عموما اذا كان مادي فلنفسه .. الحمدلله عندي راتبي وارضي وببني بيتي ماراح يضرني بشي.. بس والله إن اللي مثل زوجي في معاملتهم لزوجتهم في البيت قليل.. مستحيل يأكل إذا ماجلست على السفرة..اذا صحي قبلي يجهز الفطور .. ومستحيل يصحيني يخليني لحد مااكتفي من نومي.. لما اطبخ ينظف الاواني بعدي.. فوق كذا عمري ماقلت له أبغى الشيء الفلاني وماجابه لي.. زوجي ماشاءالله لاقوة إلا بالله فيه أشياء رائعة .. ودايم اقول في نفسي وش أبي بالفلوس دام هالشخص في تعامله الراقي كذا معي ومستحيل لو سمح الله تطلقت اتزوج انسان بصفاته..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

الا فيه يا احبه وكل الا ذكرتيه زوجي يسويه واكثر بس هذا مايمنع انه عينه طويله واستغلال متى ماسمحت الفرصة ...

احبه تكفيييين لاتمشين بعواطفك وشغلي عقلك
خوذي بالنصايح هنا
الكل نصيحتهم لك وحده
زوجك طيب ولاتخسرينه
امك واجب برها والمبلغ اللي مسوين عليه مشكله بسيييط وهي ارمله ع بالي نص الراتب اللي مسوي عليه زوجك كل المشكله
وبصراحه الغلط منك من ساسك لراسك ولاتزعلين مني
اي رجال مكان زوجك بيسوي كيذا
زوجك ليه خايف من استغلال اهلك
الا انتي مخبرته بالاشياء اللي المفروض ماتنقال لزوجك عشان كيذا شاف انو اولى بهالفلس من اهلك..
يختي مهما كان زوجك ملاك من السماء في اشياء ماتنقال للزوج عن الاهل ..
حافظي ع علاقتك بأهلك جميله
وع علاقتك بزوجك ايضا لاتخسرينه
استفيدي من كلام الأعضاء هنااا وبليييييزز لاتمشي بعواطفك ..

__________________
(سيدة الموقف)
لم ننساك ونسأل الله ان تكوني أنتي وأولادك بخير

انا صرت مشتته .. مرة زوجي يطلع مادي .. مرة طيب وحنون وحافظي عليه.. مرة أفكر بعقلي ومرة أفكر بعواطفي .. أحس إني منهارة .. الله يلعن هالفلوس اللي خربت العلاقات وغيرت النفوس..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

المشكلة انتي ماعندك ترتيب افكار الموضوع عندك يا ابيض يا اسود
زوجك طيب وحنون وحطيه في عينك بمقابل انك تحطي خطوط حمراء لأمورك المالية معاه انت قايمة بنفسك واحتياجاتك كثر خيرك هو ماله شئ عندك الا لو شفتيه مره في ورطة حقيقية تساعديه ودين عليه يرجع متى ماتوفر عنده الا الاشياء الكماليه زي السفر وغيره هذي ممكن تتكفلي فيها ... راتبه 6000 يكفي وزيادة انتم كلكم اثنين ومصروفك عليك فين الحاجة هنا ?

ثانيا ... اهلك خصصي مبلغ شهري لأمك ...
وباقي راتبك احتفظي فيه بحساب ثاني ولا يعرف عنه كائن من كان ... ونصيحة سوي حساب من غير احد يعرف وسوي استقطاع شهري لمبلغ 3000 آلاف شهريا من حسابك الا ينزل فيه راتبك وتقدري تجمدي الحساب ما تسحبي منه الين يتجمع عندك مبلغ محترم واي وقت احتجتيه سوي تنشيط للحساب ....

شغلي عقلك بليز ... كنت في البداية مثلك وبعد ماتلطشت كم سنه من المواقف حطيت حدود حمراء ما يتعداها اخرها مصروف شهري مبلغ وقدرة ... وراتبي اعطي امي مبلغ محترم واشتري احتياجاتي الكمالية فقط واساعد في حدود ضيقة جدا بطيب نفس مني واذا احتاج مبلغ يعتبر سلف ويرجعه واحدد حتى الشهر عشان مايتساهل والحمدلله بدأ يتأقلم على الوضع الجديد .ولعلمك زوجي مثل زوجك الفرق الوحيد ان راتبه عالي واعلى مني كمان و اموره الماليه كلها مكشوفه عندي ونحاسبها بالريال بس هو الله يهديه مايعرف يدخر ويحافظ على الفلوس ..
الحاجة الوحيدة الا عندي استعداد ادفع تكاليفها كاملة هي الشغالة لو احتجت اجيب لانها تريحني انا والسفر الخارجي فقط لانه رغبتي انا ... اما السفرات الداخلية عليه وقيسي على ذلك... شئ نفسك فيه وانت عارفة تمام المعرفة ان راتبه مايغطي هذا الشئ ادفعي انتي واستمتعي اهم شئ مايكون من الامور الاساسية ..


واخيرا .... قوي شخصيتك ... انا اجزم ان اخوانك وزوجك لو هم شايفين انك قوية وقادرة على اتخاذ قراراتك الشخصية كان ما احد من تجرأ عليك ولا داس لك على طرف ...حتى في تعاملك الشخصي معهم قوه بدون تعدي على احد + احترام + حكمة = شخصية لها هيبة وكلمة

احبه مافي احد مايحب الفلوس
مو حكاية مادي ولا مو مادي
بس انتي مثلا لو مكان زوجك وتشوفينه يلعب بالفلوس هنا وهنا وتكوني مثلا محتاجه بتقولي بخاطرك انا اولى من اللعب هذا وزوجك يشوف كيذا...وصل لزوجك ان اهلك يستغلونك انتي وصلتيها بطريقه غير مباشره له فعشان كيذا شايف عطائك لهم لعب
مااحد حرضك ع العصيان ع زوجك وقالك اتركيه
افهمي ي قلبي
حبي زوجك حافظي عليه دلليه غنجيه يستاهل والله كل خير بس مو تكبي فلوسك كلها عليه خليك حذره اعطيه اهديه
بالشي اللي يحتاجه فعلن
امور اهلك لاعاد تفتحين فمك عند زوجك اكبر غلط تسويه الزوجه انها بعد ماتطيح الميانه مع زوجها وتحبه وتثق فيه تعلمه بكل صغيره وكبيره الزوج ماينسى بعكس الزوجه
لما كنت عند ابو عيالي وهو مافيه اطمع منو كنت اعطي امي وهي والله مو محتاجه ابد بس اعطيها هديه 500 ريال شهريا وبدون مايدري اسحبها واقول عندي وعندي الف شغله وهو ذكي بس كانت تمشي عليه ولو يدري كان ماوفرها لي ولا لها كنت اول ماينزل الراتب اصفرررره عشان هوا كان يشيك عليه واذا شاف بالبطاقه شي ماوفرها بحجة محتاج وماعندي فريحت دماغي بالاخير وسويت كيذا
وحاليا عند اهلي
فتحت حساب ثاني بنفس البنك
وبدون صرافه وصرت احول عليه شهريا مبلغ وقدره... اللي اقدر عليه
سويها لك
احبه اللي تعامل زوجها بذكاء هي اللي تكسب واللي تعامله بعواطفها وبدون قيود هي اللي تخسر
حبيه بس بذكاء
اعطيه بس بذكاء
حتى حواراتك وعباراتك معاه اختاريها بعنايه عشان لاتنقلب ردودك عليك

__________________
(سيدة الموقف)
لم ننساك ونسأل الله ان تكوني أنتي وأولادك بخير

ماقصرو الأعضاء
فرقي بين انك تعاملين الشخص بحب واحترام وبين خصوصيتك ..
لاأحد يتدخل فيها ولاتسمحي لأي شخص كان باقتحامها ..
ومع الأيام يتعودوا ..

__________________

اضيف احبه
مو تقولي له ذا مالي ذا راتبي ومافي احد وصي عليا ومن الكلام ماله لزمه
انتي كيذا تخلينه يحقد عليك اكثر ويستغلك من جد
ألعبي عليه بالكلام مافي اسهل من اللعب بالكلام ي قلبي مالك مالي وانا وانت واحد ومالي غنى عنك وطزز بالفلوس انتي اغلى شي عندي وكبري راسه واذا طلبك البطاقه عشان يصرف اعطيييه قد انتي عارفه وش فيها اذا مأمنه نفسك صح
ولاتخلينه يشم شي الا بالشي اللي هو محتاجه فعلن لاتبخلين عليه
اذا مأمنه نفسك ماديا مثل ماقالوا لك الاعضاء ومايشوف عندك مال زايد ماراح يطمع فيك

__________________
(سيدة الموقف)
لم ننساك ونسأل الله ان تكوني أنتي وأولادك بخير

الله لايحرمكم الاجر خواطر مكسورة وطعن قلبي علو وقفتكم وكل الاعضاء مكلومة وفاكهة الشتاء وروح الطير والجميع ..

اللي متعبني الان تجاهله لي ومعاملته لي كأني ماني موجودة معه في البيت ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

توكم متهاوشين امس يعني الموضوع حار انتظريه يبرد

لاتحاولين ابد تطاردينه او تلاحقينه

انتي اخطائتي كما وضحنا لك احنا ماعلينا من خطاء زوجك لانه مو موجود عشان نكلمه
الموجود انتي
لذلك انتبهي تتكلمي مع زوجك انه انا عندي فلوسي او بكيفي او مالك دخل
العبارات الي تحسس الشخص انه غريب ابتعدي عنها

انتي وين مرتاحه اكثر ببيت اهلك ولا ببيت زوجك ؟

اكيد بيت زوجك
لذلك حافظي على راحتك حافظي ع بيت زوجك حطيه بعيونك
زوجك ناادر وربي اقوله وانا اشوف بلاوي من ازواج الموظفات

اقرائي مواضيع بتشوفين موظفات يشكون انه ازواجهم مطلعين قروض ومتورطات بالديون

بعدين 6000
مرره مناسب لصرفيتكم حتى لو يصرف ع لبسك واحتياجاتك
ماعندكم اطفال عشان نقول ماتكفي

جهزي فطوره نظفي بيتك ورتبي ملابسه بدروجه وغسلي الي يحتاج غسل
واكثري استغفار


زوجك يحبك بس مجروح لسى مابردت بخاطره