الله يسعدك يا اخي في الله
بس يومين
اصبري علي يومين احل هالاشكالية اللي عندي متعبتني
والله اني مهما سولفت او كتبت هنا ، بالي مو معاكم
ومضغوووطة بشكل متعبني ومارقني
وودي اهرب من اللي انا فيه
بس ما باليد حيلة

ام ريان

اسعد الله صباحك

احتاج ضروري جداً وبشكل عاجل اجابتك على السؤال التالي:

س- ماهو لونك المفضل في الزهور؟

س- واي لون ( زهور او عام) يبهجك؟ وايها يمثلك؟

ليه ؟! بتحلل شخصيتي
اعشق الجوري فقط
والخزامى
بكل الوانها
لما كنت صغيرة كنا زارعين بحديقة البيت
ورد جوري( محمدي) وردي وابيض واصفر واحمر
كان منظر الحديقة خيااااااال
وكنت كل ما تطلع وردة اتحسف على انها تموت ما استفدت من معناها!!
فكنت اقدمها لدكتورة في كليتي كنت ولا زلت امووووت فيها
وكانت روحها مرررره حلوة
تاخذ الورد وتشكرني، وتثبت الوردة بجيب الجاكيت
ومرة طاحت الوردة منها وهي تشرح
فوقفت شوح
واخذت الوردة من الارض
وقالت" اسفة ياللي اعطيتيني الوردة"

وصباحك معطر بالسعادة
رديت عليك ما انتبهت لسلامك
ترى انا كذا ، وهذا عيب فيني اركز على الموضوع
وانسى الاشياء الثانية!!

ماالذي احببتيه في هذه الدكتورة؟

بالعكس كذا التركيز على جوهر ردي روعه

وعفويتك واستطرادك بتذكر السلام على من سلم عليكي اروع

خليكي زي ما انتي

انسانة بكل معنى لهذه الكلمة
تحمل قيم انسانية كثيييييييرة
تتعامل معك كانسان !!
اذكر كانت تحترم جداً مشاعري الطفولية اتجاهها!!
لما حددوا تاريخ مناقشتها للدكتوراة طلبت منها احضر ، طبعا كان ممنوع وقتها
سمحت للجميع مو انا بس اللي يحضر
بعد الدكتوراة عملنا لها حفلة بسيييطة
قدمت كلمة كتبتها من قلبي لها وقراتها في الحفل
بعدها ولانها تعرف اني خجول
طلبت من صديقاتي ان اعطيها الكلمة
صورتها واعطيتها
وما زالت عندي الاصل
عمرنا ما حسينا انها دكتورة واحنا طلبة
مع انها تجمع مع العلم النسب والمال
كنت داءماً اسميها " الانسانة الدكتورة"
واكتب لها احياناً هالشي
معما تكلمت عنها ما اوفيها حقها

موضوعك عن الطفل الذي بداخلك انا اعاني منه بشدة
وصحكت بشكل ما تتخيله لما قرات لك
انا مو بس بداخلي طفلة مو راضية تكبر
انا بجلستي
بتصرفاتي كاني طفلة
مع اني في الاربعين الان!!
وهالشي يضايقني كثيييييير
ودي برصاصة واغتال فيها هالطفلة وارتاح

شفتي الطفلة هذه اعتبريها بنتك، لاتعتبريها، هي احدى بناتك

ومع الزمن صار معها قلة نوم وارق وانضربت واتهزأت وانظلمت

كيف راح يكون وجودها تحت بيت واحد معك؟

ماهو الحل؟

قتلها؟

ام اعادة تأهيلها ونصرتها واعادة حياتها العادية لها ؟

هل ان نجحتي في جعلها طفلة عادية ، ستستفيد هي؟ انتي (امها) ؟ من حولها؟

ما عاد ينفع يعيش بداخلي اطفال
انا كبرت خلاص
وهالطفلة ترهقني بتصرفاتها وتتعبني
يعني احد يسوي لي حركة يتوقع مني ازعل
لكن ازعل شوي وارجع زي الاطفال
عشان كذا احياناً احس اني ملطشه!!