الله يقومك بالسلامة ..
بصراحة مااعرف وش يدور براسه لان في شي غلط ..!
اذا يحبها فعلا بيغار عليها ويبيها جنبه مو كل شوي مرسلها بيت اهلها..!
مافي زوج يبي العزوبية ولا ليش تزوج ؟ هناك مشكلة اما منه او منها مستحيل يكون في توافق!

بعض الأحيان فعلا ودي تروح زوجتي ,, احس بحرية شوي
بس اما انه دايم لا كذا فيه خلل
اسأليه مباشرة ليه كذا
انتي متى بالعادة تروحي وتجي لأهلك وكم تجلسي

والله ياخوي هالسالفة على زوج اختي انا استغرب منه وهي متقبلة الوضع رغم انه ماصار اكثر من 6 سنوات متزوجين وهو من بداية زواجهم ع هالحال ،،، يعني عادي يتركها بالشهر والشهرين ... وهي المسكينة مثل اللي يقودوه شنو مايبغي تسوي! انا طرحت عليها هالشي تقوول بس جذي او مرة يطلع بتبرير انها عصت امره واشترت لنفسها فوشار طبعا هالحجي قاله بعد ما حسوا اهلي ان الموضوع فيه إن ...

هههههههه اما عن نفسي العكس زوجي هو اللي يتنقع ببيت اهلي وانا جالسة ببيتي بحكم صداقته القوية باخوي ومحبته لوالدتي ووالدي ع قولته يحب سوالف اول والامور القديمة ..

اما الهدية ،، انا عن نفسي انصحك بباقة ورد وفيها كلام من قلبك و لازم تاخذ لاولادك كل واحد لعبة بسيطة مناسبة لعمره لان احنا الامهات نفرح اكثر لما نشوف الاب مفرح الاولاد وراح تكبر بعينها ،،، وربي يديمها عليكم اخوي

شكرا لك ولكل من نصح بهديتها وكذلك الاطفال ..
شريت لها طقم ذهب عبارة عن عقد واسورة وخاتم وحلق للاذن بحوالي 6100 ريال من لازوردي وغلفناه تغليف فاخر عجبني كثير والله شكل جديد والذهب اعتقد مافي امرأة ماتحبه ..! واضفت له طقم عطر ch vip rose 212 النسائي الجديد رووعه وافضل من القديم وبحوالي 430 ريال .. وغلفناه تغليف فاخر وللاولاد مريت تويز ار اص وشريت لكل واحد منهم لعبتين خاصة فيه .. وغلفناها لهم ..
تستاهل ام العيال ويستاهلون العيال ..
واليوم في انتظار الخانوم والاولاد ان شاء الله ..

ماشاء الله عليك يخزي العين حولك وحواليك
والله انك كريم ابن كرام
ماتنلام تحبك عندي اختين ياليت واحد مثلك يتزوجهن
سوؤال زوجتك موظفة ؟
صدقني اني مبسوط عشانك يوم جيتها قربت يارب تزيدكم هنا وسعادة وراحة بال طوووول العمر

ماشاءالله تبارك الله الله يحفظ لك زوجتك واطفالك .
ان شاءالله لاجيت بهدي زوجتي استشيرك او اخليك تروح معي للاسف ماافهم ولاجيت افكر بالهدية احتار واتعب وبالاخير اخليها تختارها بنفسها

مثل ماقال العضو AMG2000 مافي زوج يبي العزوبيه.
او ممكن الزوج يحب الهدوء فيبي يرتاح شوي من صجتهم.
اعرف رجال شخصيا من طبيعتهم العزلة حتى وهو في بيته له غرفة خاصة ممنوع دخول الزوجة والاطفال يجلس فيها طوال اليوم مايشوفهم غير وقت النوم والوجبات فقط فبكذا ينبسط ببعد زوجته.
لكن انا احيانا اجبر زوجتي تروح عند اهلها خاصة يوم العالم كلها اجازة ويكون عندي ضغط بالعمل ومومسموح لي اجازة ولااقدر اطلعهم ويتنسون شوي فتروح تغير جو هي والبنات.
والحين تبي تروح ورافض العيد كنا عندهم حلاوة هي .

انزين شلون تتعامل معه زوجته اذا كان بهالاسلوب وهي فعلا يعني عدم محبة ؟ غريبة يعني بيستمر الى ان يكبروا الاولاد وبدل مايحسوا انه ابوهم عايش يحسوا كانهم عاايشين مع مدير جاهز للعقاب فقط ،،، للاسف هذا الحاصل مع اختي ..

جميل الموضوع لعلنا نستفيد عما يدور في ذهن الرجال ..

__________________

خلاص قرب ينتهي موضوعنا والاعزب بيرجع متزوج ان شاء الله وحبه حبه خلصت الحدوته..!