لمسة مبروك مرة اخرى على الحمل
واسمحي لي
ان كنتي تقدري ان تعيشي مع زوجك بالاحتمال الثاني --ان هو اختاره
خلاص ليه ما انتي الي تختارينه وتبقي معه وتشتري راحه بالك
خليه لك واجهه امام الناس واب لابنك وبيت تستقري فيه وايضا ينفق عليكم
بدون منيه احد
اشتري راح راسك ولا تدوري وراه ولا تغاري عليه
عيشي معه بالاختيار الي انتي وضعتيه امامه لكي يختاره
والحق ان امثال زوجك ما ينفع معاهم الغيرة ولا المطالبة
الوحدة منا لازم تشتري راحة بالها وتغمض عينها عنهم
كوني مثل زوجته الاولى ..... انشغلي عنه باي شي
الى ان ربي يقومك بالسلامة وتملي عينك بضناك وتنشغلي فيه
انتي اصلا الان مشغوله بحملك لكن ما منتبه على حالك
دائما اسعي لراحتك وانسي هو شو يعمل
وبخصوص حاجتك له ان يساعدك ويعينك
--الله يكون بعونك ويساعدك وان شاء الله ما تحتاجي احد ---
حاولي كم يوم ما تطلبي منه اي شي وتحسني اسلوبك معه --طنشيه هذا احسن معاملة هو يبيها منك
وان شاء الله لما يلاحظ تغيرك يبدا هو الجري وراك
لكن اهتمي بنفسك ولا تحرقي اعصابك عشان الي في بطنك
هونيها حبيبتي
انتي هذا عمر قضيته معه وما طلعتي معه بفائدة
اكيد ما راح تقدري تغيري منه شي بالصراخ وانتي حامل
انتبهي لحملك وخلي عنك زوجك
واتركي الصراخ والمحاته الي ما منهم فائدة لكل ولا لابنك
وكلها كم شهر وربي يقر عينك ان شاء الله
فطولي بالك
ونصيحة
ان لا سمح الله واختار الطلاق --ربي لا يقدر
انصحك ان يكتب لك تنازل عن حضانة الطفل
مو تكون مجرد كلام روحي وانتي وابنك ما ابيكم
لا خليه يكتب لك تنازل انه ما يجي بالمستقبل ويطالب في الطفل
حتى في حال زواجك من غيره
لا تقولي انا ما افكر بالزواج بعده ولا تقولي هو ما يبي ابني ولا رحا يطالب فيه
هذة دنيا ما تثبت على حال
اليوم الواحد يكون بحال وتفكير ---ويكرة يكون في حال غيره وتفكير اخر
والاقوال تتبدل وتتغير كما تتغير الاحوال
هذة نصيحتي لك ارجو منك ان تاخذي فيها
ربي يصلح لك الحال ويجبر بخاطرك ويعوضك خير
ويهدي زوجك لك ويحمي جنينك بحفظه
ويقر عينك فيه
بحفظ الله ورعايته
بالتوفيق