اللهم يارافع السماء بغير عمد يا قدير اكتب الخيرة لها
ويسر امرها واجعلها تربي ابناءها واذا في زوجها خير لها سخر
قلبه لها واجعلها قرة عين له ولم شملها يا عليم يا عظيم يا رحمان الدنيا والآخرة

__________________
اللهم اصلح قلبي وقلب ابنائي

جوهرة العطاء آآآمين اللَّــہ يجزيك خير

جوهرة العطاء آآآمين اللَّــہ يجزيك خير.

ياعمري .. تصدقين اهلك مثل اهلي ونفس النظره ..
والمشكله انتي زوجك مايحبك ولا يحترمك ولا لك مقدار عنده

انا اقترح انك تسكتين اهلك بهذي الشروط ..

انه
1-يشتري لك بيت او شقه بعيد عن اهله ,, ويأثثها ويشتري عزبه اكل كاااااااامله..
2- مصروف شهري لايقل عن 500 ريال خاص فيك فقط
3- يشتري اغراض وحاجات اطفاله ..
4- حسن العشره والمعامله ,,

طبعاً اشترطي الاشياء الثانيه اللي تبغينها ولو زوجك رفض خلاص..يكون الرفض من جهته مش من جهتك انتي
يعني اهلك ماراح يقدرون يجبرونك ..

ولو حاولو يجبروك.. قولي اصلاً هو قال لي .. اهلك خوافين من كلمة مطلقه وراح يجروك مثل الكلب لحد عندي ويبوسون رجولي يترجوني ارجعك وانا برفض اني اشتري شقه لك لحالك .. اصلاً تحمدون ربكم اني خطبت منكم .. الناس تتمنى ظفري بس..

طبعاً في الحاله المستعصيه تقولين الكلام الاخير اللي انا قلته عشان اهلك يفزعون لك ومايذلونك
انا سويتها مع اهلي واخيراً افتكيت.....
صح يقولون ارجعي له وكذا .. بس مو اجباري ووافقو اني اجلس معلقه ولا اتطلق .. ويارب يمل هو ويطلقني
بس بصراحه انا زوجي يقول شوي من الكلام الموجود فوق بس انا احاول ازيد الحطب بينهم عشان مايضغطون علي بالرجعه لان الرجال لو شاف اهل زوجته مايوقفون معها ويرجعونها له بالقوه قال ماعندهم كرامه .. .وحس ان زوجته سهله ممكن يرميها واهلها يرجعونها بكل سهوله ..

المهم انتي الحين لاتفكرين بالموضوع ..انا بخلص نفاس بعد يومين وخاااااااايفه بس احاول اتجاهل ..
واكلم زوجي عشان طلبات النونو .. ولا اجيب طاري علاقتنا ...

الله يستر بس .. لاتفكرين ببعيد وخلك مستانسه واهلك لاتبيني انك معارضه قولي موافقه بس بهالشروط ..ولو فيه خير ينفذهم
انا شرطت ع اهلي انهم يخلونه ياجر شقه ويأثث بس ماهو راضي وانا مرررررررره فرحانه ويارب مايرضى..

الملاك يونا صباحك ورد


اللي افهمه انك تنازلتي عن الخلع!
وصدقيني في مجتمعنا تطلعالمراة ضعيفه جدا لما مايكون مامعها رجل يساندها من اهلها وخاصة لما يكون الاهل مع زوجها ضد قرارها..

انتي ايش راح تسوين؟ بترجعين بشروط؟ والا بتظلين معلقة

اهلي عندهم زي هالشروط اللي ذكرتي

لكن انا ماعندي ولا شرط ابي بس طلاقي وافتك منه...لكن من الجانب الاخر اضعف وافكر بسبب الاطفال لاني عارفه انهم بيتشتتون ...

لكني مازلت افكر واعارض كثير مسألة الرجعة... ومسالة البيت ماراح يوافق اكون بعيده عن اهله واللي اهلي يبونه مره يبونه يرمم البيت ومره يبني بيت ومسالة اكون يعيده عن اهله بوجة نظري ان لو انعيش بعيد راح تنحل اغلب مشاكلنا..

واما اطفالي يصرفهم مو مقصر معهم كريييييم البخل والوقاحه معي انا بس.

الملاك يونا....كل الحلول للي ذكرتيها مؤقته!! للاسف...

انا فكرت فيها... لكن وبعدين يعني هربت واتوظفت وخسرت اهلي وخسرتهم سمعتهم وبعدين في مجتمعنا ايش اسوي...بظل امراءة عربيه سعودية ....اهلي بيدوروني ويبلغون الشرطة وبيرجعوني مذلوله ذليله وبيرموني على زوجي ان اتقبلني او يرمون اطفاله عليه وانتي يزوجونك اي شخص وبكذا خسرتي اطفالك واهلك...صدقيني يسوونها! اذا بنتهم اتمردت عليه...


انا بأمكاني اروح للمحكمة بأي وقت واتحدى اهلي لكن اللي خلاني ما اروح ...اني راح اخسر ابوي واهلي والمحامي اكد لي ان حالتي اما فسخ وهذا الشيخ اللي يقررها واول شي راح يصلح الوضع..او خلع وانا ماعندي فلوس اعطيها زوجي ولا ابي اعطيه اصلا....


اما مسألة. اني اقوله ارمي عليك عيالك فهذا الشي ممكن يكون واقع...

ليش؟؟

لو اطلق انا مثلا راح اتزوج ماراح اضل كذا صعبة ويمكن لو اجل الزواج بعد سبع سنوات محد يتقدملي واذا تزوجت الان او بعدين راح يجادلني زوجي علشان اطفاله وبياخذهم.... وبكذا ظلمتهم وخسرتهم...وامي رافضه حضانتهم وانا شايفه انها ماتقدر لانها مريضه وكبيره الان هي تتعذب لانهم معتمدين عليها....


مرة قرات امراءة امريكية تحكي معاناتها انها حضنت طفلها عشر سنوات ثم تزوجت واخذ طليقها ابنه ولا تراه الا قليلا
هي امراءة امريكة اللي عندهم كل شي وعندهم مساواة بين الرجل والمراة ومو مسلمين

يعني لو نلف الدنيا الحكم هو الحكم...

خلينا نفكر شوي...
نقطة ضعفي الاطفال لا استطيع ان اتزوج برجل اخر واضع اطفالي بيد امراة اخرى قلبي وعقلي لن يسمحوا. لي....
وبنفس الوقت لا اريد زوجي ماذا افعل؟هذي هي حيرتي وتعبي ...

اهلي سيقفون بجانبي متى...اذا رفض الشروط هو وليس ابيه من ينفذ...
او ارجعوني وعاد لمعاملته السيئة...

هنا بيساعدوني وبيطلقوني منه والاطفال يبقون ضحيه ويبقى هذا امر واقعي وقتها لا ادري ماذا افعل....



اذا خلصت الاربعين راح يجيب ابوي اربع شهود وانا اشترط على زوجي...
اذا زوجي وافق على الشروط فهو يريدني ويريد اطفاله ويريد ان يحافظ علينا جميعا وان تجريحه ليس مقصود كما قالت خالتي بيتا انه لايعني مايقول وتذكري يوم يقول احبك ومقدر اطلقك...
زوجي غامض شخصيته صعبة ومتقلبه ومتناقضة...
زمان كنت اترجاه يطلقني ودايم طلقني ويررفض احبك هذا الكلام قبل الاطفال وبعدهم نفس الشي
الان يقولي اجامل؟؟
للان مو مستوعبة اللي مايبي يطلق ...مو ينجب منها ..هو متناقض او عنده من يحرضه ضدي وسبق ان قالي ان اخوانه وخواته يعايرونه انه متزوج مريضة بالروماتزم...

هو الان مايصرفني لاحظي بس لو ارسل رساله واقوله ابي ادوية على حسابك بالصيدلية يرد عادي خذي ابي كريم شامبو لا...
جاني بالمستشفى وحاول يتبرع بالدم ولما ماقدر جاب صديقة!
طلعني وما اشترالي اي شي وامي معي!
انا قلت يمكن تبرع الدم يبي يحسن سمعته عند اهل زوجته بعدين قلت لا اكيد بتنقهر لانها بتقول يتبرع لها بدمه يحبها هذا...
بعدين قلت لا يتحايل على اهلي علشان يرجعوني...
امي البارح تقول والله لو مايبيك طلقك وحط اطفاله عند زوجته
قلت لها خايف اخذهم حضانة

قالت لي والله مايخاف لان عارف مصيرك تتزوجين وياخذهم وهم راجعين له راجعين

ودايمن تكرر علي ارخصت له دمي وهو غالي...



وبالاخير ارجع واقول اني حيراااانه وادعي ربي بتيسير مافيه خير لي...

لا تثقلي نفسك بالتفكير أختي الكريمة
ما دامت الامور ستمشي عن طريق أهلك و هناك شروط هي الفيصل بينكما فلا تخشي شيئا
لن يصيبك الا كتبه الله لك سواء كاستمرار أو طلاق
المهم لا تتنازلي عن أي حقوق تضمن لك حياة كريمة

الله يفرج همك و يوفقك لكل خير

الثانية جزاك اللَّــہ خير..

وكما قلتي هي الفيصل..وانا لن اتنازل عن حقوقي الا اذا اصريت على طلاقي والعكس اتنازل عن الطلاق لاجل الاطفال ولن اتنازل عن حقوقي....

حبيبتي ..

مهماً كان قرارك .. سواء طلاق ولا رجعه .. لاتتنازلين ابدااااا عن حقوقك
وخلي اهلك يعطونك وعد انهم ينفذون رغباتك لو زوجك اخل بالشروط..

واخذي مانع حمل حتى ماتحملي وتجيبي ضحية جديده ..
عسى ربي يهدي لك زوجك ويحببه فيك ويجمعكم مع بعض ان كان فيه خير ..
ويرزقك كل ماتتمنين ياعمررري