علامة الجودة
حلا دلعها لا لا
انتي شو اخبارك... ما استقريتي على اسم؟

سبحان الله
انتي ما عملتي رباعي الابعاد
واذا عملتي شو قلك؟

__________________

مشكوره علامة الجودة وصح كلامج لازم اسوي سونار رباعي
والله يرزق جنيني واجنتكم الصحة والعافية يارب

للأسف ام عبدالله ماعملت والله !

هلأ متل ما قالتلك علامة الجودة المفروض تعملي
لانو هدا بيطمنك اكيد على البيبي
بيبين معهم كل شي
انا من الخامس عملتو

__________________

وانا كمان عملته قبل أسبوع كنت بأخر الخامس
كنت ناوية أعمله بالسابع عشان البيبي بكون أكبر شوي الدكتور قلي انه احنا بنطلبه بالخامس عشان نطمن عالبيبي اكتر بكون كل أجزاء جسمه واضحة .. وان شاء الله لما تعمليه الله يطمنك عليه وما يكون فيه الا كل خير


ام عبدالله حلو اسم دلعها لا لا شو بحب دلع البنات و نعومتهم بس مو فوق المعقول بعدين بتمردوا علينا
ان شاء الله ام عبدالله أقوى الاسماء يلي ببالي هو ريم و زوجي حابب الإسم كتير عم دورلها من هلا على اسم دلع لريم

__________________

علامة الجودة وام عبدالله
مشكوووورين ياقلبي انتو ماقصرتو

و بسوي سونار رباعي عن قريب ان شاء الله

ريم كتير حلو
ودلعها عندي
ري ري
او
مي مي
ما في احلى من البنات
كل ما بتكبر حلا بتزيد غلاتها بشكل ما تتخيلي
مش عارفة كيف بدي اربي غيرها
وولد كمان
بحس الولاد كتير دفشين
وعندي حلا متل النسمة
دايما بقوللها فراشة
خصوصا لما تضحك هلأ... مع السن الصغير(واحد من فوق وواحد من تحت وواحد منهم يمين وواحد شمال)
اشي بجنن

__________________

الله يخليلك اياها يارب و تفرحي بأخوها ان شاء الله
انا بفكر أدلعها ليمو بس هلا عم ناديها بوبينا
شفتي يا ام عبدالله من هلا عم تدلع عليي من مبارح وضارباتها مو قوية متل قبل كم يوم شكلها عنجد فراشة



ام عبدالله انتي لفيتي حلا للأربعين ؟؟

__________________

هلا يا حلوات..... انا اليوم كان عندي شغل كتييييييييير... وطلعت من الشغل رحت افطر عند اختي,, حبنا حمص وفلافل ومسبحة.. كان نفسي اكلهم من زمان...... اكلت كتير وحاسة حالي ما راح اقدر اتغدى..

حلمي قريب.. انا سمعت ان الدكتور رياض زين بس انا شفته من بعيد وشفت طريقة كلامه ماارتحت له.. حسيته عصبي..
اما ماشالله عليه الدكتور مؤيد شاااااااااطر وراااااااااايق.

سبحان الله ان شالله مايكون في البيبي الا العافية انتي اهم شي اعملي التراساوند رباعي.. انت في الدوحة..؟

__________________
...NOURA...

نورة الأمورة وينك صايرة ما عم اطلي علينا كتييييير شو اخبارك و كيف البوبية الحلوة ؟؟

__________________