يا حبيبتي

انتي لما كلمتيه قالك بالحرف دايما انا الغلطان

يعني هو يحس انك لما تتعاملي معاه كانه طفل صغير
بتكلميه عن الصح و الغلط و هو رجال هو اللي المفروض يقز الصح و الغلط

اختي انت جاوبي بينك و بين نفسك ليه بدك تبقي معاه و على هذا الاساس خلي خطواتك الجاية

بالنسبة لموضوع الاهل و امه لا تهرزي صورته قدامهم

لانك راح تخسريه

شئ ثاني امت تحولت تغيري عليه من بدا يعاكس بنات او يكلمهم

الغيرة مش عيب بلعكس حلوة
بس لا تحاكيه بنفس الطريقة لقبل هدي الاحداث

حبيبتي بعد ماجمعتي الادلة اول شي احفظيها بمكان امين مثل الاميل او الدروب بوكس وبعدها احذفي البرنامج وتكون الصور موجودة حتى اذا صار ما صار ما ياخذ تلفونك ويحذف النسخ ويقلب عليك الكلام كله! ،،، بعدها كلمي والدته واذا حسيتي ما نفع فوالده لان يبين عليه ما يرضى بالغلط ...

حاولي هالايام تعيشي لنفسك فقط ،،، طنشيه ولاتحرقي قلبك ... و بعد كلامك مع اهله توقعي نوبه انفجاره باي لحظة ! وان طلب ادله فخليه يشووف! مع اني اعتقد عشان يمسحها بس انتي اولردي عاملة حسابك .. هالنسخة عشان مستقبلا لا يتجرأ يتكلم عليك ويشوه سمعتك ويحط العيب فيك ! ..

انتي ع الاقى حاولتي الاصلاح اما هو العكس .. حاولتي تغيري نفسك اما هو لا ،، طريقته بحل الامور هي الانسحاب وايجاد ملهي اخر عن حياته معاك!

مرحبا يالغاليات
رجعت لكم بعد غيبه كم يوم
وكانت نفسيتي خلالها زفت جدا ومازالت بس قلت اطمنكم باخر مستجداتي
تقريبا تصلح الوضع بينا لكن بشكل غريب بحكيلكم الموقف وانتو احكمو
قبل امس بعد ماسويت الغدا واكلنا وجلست اتفرج تي في معاه شوي بعدين تعبت ودخلت انا داخل الغرفه
طبعا هذه عادتي من تخاصمنا اجي اجهز له الغدا بس من غير اي كلام لا منه ولا مني بعد الغدا ياهو يطلع يا انا اقوم من المجلس بعد ما امل من الصمت
انا دخلت شبه نمت بس اسمع
جا عندي نادني بتصفير حتى مو باسمي
فتحت عيني قلت له نعم
قالي تروحين السوق!!!!!
طبعا انا بققت عيوني بس بس قلت خليني اتدارك اعصابي واسايره
قلت له وش نسوي !!
قال وش نسوي بعد نجيب مقاضي!!!
قلت بعد صمت خمس ثواني وتنهيده عميقة طيب !!!
انا طبعا بموت من الاستغراب
طيب وخلافنا وحياتنا الي كنت بتنتهي ونفسيتي الزفت الي عشتها خلال الاسبوع
قلت خلاص يابنت سايريه شوفي وش اخرتها
بس قعدت مستلقيه في السرير سررحانه
الى ماجا هو قاطعني نشرب شاي ونروح ولا نروح الحين
رديت بتردد نشرب شاي اوكي
رد هو ولا نروح
قلت ماشي الي يريحك تبي نشرب شاي شربنا تبي نروح رحنا
قال خلاص نشرب شاي
وشويت شاي وراح هو صلى وجا
وكانت هذه اول صلاة بعد فترة اتوقع
وجلسنا
انا طبعا من شدة الاستغراب ماكنت عارفه اتكلم غير بعيوني
وش الي قاعد يصير كيف كذا
المهم ما اطول عليكم رحنا السوق وتقاضينا وكان جداكررريم واشترى كل شي بس انا نفسيتي ماكانت اوكي زي كل مرة انطط واخذ اشياء تعجبني واجيبه له بكل حماس واقوله وش رايك وهذا حلو خل نجرب هذا
عادة انا مرحة ف التسوق واحب التسوق جدا
لكن كان دايم مايعجبه اسلوبي ف التسوق وكل مارفعت شي كان ينقهر مني ومايعجبه
لكن هالمرة كنت غير كل شي كان ردي براحتك
وهو وده ياخذ السوق كله
دخلنا محلات لانجري قالي تبين شي قلت لا عندي
ودخلنا محلات لبس وشوز وانتو بكرامة قالي تبين شي قلت لا عندي
انا عادة حتى لو مابشتري احب اجرب واروح واجي ومربوشة كثير واتحمس واطقم مع اشياء ف بالي وهو بالمقابل كان ماينبسط مني
اما هالمرة كنت ساكته وهادية وارد بادب لا شكرا عندي
رجعنا البيت وكانت اثقل طلعه بالنسبة لي لاني قاعدة اغصب نفسي واجامل وانا ميتة قهر وهو متجاهل تماما مشاعري
اول مادخلت قلتله اني بدخل انام لاني نعسانه جدا
لحظات وجا هو وراي يقرب مني
ومن غير اي كلمة حب ولا اشتياق ولا اعتذار ولا شي
ضغطت ع نفسي شوي بس ماقدرت الا نطقت وش في فيك ساكت
مشتاق لي يعني
ابغاه يتكلم قال يعني ماتعرفي ويرجع يوجهه لي نفس السؤال
قلتله وخصامنا ووضعنا وش صار علينا شلون تمشي المواضيع كذا عادي
ارجوكم لاحد يهاجمني ويقولي كان مشيتي اي وحدة بموقفي راح تحس فيني وفي شعوري
ممكن الوحدة تجامل في اي شي الا في الشي هذا
انا عارفة انو هو قصده يراضيني بهذه الطريقة بس بالعكس كان ياذيني اكثر من انه يراضيني
المهم ردة فعله كان انه قام منرفز حتى مو متقبل النقاش وقالي خلاص براحتك اذا ماتبغي انا من جد الحين لازم افكر زين ماينفع كدا
انا بكيت نص ساعه هديت نفسي طبطبت ع نفسي
ورحت له الغرفه الثانية الي كان قاعد فيها
واول مرة ارتمي ف حضنه واعترف له اني احبه واعرف انه هو يحبني لكن اسلوب تعامله معي غلط وكلام كثير قلته بهدوء وجلس يسمع من غير لا يحاول يبين انه متاثر
هديت الامور بينا راح جاب عشا وضحكنا وانبسطنا يومين
حاولت اني اكون كويسة جدا واي طلب انفذه
لكن كلمت امه عشان من ضمن كلامه بعد ماتصالحنا انتي السبب ف كل شي وانتي الي كنتي تغلطي
انا قلت حرام يقتنع اني انا بس الغلط اقلها امه يكون عندها خبر
كلمتها وطلعت عارفة ولدها وكانت كويسة معاي وتقول انك مثل بنتي ومن هالكلام
انا قلت لها المشاكل بشكل عام مافصلت وماقلت عن خياناته
لانه شكله كان يكلم تضيعه وقت وماعاد صار يكلمهم مثل اول
مكالمة ف اليوم اشوفله وكلها مكالمة بدقيقه او خمس دقايق
امس برضو تشاكلنا بس انا السبب بشكل واضح لكن السبب الرئيسي هو
يستفزني لين مايخليني اطلع من طوري
ومشكلته مايبي ينام ف الغرفة يبغا ينام ف الصالة وانا جلست انتظره لين غفيت وتركني وقام راح الغرفه
قمت لقيت نفسي لوحدي
قلتله ليش كذا انت عارف اني كنت انتظرك قال قلتلك ادخلي نامي ومادخلتي
كيفك
والله من القهر طول الليل ابكي حاسه اني متعبه نفسيا واحتاج ارتاح
فكرت اروح عند اهلي انام عندهم يومين
بس خايفه يسوي لي مشكلة
وش رايكم

حاولي اذا كذا معاه ..
و لا تروحي بيت اهلك

بديتي تعرفي مفاتيحه

الله يفرج كربتك ويصلح لك زوجك

حبيبتي دام الامور ابتدت تتصلح ومن جانبه اذن خلاص اقعدي ببيتك وحاولي تضغطين على نفسك و كووني مثلللجة ! لا تخربي امورك بطلعتك لبيت اهلك ! هو لما الامور وصلت لنقطه حاسمة كلنا نصحناك بالجلووس وانتظاره فشلون لما بان منه جانب ايجابي ؟ واصلي معاه على الخط ولا تعاتبيه حاليا انتي تبغين الامور تكون بصالحك مو ضدك ... هو قاعد يقتنع شوي شوي وقاعد يشوف حياتكم من جانب آخر فساعديه ...

هو حاليا شبه منتهي من موضوع العلاقات اذن انتي انسيها بالوقت الحاصر ولا تذكريها له بوقت هدوءكم ... حاولي تسايريه واسمعيه ... لا تنتقديه ! مجرد اطلبي منه مثلا النوم بالغرفة فاءا رفض مباشرة قولي براحتك وخلاص سوي شغلتك ،،،

زوجك سهل
مو من الرجال الصعب التعامل معهم
بس انتي اثقلي واعرفي الاسلوب اللي ينفع معه
مع انه والله ما يستاهل من يتعب معه
بس هذا نصيبك ومالك حل

والله انتي انسانة ذوق وحبيبة ربي يشيل معك عاللي انتي فيه
وهو دايم يرمي الكورة في ملعبك يعني يمسك زمام اﻻمور ابينا نروح تبينا نشرب شاي تبينا نشتري خﻻص امسكي هالامور وخليك المسئولة في البيت
الله يسخره لك

الله يصلح لك زوجك

حاولي تصبري و تظلي في بيتك

صعب ننصحك و انت اللي بوجه المدفع

كل ما استطيع ان اقوله لك هو تحاولي تقيسي افعالك بمقياس العدل و ربنا ينور خطاك

لاتروحي بيت اهلك

دام طلع منه اشياء ايجابيه

ربي يصلح احوالكم

__________________