الله يفرج همك ياقلبي
ولا تعطين فرصه للحقيره تلعب بعلقلك واضح انها حاقده عليه وتبي تخرب بيته أعوذ بالله منها وش كثر كلامها وكله تحريض
هو زوجك غلط بس من كلامه انه ندمان ومو عارف يطلع نفسه منها بس انتي اعطيه درس يخليه يمشي الف ما أنصحك بالطلاق
الله يكتب لك الي فيه الخير

والله طاح ولا احد سمى عليه
حلال فيه ليت كل خاين يلقى مثل كذا واكثر
الله يمهل ولايهمل

__________________
اللَّهُمَّ إِنَّا نَسْأَلُكَ نُفُوساً مُطْمَئِنَّةً تُؤْمِنُ بِلِقَائِكَ، وَتَقْنَعُ بِعَطَائِكَ، وَتَرْضَى بِقَضَائِكَ.

البنت هذي حاقده وبأي طريقه عايزه تخرب حياتكم هذي شيطان ما تسمعي لها دام انك متأكده انه ما خانك بجسده لأنها بتدخلك في متاهات مع نفسك ,, استهدي بالله واستعيذي من الشيطان وخليك مع زوجك ابو اولادك

__________________




سبحان الله وبحمده ♥
سبحان الله العظيم ♡
♥♡♥♡♥

يريتك جاريتيها وشجعتيها بموضوع الهيئه
عشان يمسكوه ويتربى مضبوط ويلقنوه درس ما ينساه ويرجعوه ليكي متادب
ووقتها انتي تفرضي شروطك ..

اكملي احنا معك

اقول لك ياروح الطير كأنك امسكي في زوجك وعضي عليه بالنواجذ وخليك من البنت هاذي وسوالفها خليها تدور لها واحد غير زوجك يرقص لها على مزاميرها هاذي اكبر مخربة وفتانة بين الأزواج وتبغى تغزي بيتك وتكسب الغنيمة ابو الشباب لقيت لها واحد على كيفها تبغى تضحك عليه
ومو عارفة كيف تتخلص منك ومن اولادك جالسة تخطط وترسم على كيفها واللي حارقني زيادة وفقع مرارتي قولها لك هاذي المرة اختاري بعقلك مو بقلبك على كيفها هيه تبغى تطلقك وتشاور عليك كيف تختارين الزوج القادم من جد اللي اختشوا ماتوا .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

كملي ياروح كلنا معك

ونصيحه حطي الطلاق اخر حل
وبالنسبه اللي يقولون عادي وكل الرجال يقعون فيها
ايش بكم يعنى عادي عندكم ازواجكم يخونون تراها ماهي سالفه كلم بنت بس تجر وراها اشياء ماكلمها الا وكدب على زوجته وكذب على ربه بعدين اذا عادي يكلم وراكم تزعلون لاخان بشي كبير تراه كلها سلسله
روح حبيبتي لاتفكري بالطلاق ولاتفكري كمان ترجعين بسهوله وبسرعه
كلامي مستعجل وانا منتظرة تكمله بس بعلمك ليش بعدين
مع انه صعب والله بس الله معك

__________________

كملي روح الصورة بدت تتضح أكثر

__________________
الحمدلله الذي بنعمته تتم الصالحات

طبعاً ، لا تنسوا إني جيت هنا من فترة و كانت الدنيا مسودة بوجهي ..
و افتكر إني جيت فضفضت هنا ، بيوم 20 ليلة 21 رمضان ..

لإني قمت ليلة 21 رمضان و صليت ركعتين و بكيييييت و نمت ..

.
.

و يوم العيد ، ليلة تاني يوم العيد ..
شفت الحلم اللي قلت لكم عليه ،،

إنه أمي تعطيني عيدية و كانت مبتسمة و مرتاحة ..

تفسيره مثل ما قلت ..

إفراج هم ، و تعويض من الله خير

.
.

طول الوقت و أنا أقول ( الحمد لله ، ربي يبغى لي الخير )

.
.

أنا قلت لأهله ، لإني كنت خلاص مقررة انسحب من طريقه ..
و كنت مصدقة كل كلمة هي قالته ..
يستاهل ( ليش من يوم تزوجته و هو مو صريح ؟
لو كان صريح مثل ما كنت أطلب منه ، كنت سمعت له )

و لإني يوم تزوجت ، أبوه قال لي :
زوجك دحين بيدك تصنعي منه ( رجال ) ..

فقلت لهم ..
هذا ولدكم ، و هو من البداية يبعدني عنكم و يبعدكم عني ..
عشان يعيش بحرية ، هو من الليل مو في البيت ..

و أنا ما بأتكلم عشان أتبلى عليه ، أو أحد يوقف معاي ..
أنا أعرف أخد حقي بيدي ، و ماني بحاجة لأحد ..

بس ولدكم بيضيع دنيته و آخرته ..
ألحقوا عليه ، لإني من اليوم مالي دخل فيه ..

.
.

أخته قالت لي ..
هذا شخص ميئوس منه ، و إنت ما قصرتي معاه ..
و الله يعوضك باللي أحسن منه ، و لازم ياخد درس و يتعلم ..
و ما يتعلم إلا إذا بيته اتخرب بيده ..

و قالت هذا جزاة اللي يهمل صلاته ، إيش تستني منه ؟
و قالت أمي و أبوي تعبوا منه و فقدوا الأمل خلاص

لا تتعبي حالك معاه و تضيعي عمرك ..
هذا ما يستاهلك ..

.
.

المهم ..

أنا صرت جالسة لوحدي ، و أهلي كلهم كانوا بيزوروني تاني يوم العيد و يعيدوا علي ..
بس جوالي ما رديت فيه على أحد ..

ثالث يوم ، طبعا ما كنت نمت و لا أكلت شي و صاحية من الليل ..
ساكتة و أطالع بالولدين ، البيت ما مسكت فيه .. ما رتبت شي ..
أولادي ملابسهم ما غيرتها من أمس ..

بس جااااااااااااااااااااااااالسة و ساكتة ..

.
.

أخوي يدق علي و يقول لي : نحن بعد ساعة جايين كلنا عندك نعيد عليك ..
أمس كنا بنجي بس ما رديتي عالجوال ..

قلت له الله يحيكم ، بس معليه البيت مو مترتب و لا أنا أو الأولاد ..
نفسيتي ما تساعد ..

هما وصل لهم من أختي ، إني تركت زوجي ..
بس ما عرفوا التفاصيل .. لإني ما دخلتهم .. بس الموقف اللي حصل منهم برمضان ..

عمي دق على أخوي و بدل ما يحاول يصلح مشكلتي ..
جالس يتشمت شكله فينا ؟

لإنه من يوم مات ابوي الله يرحمه ، و عمي انقلب علينا و صار هو و أخوي ضد بعض ..
فأخذ عمي الموضوع هذا حجة له ، عشان يتشمت بأخوي ..

ما تدخلت بينهم و لا تكلمت ..

بس زوجي كان لازم أحسسه إنه (عمي) بمكانة أبوي و هو ظهري و سندي ..

.
.

المهم ، جوووو كلهم و شافوني بعد العشاء ..
مجرد ما شفتهم ..

صار الدموع تنزل من عيوني و ما أتكلم ، اسلم عليهم و الدموع مغطية عيوني و أنا ساكتة و ماسكة حالي ..
حسيت أخواتي نفسهم ياخدوني بحضنهم ، و أخوي كمان ..

بس أنا كنت ( صادة ) .. و ما أبغى أتكلم ..
و خلاص ما صرت أبغى شي من أحد ..

دخلوا الغرفة ، يلعبوا مع ولدي ، و أنا جالسة قدامهم و ابتسم ( و الدموع تنزل من عيوني زي السيل ) ..
قال لي أخوي ، ليش ما لبستي ؟
مانت رايحة لعزيمة عمتي ( أخت أبوي ) .. ؟
( عمتي هذه ، أكثر انسانة حكيمة في العيلة )

قلت له : لا ..

قال لي طيب ولدك ؟
قلت له : لا ..

قالولي : يالله تجهزي و البسي عشان نروح كلنا سوى ..
قلت لهم : مالي نفس .. و مافيش وقت ..

قالولي : يالله قومي ألبسي و تشطفي و فلانة تجلس معاك تلبس أولادك لحد ما تخلصي ..
و نحن نعيد على فلان من أقاربنا و نتقابل هناك في العزيمة ..

.
.

فكرت مع نفسي و شفت إني لو جلست ، راح أنجن ..

جهزت حالي و رحت معاهم ..

.
.

هناك شفت قريبتي بنت عمتي ( مطلقة ) .. جلست أسألها عن كل شي و الإجراءات ..
سهرت معاهم هنا ، مع أقاربي من جهة أبوي .. و مع بناتهم و ما رجعت البيت ..
جلست عندهم نتكلم لحد الفجر بعد ما راحوا كل الضيوف ..

طبعا زوجي ما أدري عنه و لا أفكر فيه ، و جوالي مقفل كان و نسيته في البيت ..
نمت عندهم ، و ما خلوني أرجع البيت لوحدي .. عمتي مسكتني ..


حسيت و أنا مع عمتي ، كأني مع أبوي الله يرحمه ..
هما الإثنين مرة يتشابهوا ، و شخصياتهم تتشابه ..

شفت أولاد بنت عمتي ، كيف مشتاقين لأبوهم ..
شفت حياتها بعد الطلاق ،، عشت معاها يوم كامل ..

شفت بعيني ، و تكلمت مع بنت عمتي ..
قلبها كبييييييييييير ..

أنا طبعا ما أدري عن أخواني و أخواتي و لا هما يدروا عني ..

.
.

قمت الأربعاء الساعة 12 الظهر ،،
دقيت على جوال زوجي من بيت عمتي ..

سألته ،،
ما رحت المحكمة ؟


قال لي ،،
دحين مافي وقت ، تأخر الوقت ..
خليه السبت ..


قلت له ،،
بس إنت وعدتني الأربعاء ، و أنا بالقوة صبرت لحد الأربعاء ,,
ما نمت و لا أكلت عشان بأستنى الربوع يجي ، ما راح أصبر لحد السبت معليه ..

.
.

ساااااااااااااااااااااااااااااااااااااااااااااكت ، ما يقول شي ..

.
.

قلت له ،،
هاه ، متى ؟

.
.

قالي ،،
طيب أنا خلاص أروح دحين و أسأل إيش يحتاجوا أوراق ..

.
.

قلت له ..
اليوم و ما راح أستنى التأخير ..

.
.

قال لي :
إن شاء الله ..

.
.

جلس سااااااااااااااااااااااااااكت ..

و قال ، أنا لو عندي أمل واحد في المية إنك ممكن ترجعي لي ..
كنت طلبت تسامحيني و اعتذرت ..

بس أعرفك مستحيل تسامحيني طول العمر ، لو جلست اعتذر من دحين لطول العمر ..

.
.

بعدين قال ..

ما أعرف إذا يحق لي اطلب فرصة كمان ؟
يومين تفكري ..

.
.

قال لي

و الله إني بعد ما كلمتك ، رحت مكة و جلست قدام الكعبة ادعي و ابكي ..
أقول يارب أهدي زوجتي و رجعها لي ..

أنا أمس كنت في مكة ، و مقفل جوالي ..
أدعي ربنا إنه يرجعك لي ..

أعرف مالي وجه اطلب الطلب هذا ..


.
.

سكتت و ما قلت له شي ..

.
.

قال :
و الله إني دقيت كم مرة على جوالك و ما تردي ..
أبغى اسمع صوتك ، ما رحت الشغل تعبان ..

جيت قدام البيت و ارسلت لك رسالة ( طلعي لي جزمتي الجديدة الله يعزك ) ..
مع إنه و الله الجزمة بسيارتي ، تعالي شوفيها ..

بس حجة ، عشان أبغاك تردي علي ..


أنا لو بايع ، كنت رحت اليوم المحكمة ..
بس تقصدت أأخر الموضوع و ما أروح لحد دحين ..
أنا لو بايع ، ما كنت رفضت انطق الكلمة قدامك ..

أنا لو بايع ما قلت ، السبت أروح عشان تجلسي كمان مع نفسك ..


**********************************


افتكرت في نفس الليلة ، قالت لي بنت عمتي ..
إنه أولادها على قد ما تعبت في تربيتهم و ما قصرت معاهم ..
دحين واحد منهم يقول لها ( إنت إيش عملتي لنا ؟؟؟؟؟؟؟؟؟؟؟؟ )

و كلهم يبغوا أبوهم ..

قالت لي :
فكري كمان ..

قالت لي :
زوجي مجرد ما قلنا له ( طلق ) ،، طلق بسرعة و لا رفع السماعة ..
و قالت لو بس رفع السماعة و قال ( ألو ) ..
كنت رجعت له بسرعة ..

.
.

شفت بعيوني وقت أكلم ولدي قدام أولادها ،، و أشوف بعيونهم حزن إذا ولدي قال ( بابا ) ..
شفت أولادها وقت أجلس معاهم ، يقول لي ولدها ( هذا الجوال بابا جابه ) و بعيونه فررررررح و افتخار إنه عنده أب ..
يقول لي ( بابا جاب لي ، بابا بابا .. إلخ ) ..

كذا يقولها بطريقة العطشان ..

.
.


سكتت و ما رديت على زوجي ..

اختي روح الطير
بالرغم من اني ضد اي نوع من انواع الخيانات حتى وان كانت الخيانة على درجة ضعيفة!!
وبما ان زوجج ماتمادى في الخيانة ولا اسرف فيها!! وهذا والله مو عذر ادري

إلا أني حاس ان زوجج ندمان كثير ، وحاب انه يعيش معاج فرصة أخيرة!!
ف ليش ما تأدبينة تأديبة حلوة وتخلينة ياكل نفسة عدل وبعدها تسامحينة؟؟

مع احترامي لكرامتج وعزة نفسج وكبريائج ، بس وش فيها اذا عطيتية فرصة اخيرة؟؟
منتي خسرانة اي شي والله ، يمكن انه يتوب وينصلح حالة ويصير احسن من قبل واكثر
او يتغير إلى إنسان ثاني !! وانتي بعد توقفين جنبة وتساعدينة عشان يتغلب على شيطانة!!

ولاتنسين انه مستعد ينفذلج اي شي !! وتقدرين تتشرطين علية مثل ماتبين وتأدبينة!!

انا ابيج تسامحينة مو من باب اني رحمتة لانه مايستاهل الرحمة!!
انا ابيج تسامحينة لانه في مجال تصلحينة وتأدبينة وتسوين منة الرجال اللي تبين!!

فكري ياروح!! وحنا كلنا معاج

__________________
استغفر الله واتوب إليه

أنا عشان كذا هنا ..

عشان إلى الآن ، أنا مبينة له ( إني ما سامحته ) ..
إلا بشروط ..

.
.

أمس قبل بكل الشروط اللي حطيتها له ..

.
.

أكمل دحين اللي صار ..

لإني يوم الخميس ، أعطيته الأولاد ( و انصدم و ما توقعها مني ) ..
قلت له الخميس ( خذ الأولاد و ربيهم إنت )

الرجال انفجع ..

راجعة أأكل ولدي و أنيمه