عندي سؤال ..
أنا وحدة عشت بين أبوين مايحبون القهوة نهائيا .. الله يحفظهم ويطول بأعمارهم ..
وطبعا الحب يطلع على بذره ..
لما أخذني (زوجي البدوي راعي البر والكشتات والشاص ههه) .. صار لازم أتعلمها ..
وانا لحد الآن بعد كل هالسنين ما أضبطها.. لأني ما أتذوقها ..
ولو تذوقتها ما أستسيغ طعمها .. يعني في كلا الحالات ما أعرف إذا كانت مضبوطة ولا لأ ..
أبي مقادير مضبوطة للقهوة وايضا طريقة عملها .. لأني أشوف زوجي يعلي على النار ولما تفور يخفض عليها .. وبعدين ما أدري على أي أساس يحكم إنها استوت ويطفي النار ..
سؤال ثاني : هل يضاف الكوفي ميت على القهوة العربية ؟
زوجي يضيف القليل منه بس أنا ما اقتنع باللون .. يصير مطفي .. وأنا اعتدت إني أشوف القهوة لونها مائل للشفافية..
سؤال ثالث: :
زوجي احيان يجيب قهوة مخلوط معاها الهيل والزعفران.. اكتفي فيهم وما احط هيل وزعفران في الدلة ولا كيف ؟؟

سامحوني على الازعاج .. وصباحكم كباتشينو ..

فعلا تعلميها وشاركي زوجك نشاطاته
ترى مافي احلى من شبه الضو واللمه والقهوه على الحطب
اللون المطفي الي تقولي عنه هو قمه المزاج واجمل لون ان كان اشقر واو ما افضل القهوه الشفافه
على النار بس تفوح عشر دقايق
وتعرفي انها خلصت

آخ بس لو تجربين القهوة مع قليلٌ من الهيل وقليلٌ جداً من الزعفران كان تنسين أمك اللي جابتك
عموما ماقصروا الاخوات

بالنسبة للشاص هذا، ودي بس أجربه وأشوف كيف سواقته، رغم أني ماعرف أسوق بالبر << جبان الأخ


بطلب منك تنزلين موضوع أو تردين هنا وتكتبين آخر مستجدات الشاص، وأكون لك من الشاكرين

__________________
ياصبحِ لاتِقبل !!
عط الليل من وقتك..

الدانة
اولا تتركين الموية يغلي
بعدين تحطين القهوه ع حسب كميه الموية ودرجة حمس لون القهوه
وحبتين زعفران
وتتركينها تطبخ ع نار هادية من ربع ساعه الي 25 دقيقه

بعدين تحطين الهيل بالدله اًو ترمس ع حسب الي تتقهوون فيها وحبه زعفران اذا انتم من نوع الي يحبه بزياده

وتصبين القهوه بالدله بعد ماتكونين سكرت النار عنها وخليتيها 3 دقايق علشان تركد بالبريق

وبعدين اذا حطيتيها بالدله ترجعينها ع النار يفوح الهيل فوح او فوحين وبس وتسكرين النار

وعليكم بالصحه والعافية

انا زيك ماشربها بس ضبطتها مع الوقت لان اهلي وزوجي يشربونها

__________________
سبحان الله وبحمده

http://http://i.imgur.com/uxzl3yG.jpgبمناسبة الأجواء الجميلة وباقي 5 ايام وتدخل المربعانية 😳

قهوة وشاي على الجمر




http://http://i.imgur.com/wIIyTiQ.jpg

__________________
ما نال أحدٌ من الفضلِ في مالٍ أو جاهٍ أو علمٍ شيئًا بكسب يده، لكن الأمر كله لله، يُقدّم من يشاء بفضله، ويؤخّر من يشاء بعدله.

مساء القهوة اللي مو وقتها، لأن وقت النوم قرب


اليوم أدمان قهوة
بالعمل كاسين قهوة أمريكية، ولما جيت البيت العصر شربت قهوة عربية مع تمر سكري أو بلح على قولت رؤوف، ولما جاء المغرب ، كلمني أخوي قالت نبي نروح نزور عمتي نورة توها طالعة من المستشفى، ولما رحنا شربنا قهوة عربية مع شوكلاتة، وشربت تقريباً مايعادل ثمان فناجيل.

كل يوم وأنتم مدمنين

__________________
ياصبحِ لاتِقبل !!
عط الليل من وقتك..

الشاص وشو هو نفسه وانيت

[QUOTE=مبتعثة متفائلة;3145404]الشاص وشو هو نفسه وانيت[/QUOTE
الشاص عزيزتي يختلف عن الوانيت والوانيت مو حلو
الشاص حلو للبر والكشتات لونه تقريبا بني

[QUOTE=الم الحنين ~;3145434]

هو ايه البر ده ؟
هو انتو عايشين فى البحر؟

__________________
تٌجّنِبًوٌا الَوٌحًدٍهّ...فُهّيِ تٌعٌشُقُ الَرجّوٌعٌ لَلَمًاضيِ

ابي صوره للشاص