اشكركم حبيباتي
ام سما
وامل
وبديع المعاني
ماقصرتوا
جدا تعلقت بهالحمل ويمكن هذا سبب ارهاقي من خوقي الشديد عليه
بالنسبة للسرير عندي طبي وقاسي يعني حتى لو اتقلب مايتحرك ولا ينزل تحت كني نايمة على البلاط
واكثر شى ارفع رجولي على مخدة احس بالرراحة اكثر
واتحرك بحذر شديد ولا اسوي اي مجهود على الشور اتروح وانا جالسة على كرسي لاني اذا وقفت كثير احس بدوخة
مالي سابق خبرة بالحمل ولا اعرف عنه شى توي ماصرت اقرا بالنت
بس اول ماصحى الله يكرمكم اتلفت دائما للفايل الي امسح فيها اتاكد من الدم
وامس يوم صحيت مسحت لقيت دم الصراحة انفجعت وماكان احد بالبيت اهلي طلعوا زيارة ركدت على المستشفى والخوف بقلبي
الي خوفي كلام الدكتورة يوم شافت الكيس قالت ترى مرة صغير وممكن يطيح هنا ضاعت علومي
رجعت البيت مارتحت طلعت مرة ثانية لمستشفى اخر
من نفسي قررت اسوي تحليل رقمي مرة اخرى عشان اتاكد من النمو
دخلت عند دكتورة قالت التحليل ممتاز مبرووك
بس سالتني عن العلاج ليش اخذه دامني حامل
المهم مريت صيدلية وبعد اخذت تحليل منزلي وطلع خط واضح والثاني خفيف
بس الخوف بداخلي مو مريحني
ربي الي رزقني بعز همومي قادر انه يثبته ويرحمني ويقر عيني بهالجنين
كم حسيت ان الضنا غالي وهو توه مضغة تعلقت فيه وخفت عليه فما بالكم اذا كبر وطب بالدنيا
قالت امي كلمة حسيتي اشلون الضنا غالي؟
قلت ايه يمه حسيت وكان الله بعونك وعون كل ام
وانا بالمستشفى جت وحدة معها طفلين زي القمر ولد وبنت
مسحت البنت بيدي وتخيلت انه ماعندي اطفال وحضنتها وقلت متى طفلي يصير بهالسن واحضنه
بس الظاهر حتى لو جاني طفل بصير اخاف عليه من الموت
الظاهر اني موسوسة ولا راح ارتاح ابدا
تعلقت بجنيني كثير باقي مازرعت فيه الروح بس اكلمه اسولف معه
صرت اقول ياربي اصلح لي ولدي !! وانا معرف هل بيكمل ولا لا
صرت ادور الاسماء وافكر ايش راح اشتري له من لبس
واذا قرر يدرس وين بدرسه وصلت بعيد بعيد جداااا
ابي طفلي يجي واحضنه واقسم بالله احتاج له اكثررر من امي احتاج له لانه هو الوحيد الي راح يقدر احتياجي له
يارب ابقيني انا وطفلي وان اخذته خذني معه
احبه كثييير احبه وهو مضغة اخاف عليه من اي شى الاكل اكل عشانه النوم انام عشانه ابي اضحك عشانه
اذا جا حياتي بتكون عشان ربي وعشانه بس
الضنى غالي ياغالين وانا لو جا ولدي اعطيه عيوني وهو ينور لي طريقي بشوفته

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

كلامك مبكي وماحد يلومك يارب لا تكسر لها فرحة يارب اجبر كسرها.
الله كريم قلبي معك ودعواتي.

-
استودعي الله حملك وبحول الله لن يضره شيء بقدرته القدير
إذا انتِ بجدة عندك الدكتورة حنان الشمراني على مدح الكثيرين أنها جداً ممتازة ولعلك تبحثي في محرك قوقل عنها
قد يكون هناك دلاله ربما تنفعك بأمر الله ومشيئته

دعواتنا لك يا أخيه

__________________

-
يَاربِ تمّم بالفَلاحِ مَسيرتي ..

لمسة... شوي خلي الوسواس عنج.. استودعي الحمل الله سبحانه و تعالى و توكلي عليه..

كثرة التخبط و الإستماع الى الآراء المختلفه راح تزيدج حيره و خوف و قلق و وسواس...

استقري عند طبيبه واحده فقط.. هي تتابع حالتج من بداية الحمل إلى آخره...

و لا تستمعين إلى النصائح الجانبيه... من كلام النساء... احترم كلام كل وحده تكتبه.. و لكن الوضع الطبي لج خاص.. و دكتورتج هي اللي تعرفه.. ما في أحد يعرف وضعج الطبي و احتياجاته...

الدواء اللي كتبته لج اتوقع تكون عندها دراسة معينه تمشي عليها... في أشياء وايد تكون حديثه و متخصصه و للأسف مب كل الدكاتره يكون عندهم علم فيها...

اتوقع هي تخليج تاخذين حبة الإستراديول... اللي هو هرمون الإستروجين.. بعض الدراسات بينت ان اخذ حبات من هذا الهرمون بعد التلقيح مهم للحفاظ على بطانة الرحم..

راجعي مخاوفج مع دكتوره "متخصصه" في حالتج.. مب طبيبة نساء عامه.. لازم تكون متخصصه في حالات التلقيح.. لأنهم فاهمين اكثر في وضعج..


و نصيحه يا اختي.. لا تناقشين وضعج الطبي مع اي شخص... لأنج راح تتلخبطين.. الكل يجاوب بحسن نيه.. و لكنهم يخلون وضعج النفسي اسوء.. إذا نحن و في المجال الطبي و نتلخبط.. فما بالج بالإنسان اللي ما له اي علاقه بالطب.. بتلاقينه تاه زياده...

__________________
يرجى زيارة موضوعي


http://www.66n.com/forums/showthread.php?t=251177

حبيبتي.. ما تخافي من الدم.. انا أول ثلاث شهور كان ينزل دم خفيف.. وكنت أموت من الرعب في كل مرة.. الهرمومات متعبة للجسم كثير.. ما تقلقي.. إن شاء الله خيييير
ذكرتيني بنفسي
ما تقولينه حصل معي بالضبط.. حتى وصفك للمشاعر.. ربي يهدي بالك.. ويتمم حملك على خييير

مشكورة لكل شى حد الله يجزاك خير على النصيحة وفعلا كثر الاطباء ولااراء يخربطون الافكار وينحاس الراس
انا بس رحت اطمن بحكم ان دكتورتي مو موجودة بالعيد بس برجع لها ان شاء الله واسالها عن كل شى
الله يكتب مافي الخير ويهون علينا
ام يوسف العربية والله شفت الدم انفجعت وش افسر الدم بالله وانا حامل
من امس لليوم جبت ثلاث تحليل منزلي ابي اشوف شرطتين واضحة ههههه
ياربي اغرف لي وارحمني بس على وسواسي هذا
اشوف اشرطتين واقول لاهلي بالله هذه شرطتين
ااه الضنى غالي سبحان الله
وفي ناس تناقز وتشرب اعشاب تبي تجهض نفسها ومايطيح ههههه
وحدة من خالتي اذكر شالت سطل في نص مويا وسقطت هههههههههههه
ووحدة طاحت طيحة بنت جذف قالوا خلاص انسكرت مو بس سقطت
ولا سقط الجنين
سبحان الله الي مو حريص على الشى يجيه
انا حتى لا طلعت برى امسك بطني اخاف تطيح بطيني كلها هههههه من حرصي
الله يثبته يارب ويحفظه

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

لمسة وانت تكتبين تذكريني بحملي قبل 4 اشهر ، تعلقت فيه بقووووووة وكل يوم اقرا وادخل الحاسبة واحسب كم عمره وش نما وتكون فيه، حبيته حبيته حبيته بقووووووة ، وشريت ملابس حملي حتى حقت هالعيد لاني وقتها بكون في السادس، وفجأة وبدون مقدمات وبدون ما أتوقع ولا واحد في التريليون، نزل!!!
بكيت وبكيت وبكيت ، احس شي مني فقدته وضاع ، شي انشلع من قلبي ، شي ما اقدر اوصفه ولا اكتبه، عشان كذا حاسه بفرحته وخوفك ، وبكل كلمة تكتبينها، ارتاحي ارتاحي هذي اهم نصيحه اقدمها لك لا تتحركين الا للحمام بس وغيرها لا تسوين ،
الله يتمم عليك فرحتك

شوك يالله الله ضربت يدي مع زاوية الجدار
انصدمت وربي
اشلنو فقدتيه في الشهر السادس وس الاسباب
يالله مرة فجعتيني ياشووك بالله خبريني كيف صار معك

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

شوك وينك ليش ساكتة

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

اهلين لمسة
بعض الوجع بوحه وجع
الحمدلله على كل حال ، متاكدة انها خيره من الله