نعم نكديه وتدورين المشاكل ، اشعليك من صلاته تروحين وتردين على نفس السالفه حاطه في بالك إنك بتربينه كيفه صلاته له ، وين ماتبينه يعصب ويصير لسانه زفر ما ألومه إنسانه جامده لا ضحك لا إبتسامه لا سالفه تشرح الصدر مجرد أوامر وطلبات لا وتعطينه نظره من فوق لتحت وكلامك عنه كنه حرمه متكمكمه بالله هذا كلام وحده عن زوجها !!! حبيبتي حق الزوج أعظم من حق الوالدين أهم شي الإحترام والتقدير إحترميه بالأول عشان يحترمك .

__________________
الحمدلله حمدا جزيلا ...

في كلامه نسبة عالية من الصحة

موقفه لما قام مزعوج من الصياح طبيعي واعتقد موجود بأغلب البيوت
يااختي اذا ماارتاح ببيته وعبر عن مشاعره وين يرتاح
ولووو فرضنا انه يتضايق منكم بالله ليش قالك تعالي!!
علشان تطبخين هذاه يعرف يطبخ واحيانا يعرض عليك الطبخ من برا وغيره..
لكن فقدكم وفقد جوكم..


انا معك زوجك نكدي من خلال مواضيعك
بس كثير مواقف تذكرينها تتصعد من تدقيقك ومثاليتك وبيني وبينك عدم اقتناعك الكامل فيه كزوج

الصلاة انا معك
صعبة جدا نشوف ازواجنا مقصرين بهالناحة
بس هل نفع النصح المباشر قبل؟!
هل يترك الصلاة نهاااائيا؟!!
هل جربتي الدعاااااء والالحاح على الله؟!!
هل جربتي تدخلين احد ثاني ياخذ منه..انا اتذكر مرة دخلت امه وبدون مايدري بطريقتها اخذت منه الاعتراف وكلمته..


شيء ثاني ياقلبي
قلنا اتركي دور ربة المنزل
المفروض اذا جيتوا بتطلعون تشترون من برا والله اكثر الاحيان يطلع ارخص من المقادير نفسها
مهما كانت سناعتك ومهما كان حبك للشغل الا يتأثر مزاجك من تعدد المسؤوليات
زوجك يبي وحدة مثل شغالة امه بشوشة دلوعة تهتم بنفسها..

زوجك على نكديته لكن الأكيد به مفاتيح

والله واحد من عمومتي هييييبة اذا جلس كأن على رؤوسنا الطير يجلسون عياله وبناته صاااامتين لحد مايقوم من المجلس.. زوجته شااايلة بيته وعياله واهله على راسها
تزوج ثانية تغيييير صار يضحك يسولف قدامنا يسوي حركات هو وزوجته..
الفرق ان وحدة زوجة تقليدية
والثانية اشتغلت ع الاشياء اللي لايمكن يحصلها الا عند زوجته وانتي عااارفة زوجك مثل طبع عمي بالضبط


اعرف ان زوجك نكدي وانا مجربة الحياة مع النكدي واعرف صعوبتها
لو انتي قبل الزواج قلنا يمديك لاتقبلين
بس الحين بينكم اطفال
والله العيال مالهم عز الا ببيت أبوهم مهما كان الأب لاتغرك الاحلام
والله وقت خيانة زوجي جلست فترة عند اهلي وجربت مع ان اهلي منتهى الرقي واللين
بس مهما كااان تحصلينهم منكسرين حاجاتهم ممكن ماتتاح فيه كبار بالبيت مايتحملون الازعاج
لاتقيسين على زياراتك لاهلك والا جلسة اسبوع والا شهر
الانفصال غييير

لو كان خائن والا معنف جسديا والا مخدرات وقتها خطر على اطفالك
زةجك اخف بكثيييير

بس كثري استغفار وتعلمي التعايش والتغاضي علشان تحافظين على صحتك وهدوؤك

اقولك وانا احتاج هالكلام بين الوقت والثاني وربي يهديهم ويكون بالعون

كنافة ..

راح تصحي و تعرفي مقدار زوجك - بعد فوات الأوان - ..

هذه نصيحتي لك ..

،،،،،،،،،،،،

أق ي هالكلام زين ياكنافة..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

تدرين وش مشكلتك انك ما تطيعينه و تبين اللي براسك يمشي غصب

بعض الناس اذا مو مستقر بحياته ومرتاح تلقينه حتى عن الصلاة يتكاسل و اظن زوجك منهم .. حاولي تتذكرين لما يكون سعيد و مبسوط هل يصلي أو لا ؟


جربي هذا الاسبوع فقط فقط كل ما قال شيء قولي : حاضر ، ابشر ، تامرني ..
و اللي بقلبك اسكتي عنه ما اعجبك تصرف تغاضي عنه ضايقتك كلمة كأنك ما سمعتيها .. حاولي تكوني مرحه

فقط اسبوع واحد كوني مطيعة و " صامتة "

المشششكلة عندكم مو الصلاة..

لان حتى لو زوجك راح يصلي الجمعة كل اسبوع.. راح تضل مشاكلكم.. انتي بمشكلة الصلاة تجدين غطاء شرعي لتعاملك معه... يعني انتي على حق.. لانها الصلاة عمود الدين.. وليعطيك الحق تغلطي عليه متل ما بدك لانه اساسا لا يصلي... وانتي تعرفين بينك وبين نفسك انو مو هاي المشكلة.. اعتقد مشكلتك انك مو متقبلة زوجك.. وشايفة حالك عليه..وهذا يظهر من كلامك انتي نحن ما سمعنا من زوجك..

انتي مثل كل هالبنات.. مدللة ببيت اهلك بس لسه ما استوعبتي انك اليوم ببيت زوجك.. وانو حتى لو ررجعتي عند بيت اهلك مطلقة مع اولادك.. وقت الدلال الك وللاولاد بينتهي.. البعد والاشتياق بيروح.. الزيارات الحلوة مو هي السكن معهم 24 ساعة.. انتي والاولاد... وحتى لو توفري لنفسك بيت مستقل.. اولادك يحتاجون اب.. شو الخيارات لي عندك.. تتزوجي من جديد؟ وترجعي الاولاد لابوهم؟ او بتفكري زوجك الجديد راح يربي اولادك ويموت فيهم متل ابوهم.. اذا ابوهم مابيتحمل صراخهم وتعبهم كيف بدك رجال غريب يدللك انتي واولاااادك.. اصحي من عالم الاحلام يا كنافة.. هذي هي الحياة لازم تتعاملي مع لي عندك.. كوني واقعية بتفكيرك..

كلام زوجك على طول.. انتي شايفة حالك على ايش.. انتي نكدية.. انتي مغرورة شوفي ليش بيحكي هيك.. لانو كلامك " ناظرته من فوق لتحت" " حرمة مكمكمة"..
هو بيحس بكل هالشغلات من نظراتك وكلماتك.. ومشكلتك قبل شهر لي قلتيلو فيها انه مو رجال.. اكبر دليل.. ويومها ماكان السبب الصلاة.. اذن لا تتحججي بهذا الامر..

اختي اذا مو متقبلة زوجك وحاسه انو مايستاهلك فمن حقك ما تستمري معه.. بت ظلميه وبتظلمي نفسك معو.. حددي موقفك ولا تخلي زوجك معلق..لكن اذا متقبلتيه وتحبيه وبدك الاستمرار.. ارجوك راجعي نفسك لانك مابتحترمي زوجك وبتجرحي رجولته.. وبكره راح ينتقم منك اكيد..

كلامهم اختصر الشي الكثير كنافه
انتي منتي مقتنعه بزوجك وحاسه انه مايستاهلك
وعشان توصلي لمرحلة القناعه فيه لازم يكون السخي الرومنسي الحنون المكسور ومايطالب بوضعه كرجل
عشان ممكن تقتنعي فيه
اقلك شي واعتبريه درس من واقع خبره مؤكده
انا عايش نفس وضع زوجك بس كنت ذابح نفسي عشان ترضى وكنت مستنقص في حق نفسي كثير
لكن لقيت ردات فعلها زييك بالظبط (تدقيق على كل شي حتى لو حلو وفي صالحها الا تطلع فيه عيب وتقتنع بالف فكره ومشوره من اهلها الا فكرتي ولو كنت قلت نفس الشي واشياء كثير مع العلم عشرة عمر فوق 13 سنه
كانت تحاول تمسك الزله والخطاء عشان شايفه نفسها انها افضل وصاحبة الفضل انها عايشه معي وكنت اقلها (على ايش شايفه نفسك ) كنت (اقلها انتي مغروره)
عشان ترجع لي وتصحى ولكنها اتمادت اتمادت الى
مثل ماقال المثل كثر الدق يفك اللحام
الان لو اشوفها بتتقطع وبتنتحر ماهزت فيني شعره وصرت اعاملها وحده بوحده نظره بنظره صحيح شي متعب ومرهق لكن اعز للنفس

الخلاصه اذا انتي منتي مقتنعه فيه لاتظلميه ولا تظلمي نفسك
ةاذا كنتي مخطئه وتكبري الامور راجعي نفسك (اذا هو يعتذر الان صدقيني بكره حيكيدك عشان يقهرك ولا حيعتذر)خذي الجانب الكويس ولا تدققي في الحياة الطبيعيه عشان ترتاحي واحترميه ولا تستفزي رجولته

نعم زوجها فيه الجانب السيء اللي سبب المشكلة و فيه الجانب الجيد
لذا عن نفسي. لم انصحها بالطلاق. بينما الحوار الصريح و الوعود

بداية هو غلط. و اغاضها كثيرا
و عندما لم ترضى بسرعة و بضغطة زر حولناها لنكدية. متطلبة. مثالية. و ستندم!!
مشكلتها انها تتأثر بصراخه و عصبيته و نحن نقلب عليها الوضع

لما لا نقول لها الحق. ان الامر متعب و اعانك الله. لكن قدها و قدود و بإيجابياته سينصلح الوضع

__________________

الله المستعان

ومن اعرض عن ذكري فان له معيشة ضنكا

أي مصيبة اعظم من ترك الصلاة

__________________
الحمد لله بلا سبب ولا طلب..
الحمد لله في حياتي وبعد مماتي..
الحمد لله دائمآ وأبدا..