يعني باقوله خلاص بننفصل بس باقعد بشقتي الى ان يستقرون اهلي في البيت الجديد وعقب انتقل معاهم

لان اذا قلت له اني بارجع رجوع تام راح يعاند ويطالبني بالتنازل

وباقوله بما اني ما راح اتزوج عقبك فابي عضيد حق بنتي ابي احمل بولد

اعتقد ماراح يرفض دام باقوله اني ماراح اطول عندك






كوكي كلامج صح فليش اجبر نفسي على انسان بايع

بسلامته ما همني

واساسا ماكو جو اسري ولا استقرار عشان اضحي من اجله حق بنتي

الله يكون بالعون

__________________
لا اله الا انت سبحانك اني كنت من الظالمين

حبيبتي موهبه زوجش
ما عاشت معاه الاوليه ام بناته ما تحملته
والحل الي وضعتيه لنفسش نفس حل مرته الاوليه
تقعد في بيت أهلها متزوجه ومو متزوجه
على حسب الاهواء
عارفته وعارفه مزاجياته وتقلباته
زوجش مو مال استقرار عكسش تماما
وهو عارف وانتي عارفه هذا الشيئ
بس الخوف بأنش تتسرعين في قراراتش
وبعدين تتندمين
أنتي ألحين قعدي في بيت أهلش ولا تفتحين معاه الموضوع
أبد لمى تعرفين شو ألي براسه
وهل بيقدم على خطوه وبيتنازل ويعطيش ولو حق
واحد من حقوقش
( جسي نبضه)
لا تقفلين الباب بالكامل وتصعبين فكرة الرجووع
وفي نفس الوقت لا تتنازلين على قراراتش وحقوقش
خلي الموضوع ياخذ وقته من غير تسرع
ملاحضه عليش اختي موهبه دائما تتخذين قرار وفي الاخر تتنازلين وبسهوله
( لا تاخذين قرار مو قده ولا تهزين صورتش بتسرعش )
عطي وقته في محاسبة نفسه يمكن الله يهديه وينور بصيرته وانتي فكري بطريقه
ثانيه غير تفكير بأن كرامتي مهدوره ويجب استردها
ألحين عليش بالصمت التام فقط من غير أخذ وعطى
هو عارف شو تبينه وخليه مع نفسه يحاتي ويعرف خلله
الله يوفقش ويهدي زوجش

__________________
وهل من مصير اخر ؟

اي نعم انا قلت له ابي فترة افكر بعيد عنك

بس شرايج بالفكرة لان حاليا ما اقدر اتواجد في بيت اهلي وايد البيت فوضى من نقل الاثاث

انا قلت اقعد هناك الى الصيف وبعدها ارجع بيت اهلي

وبهالفترة ما اطالبه علنا باي حق

لان هو ما يبي اللي يلزمه


يوم الاحد او السبت باقوله بارجع مؤقت الى ان يستقروا اهلي في بيتهم الجديد وعقبها انا انتقل لهم

وترى قراراتي اللي اخذها اهني مو كلها اقولها له


اهني افكر معاكم بصوت مسموع

__________________
لا اله الا انت سبحانك اني كنت من الظالمين

فكرة معقوله ... وممكن خلال هالفترة ولأنه مو حاس بأنه مقيد فيكي راح يخف الضغط عليه تجاهك وانتي كمان يخف الضغط النفسي اللي بداخلك تجاهه وتتحسن علاقتكم

لكني مو بصالح تكوني ببيت أهلك ومتزوجة ... تروحي بيت أهلك يوم يطلقك وبعد ما تخلص العدة مثل ما قال ربنا .
الله ييسر أمرك ويفتحها بوجهك موهبه

__________________

امين اجمعين


واشرايكم بفكرة اني اقوله ابي طفل


باقوله دام ان بننفصل لا محالة وبما اني ماراح اتزوج من بعدك

فاحتاج طفل اخر

__________________
لا اله الا انت سبحانك اني كنت من الظالمين

واذا فهم بأنها حيله عشان تردين بيتش من غير مقابل او حقوق
زي كل مره ويعتبرها تنازل منش بطريقه غير مباشره
وهذي هي موهبه زي كل مره تزعل وترد من غير نتايج
شايله الشنطه وراده الشنطه
موهبه ركزي واقعدي بيت اهلش
وزي ما قلتلش جسي نبضه
ولا تقطعين خط الرجعه
خليه يعرف هالمره انش غير

__________________
وهل من مصير اخر ؟

أتفق معك موهبة بس خل يلتزم بالشروط اللي قلتي عليها عشان ما تظهري وكأنك تنازلتي مثل ما قالت كوكي وأتوقع هو بيوافق على غدا بالأسبوع ومبيت العدد اللي من حقج

كوكي حبيبتي .. موهبه مو بس جست نبض زوجها هي اخذت منه الكلام الصافي ..ارجعي للردود واقرئي .. زوجها قال لها بصريح العبارة ما أضمن نفسي أقدر أتغير وموافق على طلبج الطلاق

__________________

في رجل عاقل بيرضى بهذا الاقتراح الاناني

اكيد بيرفض ولا تفتحين عليش باب من التهزيئ
عنده بنات من الاولى مشتتين
عاد اكيد ما بي يزيد واحد مشتت

__________________
وهل من مصير اخر ؟

لاول مره ما اتفق معاش اخت بيتا
بصراحه ومن غير مجامله انا مو متخوفه من ريل موهبه بان يلتزم بالشروط

انا متشككه وبل اكاد اجزم بان من سيخل بالشروط موهبه الحبيبه

في اكثر من موضوع لاحظت هذا الشيئ وكأن ما صار شي
وزوجها قال بصريح العباره
( مسرع ما اخليتي بشروط)

__________________
وهل من مصير اخر ؟

هو مو عاقل والا في عاقل بيرجع حق زوجته بهذلته وبهذلت بناته


واساسا هو يشوف ان عيالي ماراح يتشتتون لاني انا امهم

وضامني وضامن تربيتي


كوكي هذا مو تنازل هذي فترة هدنة الى ان يستقرون اهلي

وانا ما ابيه مابي ارجع ليش ارجع للعذاب والضيم

بس احتاج ولد يكون عزوة وعضيد لاخته دام ان الطلاق بيحصل

ما ابيها تكون بروحها في هالدنيا حتى لو عندها ابوها

تحتاج اخ بنظري



كوكي ماراح ارد الا اذا اتفقنا انا يبات عندي ويتغدا يومين بالاسبوع وهذا الاتفاق بيكون الى اجل مسمى

اصلا هو قاله لي من قبل بس انا وقتها كنت كارهته وكارهه ارد له فرفضت


الان بيت اهلي ظروفه صعبة شوي


الله يكون بالعون

__________________
لا اله الا انت سبحانك اني كنت من الظالمين