قالت اللي في خاطري ماني حابة اصدمك بهالكلام لكن اعتقد انه هو اللي حاصل ... معقولة منتي حاسة بحقيقة مشاعره تجاهك اخت شهلا الرجل تصرفاته تدل على انه بايع ومافي شي يربطه فيك .. انا اسفة جدا اني اقول هذا الكلام و والله ماودي اقوله لكن يابخت من بكاني .. رحمتك من هذا التخبط اللي عايشة فيه ... قومي اقري قران يهديك شوية

السلام عليكم
احب ابلغكم بمستجداتي انا ببيت اهلي منذ مايقارب ال20يوم ولاحس ولا خبر من زوجي 'تفاجات ان امي كلمت زوجي وسألته أساله مالها داعي قالت له البنت طولت عندنا انت تبي مرتك ولا ماتبيها تحبهاولاماتحبها رد عليها انه يغليني ولكن المشكله مالها علاقه بالحب هي لها علاقه بعدم الاحترام من ناحيتي وطولت لساني ومشكلته معي لساني الطويل ' متناسي كل عيوبه ياناس انا يطول لساني من الهجران والبرود والجفاف والحرمان وكل هالاموووووور مجتمعه '''' آه الزبده أنها طلبت منه يكلمني عشان يصالحني ماعرف ليش امي سوت كذا هل طفشت مني ام عشان تشوفني حزينه كان ودي يجئ بنفسه مش تكلمه تطلب منه هالشى المهم سلم علي بالواتس ومارديت السلام وأحس أني بحيره مااستفدت شئ من زعلتي أخرتها انكشفت مشاكلي الخاصه وحياتي عند امي ووووبس
امي لمن ناقشتها عن تصرفها قالت خليه يسوي عمليه للمره الاخيره لو فيه عيال ولا لك القرار هل ارد عليه بالواتس ولالا ؟؟؟؟هل ارجع بيتي ولالا وش الشروط اللي اطلبها منه لو مثلا فكر ياخذ بخاطري. طفشت. من التنقل بيتي وبيت اهلي أبي استقراررررررر تعبت

ماني فاهمه هل مشكلتك الحمل فقط
هل لو حملتي ؟ بتكونين سعيدة مع زوجك
هل يكفيك ولد فقط
هل تقدرين تكملين حياتك بدون حقوق و بدون علاقة
و فوق هذا بدون عاطفة
انتي الوحيدة اللي تقررين

تعلقكي فيه مرضي الله يكون معك ي ختي اي وحدة مكانك بتكون حالتها نفس حالتك تاخذها اﻻفكار وتوديها وتجيبها اقري شوية قران يهديك

والله ياشهلا الحب معمي قلبك وربي احنا اخواتك هنا ولما نكلمك مانبغى لك الا الخير ... شفت لو عقيم وقايم بواجباته الزوجية تمام ماراح ننصحك بالطلاق لكن ياشهلا حرام عليك نفسك لا إنجاب ولا علاقة حميمة تشبع عاطفتك وهي اهم ركيزتين يقوم عليها الزواج كيف تبغي احد ينصحك بالرجوع له ... ارحمي نفسك واجعلي ظنك بالله حسن وتذكري دائما وإن يتفرقا يغن الله كلا من سعته .. لعلك ترزقين في مستقبل ايامك باللي يسوى عشرة من أمثاله بس اهم شيء عليك بالصبر مشكلتك عجولة وماعندك استعداد تضغطي على نفسك او حتى تبغي تغيري روتين حياتك اللي تعودتيه الله يفرج همك .

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

يمكن يكون رأيي الوحيد الشاذ بين الجميع

ولكن بما إنك متعلقة به أختي شهلا أنصحك تتصلين عليه وتناقشينه
وإذا حسيتي أن لديه ميل أو محبة لك ارجعي
لأن صدقيني مع هذا الحب الذي تحمليته له لن يملأ عينك أفضل رجل

ما أدراكِ لو أنه لا يريد أن يضغط عليك بالعودة له وهو عقيم ، ما أدراك أنه يتألم في صمت
وغالبا الرجل لا يبين عن ألمه وحزنه ، لعله يبتعد عنك حتى يهرب من الحديث في موضوع الإنجاب

ما أدراك لو يحبك ولكن لا يريد أن يضغط عليك بالعودة ، ويرغب أن تأخذي قرارك من نفسك وعن قناعة بالرجوع إليه

انا بعد محتاره
استخيري اختي

تفاهمي معه وشفتي ان حديثكم جاب نتيجة ارجعي للبيت
ورتبي امورك معه ان شفتي انه طلع بنتيجه وتسنع ووافق على العمليه كان بها والا هيئ نفسك للانفصال وانت جالسه معه بالبيت ..
علشان تصير هذي الفرصة الاخيره وعلشان بعدين ماتندمين انك حاولتي ..

بس ان عندي احساس ان القرار الافضل لك هو الانفصال والله اعلم

بس ماعرف لمن أروح اتفاهم معاه وشلون اقوله إذا سألني وش مشكلته غير الانجاب؟؟أقوله انت ما تعطيني حقوقي الشرعيه أحس فشله وعيب بحقي
لأني دائم لمن أقوله انت تحبني يرد علي رجعنا لهلاسطوانه
مدري ليش احسه يكرهني ولايعه كبده مني بس يبي يمشي الامور عشان مشكلته
حتي انا لايعه كبدي منه بس متحملته لأني ماتحملت بيت اهلي
علي فكره عندي دوره تبع العمل بأمريكا شرايككم أحاول اقوله اني بروح لها لحالي مع بنات المستشفي لان بنات واجد رايحين لوحدهم منها اغير جو ومنها اعمله اني مامت علي السفر معه لاني كل مااحجز يكنسل الحجز. امي عيت قالت استاذني من رجلك ماتبي تتحمل كلام الناس

طبعا تستاذني منه هذي سفر لاخر الدنيا
وانتي بذمته
حبيبتي قولي شروطك والي بقلبك كله باسلوب وبدون عصبيه