كلامي واضح وعلى قولة المثل ( إلي في بطنه لحمه نيه توجعه )
أهلها يقولو لها ارجعي ونحن معاك هل الأعضاء الكرام أحنّ عليها من أهلها
الأمور تؤخذ بالعقل ليس بالعاطفه الجياشه وخصوصاً مسائل الطلاق.

ياعزيزتي إنتي جالسه تفترضين فرضيات ونظريات بعلم الغيب ماتدرين ربي وش بيكتبلك صح الواحد لازم يفكر لقدام شوي ولازم يحسب كل خطواته علشان مايندم بس مو وقته الحين إنت الحين حامل وتعبانه حاولي تأجلين الموضوع وتهدين نفسك وتريحين نفسيتك شوي حرام اللي تسوينه بنفسك احس انك طول الوقت بس جالسه وتفكرين وش بيصير ..بخليه يطلقني ..بياخذ اطفالي ..بتزوج غيره..بياخذ الاطفال بيصير ويصير ويصير خلي امورك ع ربك هو وحده العالم وهو وحده اللي بيده كن فيكون ماتدرين يمكن تتغير نظرتك بعد الولاده ويمكن زوجك كمان يتغيرويمكن ماتتغيرون وصح تتطلقون ويمكن ويمكن ما احد يدري وماأحد يدري لمتى بتعيش عيشي يومك وحاولي تنسين همك ادري كلامي صعب تطبيقه بس حاولي ..بالنسبه لأهلك إذا احد فتح معاك الموضوع قوليلهم وبلهجه حازمه شوي تكفون ما ابغى احد يفتح هالموضوع قدامي خلاص اللي كاتبه ربي بيصيروبنشوفه كلنا انا الحين بهيأ نفسي للولاده وما ابغى افكر بشي وبعد ما اخلص الاربعين اشوف ومن هنا لذاك اليوم ما ابغى ولا احد يتكلم بموضوعي لا بحضوري ولا غيابي وإذا احد اتكلم وفتحه قدامك سوي نفسك ماتسمعين ولا تردين ولا على اي سؤال وخلي اللي يسألك ينحرج من نفسه ويسكت..عيشي يومك يا بنت وانسي كل شي خلي اتكالك وإعتمادك على مالك الملك وخلي ظنك بالله حسن واملك فيه كبير وربي ماراح تضيعين لا إنتِ ولا اطفالك ربي ارحم عليهم منك بس قوي صلتك بالله وبتشوفين كيف حياتك بتتغير للأحسن ان شاء الله..روحي اطلعي ..اتمشي ..جهزي لمولودك..اهتمي بأطفالك ..اهتمي بنفسك..فكري وش بتسوين بعد الولاده ان شاء الله من تجهيزات مو علشان تعجبين زوجك ولا الناس علشان نفسك..علشان لما تناظرين بالمرايه تقولين ماشاء الله احس اني اليوم نايمه كويس وبشرتي متغيره واني واني وتزيد ثقتك بنفسك مو تشوفين الهالات السوداء تحت العين والتجاعيد من السهر والضيقه
اتمنى تقفلين موضوعك وخلاص ابدي من اليوم من هاللحظه اتوضي وصلي ركعتين وإعزمي ع انك راح تتغيرين للأفضل وماراح تفكرين الا كيف ترضين الله علشان تحسين بالسعاده الحقيقه ومن بعدها تفكرين بأطفالك ونفسك وكيف تقضون يومكم مع بعض بدون منغصات وبدون تفكير بالماضي المؤلم ولا الحاضراللي علمه عند الله
تمنياتي لك براحه البال والسعاده وتقومين بالسلامه يارب وتفرحين بأطفالك ان شاء الله