الله يرزقكم الذرية الطيبة السليمة المعافاه

قبل كم يوم .. مم والله نسيت قبل كم يوم ..
هرمونات الدورة لاعبة لعبتها فيني وكنت متضايقة جدا .. (ضيق كل شهر لما تجيني الدورة وأطلع مب حامل)
قلت لزوجي إلى متى بتسكت عن الموضوع ..؟ قال أنتظر لما أسافر وأرجع لأني ما أبي أبدأ العلاج شهر واقطعه واسافر .. (هالسفر كل مرة يتأجل ..)
قلت له لو إنك بديت من شهر 8 كان ألحين حصلت فرصة 5 شهور للعلاج ..
قلت إنت على الأقل أفحص وشوف سبب ضعف الحيوانات المنوية اللي بانت في التحليل اللي قبل سنة ..
يمكن دواري يمكن التهاب ماتعرف ايش السبب وساكت .. طيب يمكن سكوتك يزيد الموضوع تعقيدا وتتدهور حالتك ولو كان فيه قبل سنة حيوانات منوية ألحين تصير النتيجة صفر من اهمالك للموضوع وتأجيلك ..
يقول لي إنتي ماتدرين أنا ما اهملت الموضوع وأنا أفكر فيه كثير وشايل همه .. قلت له تفكيرك ماراح يخليني أحمل .. بدل ماتضيع وقتك ونفسيتك سنة بس تفكر .. اقدم على الخطوة وروح المستشفى وشوف شفيك دام ألحين عندك أكثر من شهر ونص على الموعد اللي تحدد للسفر .. (لو ما تأجل في اللحظة الاخيرة كالعادة).
المهم ثاني يوم راح المستشفى وعمل كشف سريري فقط والدكتور طمنه بعدم وجود دوالي .. وعطاه حبوب تخليه يترك التدخين .. مع إنه مش مدمن على التدخين .. يمكن زقارة أو بالكثير ثنتين في اليوم .. وممكن يمر يوم مايدخن .. يعني تركه للتدخين سهل مايحتاج حبوب ولا شي .. عطاه الدكتور ورقة عشان التحليل المختبري .. لازم يودي العينة قبل يوم الاثنين موعده الجاي .. وبنشوف .. يارب تكون نتيجته أحسن من السابق .. لأن المرة اللي راحت لما عمله كان الضعف شديييد ..

أنا ما أبي أقدم على الانابيب قبل مايجرب العلاج ونمشي بالخطوات الصحيحة .. مانقفز للحل الأخير إلا لو شفنا إنه فعلا حل أخير ..

الحمد لله فيه تقدم

ربك كريم

السلام عليكم ورحمة الله وبركاته ..
الحمد لله رب العالمين ، فرحت لأجلك ياحبيبة .
تطور كبير ..
وأنا مسافرة يوم السبت وموعدي يوم الإثنين ،وأقول يالله كما فرحتني بشفائي في هذا المستشفى فرح قلبي هذه المرة وتكون أموري تمام ..
أشعر برضا وراحة ..
سلمي عالوالدة والله يعطيها الصحة .

ام الدانة وسقيا

الله يسهل اموركم ويفرحكم ويرزقكم الذريه الصالحة ...وارزق كل من تتمنى الحمل بهذا التجمع يارب ...
بأذن الله ماتنتهي دي السنة وإلا انتوا فاتحين موضوع تجمع الحوامل ياارب ...

__________________


سبحانك اللهم وبحمدك، أشهد أن لا إله إلا أنت، أستغفرك وأتوب إليك

يا حبيبتي ياسقيا .. الله يرزقك زيعطيك ذكور واناث يملون عليك حياتك وببتك ..

امي تعبانة الله يشافبها .. رجع الماي علي رئتها .. والرئة الثانية التهاب .. تعاني بثعوبة في التنفس .. حتي جرعتها اليوم أجلوها لحد ماتتحسن صحتها ..

اللهم آمين .. ويرزقك انتي كذلك .. شكلك بسبب المنتدي بتحملين ..

حبيبتي ام الدانه اسال الله في هذه الساعه ان يرزقك بالحمل السليم المعافى
والله فرحت لك يااعمررري
الله يعطيك ماتتمنين

السلام عليكم ورحمة الله وبركاته. .
لابأس عليها انتبهي عليها وضعيها في عينيك .

الله يرزقنا جميعاً بالطفل السليم
_ انا معكم اتمنى طفل يملي علي حياتي
قبل سنه انجبت بنت وتوفت بعد ساعه من الولاده
الله يجعلها شفيعه لنا .
والان انتظر احمل وعسى ربي يكتب لنا الحمل قريباً
لكن عندي سؤال
زوجي كشف وطلع عنده بطئ بحركة الحيوانات
ايش تعني اذا احد عنده معلومه يفيدني بهذا؟!
وهل له تأثير للجنين بحث لاانجب طفل سليم البداً !

طبعاً اعطاه الدكتور علاجات وهو تركها ومااستعملها
^^

__________________