقل لها سوي أنا أبيك زي ما أنت لأن أحببتك لم أحب جسمك او صوتك او او او واقول لها دايم لا تسوين رجيم كيمائي لاني اخاف علي صحتك . و صرت امشي معاها بين فترة وفترة علشان تخفف. بس والله ما قد جرحتها علي اي شيء.لفت انتباهي ايضا تصرفاتها من تكسير ورمي وتحطيم هذا ان دل دل على نفسيتها المدمره
كذلك تخميشها لنفسها هذا ايضا يدل على نفسيتها المدمره
يعني نفسيتي انا ممتازة ؟؟؟؟ انا كنت بارسب في الجامعة من وضعها معي
ذكرت في احدى ردودك انك اول مره تتعامل مع امراه ولاتعرف ماذا تفعل وهي كذلك اول مره تتعامل مع رجل وتتصرف معه كما تتصرف مع اخوتها لاتجد الانتقاد الذي تجده معك
ايه يعني في الحب والرومنسية مو في الاحترام و عدم تجريح الناس واهانتهم.
مليءعقلها بافكار خاطئه هدامه ؟؟؟؟؟؟؟؟ ما فهمت


لفت انتباهي ايضا انه بعد الرسائل اقفلت جوالك وغيرت رقمك سافرت وتركتها لم تتكلم لامع اهلها ولامع ابوها ولاخوانها ولاحتى هي وهذا اكبر دليل على انك لاتسامح بسهوله .
يعني أروح وأقول ليش ترسل كذا ؟؟؟؟ إهانات في إهانات و اروح أتسامح ؟؟؟؟ لا كنت أتوقع الغربة مسوية كذا بس للأسف هي إنسانة طلع هذا طبعها وانا لا اقبل هذا الطبع . إذا كان حبيبك عسل لا تلحسه كله
على العموم اتمنى ماتتضايق من ردي ودي لك الخير لكن الظاهر انك شايل فكرة الرجوع من راسك طيب ماخطر على بالك يمكنها ندمانه الان حتى ابوك وامك نصحوك تعطيها فرصه يعني 4-5 اشهر فتره جيده للتاديب خصوصا انمابينكم اي وسيلة للاتصال حتي لو هي ندمانة يكفي تشويه سمعتي بين أقاربي و جيرانا هذه طيب لو كنت راعي بنات حقا وش راح تقول للناس ؟؟؟؟؟

دام ان الطلاق هو حلك الاول والاخير بعد صبر عام كامل تحمل وصبر ومحاولات إصلاح وضرب امثله حتي تصحى وتتغير و تمشية اهانات وتجريح و نقول خلاص لازم تتغيري وهي تقول ما اعيدها لا حياة لمن تنادي
فالله يوفقك ويرزقك من واسع ابوابه على نيتك الطيبه آمين ويوفقها ويرزقها آمين هي كذلك من واسع ابوابه الصبر والحكمه ان كان نيتها طيب وان كان غير ذلك يصلحهاويريها الحق حقا ويرزقها اتباعه ويريهاالباطل باطلاويرزقها اجتنابه

احترامي الشديد لك وللجميع

المشاركة الأصلية كتبت بواسطة حياة افضل

مشكورة و معليش اذا كانت ردودي سيئة بس صرت لا أبالي بمشاعر الاخرين بردوري لان قلبي صار حجر والله يعوض
ويصلح بيوت أخواننا واخواتنا . آميين.

المشاركة الأصلية كتبت بواسطة ادمنتك

شكيت في الموضوع عشان لااظلمها فقط زي ماتعرفون الطلاق مو لعبه كل ماوحده عصبت وغلطت على زوجها طلقها وانتهت الحكايه اين الموده والرحمه التي ذكرها الله في كتابه

يا أختي أنا عندي أخوات والله ما أرضي لها غير ما أرضي لأخواتي ولو كانت أختي مسوية في زوجها كذا لأنصحها ثم لأنصحها و لو طلقها زوجها والله ثم والله ما ألومة . فين أحترام الزوج وين حب الزوج صحيح كل واحد يزعل ما فيه مشكلة بس فيه حدود مهما حصل لا يتعدها الشخص .


عقلها مليء بالافكار الهدامه اقولك كيف ؟؟ بعض الحريم والصديقات اذا تجمعوا كل وحده تسولف للثانيه وتنصحها لاتقولين لزوجك كذا ولاتفعلين لزوجك كذا اعطيه العين الحمرا عشان لايتعود يمشي كلمته عليك ولاتسوين ولاتقولين ولاتسامحين ولاتعدين ولاتعودينه الين مايرسخ الكلام في العقل الباطن وتبدا تطبقه مع زوجها ماتدري انها تهدم بيتها بنفسها وهذا اللي اراه في زوجتك
خصوصا ان امها نجحت في ذي الطريقه مع ابوها

(((( أنا صحتها اكثر من مرة ومزحت معها اكثر من مرة بخصوص هذا الشئ "" قلت لا تخلين أذنك كبيرة تسمعين كلام الحريم تري نصائحهم تهدم البيوت . و في المقابل والله مافيه أحد من الرجال كان يحرض علي الحريم واصلا ما كنا نجيب طاريهم في المجالس من باب احترام الخصوصيات . ""))))

على العموم اعانك الله على مابتلاك ارى فيك شخصيه قادره بكل قوه على الخروج من هذه التجربه المؤلمه بنجاح
أنتم الي ساعدوتي واخرجتوني من هذه الأزمة التي لن ستستمر ألمها بين فترة وآخري حتي أتخرج و أرجع أتوظف وأحس أني عشت بمكان لم أجد لها به أي ذكري . أنا سأتخرج ان شاء الله 1-1-2013
والله يعدي هذي الايام علي خير . ويمحي ذكراها من قلبي فليس من السهل ان يخرج انسان من تجربة الحب بدون مضاعفات وألام لكن ربي كريم .


زوجتك على فكره تستاهل الطلاق لو كانت قاصده ماتقوله وليست غشامه مع اني متاكده انها ندمانه اشد الندم
اعانك الله

لا تعليق غير ان هذا قضاء وقدر وعلي فكرة كانت في آخر أيامنا لا تفتح لي باب البيت تقول افتحة انت ولو كانت جالسة خلفة بعكس اول ايامنا اول ما تسمع صوت سيارتي علي طول ينفتح الباب . و فيه زفرة كانت تخرجها علي طول سنة كامة تحسينها من اعماق قلبها و تحسين ورى الزفرة ألم و شيء كبير كبير كبير ما أدري وشو بس ما كنت أحب اشك ولا أحسسها أني شاك بشئ بس كنت اسمع من ورى هذه اسفرة الام واهات و شيء كان احس قلبي يتقطع اذا سمعت زفرتها ....
الله المستعان الله يخلف علي وعليها ويسامحها ويسامحني ويجبر بقلوبنا و يجبر بمصابنا .
أشكرك أختي أدمنتك وهذا من كبر عقلك انك ما تتسرعين بالحكم بالطلاق وكلامك 100% الطلاق والله اني أكره ما أحبة ولا كنت أبي اعيش لحظاته لأني أعرف الآلم الذي يخلفها في القلوب . الله هو يعلم كم كنت أخاف من لحظات الطلاق .الحمد لله

احترامي لك وللجميع

المشاركة الأصلية كتبت بواسطة ادمنتك

لاحول ولاقوة الا بالله احسك تكابر وانت متقطع من الداخل الله يسامحها والله ماتستاهل يصير فيك كذا وش تبغى اكثر من كذا
طيب اكيد قد سالتها ليه تعاملك كذا او ليه تكرهك وش تقلك ؟؟ يعني موفرلها كل شي وش تبي بالضبط منك؟؟