أرسل لي انه بيجيب الاكلة الفلانية له أبي اكل يجيب لي .. قلت لا .. وأصلا من انا عشان يجيب لي أكل أنا مجرد خدامة .. قال أبري ذمتي ولا أنتي عندك مخازن تكفيك شهور يقصد لاني مليانة .. قمت فضفضت بكل اللي بداخلي .. مارد علي .. وقاعدة أصيح في البيت لحالي..حسبي الله ونعم الوكيل

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

هو ثقيل دم. بس اتحملي. شوفي آخرتها
شرايش تعزمين امك و ابوك على عشاء. 😅ويضطر يقعد معاكم

بس قولي لنا و ش قلتي له من فضفضة؟

__________________

يا ستار يا عليم ...

صراحة خبصتيها بكل ما تحمله الكلمة من معنى !!!!
هداك الله !!!

__________________
أشهد أن لا إله إلا الله و أشهد أن محمدا رسول الله صلى الله عليه و سلم

لوفتي كيف خبصتها

__________________

عاتبته وقلت له انت اللي ماترضى فيه لاخواتك لاترضى فيه لبنات الناس .. قال اخواتي عاقلات وقايمات في بيوتهن .. قلت الحمدلله حتى انا قايمة في بيتي .. أطبخ واكنس وأنظف واغسل ملابسك ومحافظة على عرضك وموفرة عليك في بيتك وكل شيء تبيه أسويه .. ودخل وانا أصيح في الصالة .. طلع عند السيارة وارسل لي رسالة اذا تبغين بيت اهلك جمعي أغراضك وانزلي .. قلت له ماراح اطلع من البيت الا اذا طردتني منه

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

كان يوم قال عندك مخازن تكفيك
قلتي ههههه الحمدلله خير من الله
مشكلتك تتاثرين باستفزازه
ماتعرفين تكبرين راسك وتحرجينه بعقلك الكبير

الم يرد عليك. بقول انت مقصرة في كذا و كذا وحدد النقاط؟
ربما يقصد عزيزتي نومك خارج الغرفة. تضايقه من وزنك.

برأيي ان ترسلي له
لا لا اريد ان أقرر ان اذهب بيت أهلي او لا
و لكن اريد النقاش معك في مواضع التقصير--الموقف الأخير--صدودك التام عني
نريد النقاش في هذه المواضيع وجها لوجه

__________________

عرض عليها يجيب اكل بس اهي بدل ما تلفها و تمشيها انفجرت كلام ماله داعي فذيك اللحظةصراحة يا لولو - اعذريني صراحتي يا اختي - ...
كان عليها تستدرجه الين يصير ليِّن و الامور تمشي شوي ، ذيك الساعة يصير العتب موب أولها انفجار !!!

__________________
أشهد أن لا إله إلا الله و أشهد أن محمدا رسول الله صلى الله عليه و سلم

ما تنلام لا لوفتي. هو ساكت عنها من يوم السبت. و شدعوة تأثر لما قالت له انا مجرد خادمة
علق باستفزاز. يعني لا تخافين عليه😅

__________________

يا ربي فرجك ...

لا تبكي ، خليكي قوية واختي ...

بس يا ريتك سألتيه عن لغز زعله بما ان الحوار انفتح !!!!

__________________
أشهد أن لا إله إلا الله و أشهد أن محمدا رسول الله صلى الله عليه و سلم