بنسبه لي زوجي صار يحط صور في الواتس لذكرياتنا مع بعض هالشئ خلا قلبي يحن رغم أنه اتهمني هو وأهله بأني مريضة
بس لما صار يحط كذا حن قلبي رغم أني مجروحة منه


غير كذا ترى هو كذب علي وقال اني خطبت صراحة جن جنوني ماتخيل تعيش وحدة معه غيري رغم الي صار والي سواه في الأخير طلع كذب بس يبغى يقهرني ويحط الحرة فيني من حركات أهلي


جرب تطلع إشاعة انك خطبت

تصدق بنيه أن الله يرد كم لبعض

وادعي في صلاتك (اللهم لين قلب وعقل زوجتي كما لينت الحديد بيد نبيك داود)

مالك والله إلا الدعاء كل الأبواب تقفلت في وجهك إلا باب الي خلقك والي قلب زوجتك بين أصابعك


............. وحدة كانت رافضة ترجع لزوجها وكان يحاول فيها وهي مرة رافضة جاء مرة وكانت رافضة فقالت لها أمها ادخلي له عشاني والبنت كانت ماتبغى زوجها تقول سبحان الله جلست وكلمني وفجاءة غيرت رأي ووافقت ارجع له
بعدين قالها زوجها عن السر
قالت كنت في الحرم وادعي انك تغيرين رأيك

لاتفقد الأمل ياخوي احسن الظن بلله وتفائل

نصيحة مني اتركها شوي وتوجه لربك ادع أستغفر تصدق وانا واثقة وحاسه إنك لو لجئت لربك راح ترجع لك زوجتك وهي الي بتتصل عليك تقول موافقة ارجع لك

ماقلت لك ذا الكلام الي من تجربتي مع زوجي


الله يرد لك زوجتك عاجلا غير اجل

ويرد لي زوجي ويقر عيني وعين بنته فيه ويحنن قلبه علينا

انا والله أعلم أشك بزوجتك انها تعاني من مرض روحي
لأن اخوي الإنسان الطبيعي حتى لوكره الطرف الآخر وجاء واعتذر
وجيتها بالكلام الحلو واهديتها راح تحن وترجع خاصه والأنثى عاطفي
حاول انك تكلم أهلها يرقونها أو يذهبون إلى راقي وانت اللتزم سورة البقرة
لأن اخذها بركه وتركها حسره ولاتستطيعها السحر
بالنسبه لسؤال
مثل ماذكرت لك الاخت أن تذكرها بلحظات الجميله اللي عشتوها مع بعض
وذكرها بالأشياء الجميله اللي كانت تحبها منك ولاتنسى الكلام الحلو
الدعاء والاستغفار لاتغفل عنه فقلبها بين أصابع الرحمن اذا هو وحده قادر يغير الحال

والله انا لا املك لك الا الدعاء

لكن اتعجب كرينا بضروف اشد من كذا وصبرنا وحتبنا الاجر من الله

__________________
يارب أحفظ لي طفلتي ولا تبتليني بفقدها

أنا عن تجربة مثلها وراسي يابس بس والله من اللي جاءني
اسمع الطلاق لوحدة والصك لوحدة يا اخي زي الرصاص يوجع
اقسم بالله بس اتخيل رجعتي له امرض أو احد يمزح معي وبايعته ..
ويبي يرجعني صح ما اقدم ولو بخطوة
بس يبي يتاكد وأنا رافضة نفسيا غصبا عني
شلت الواتساب وغيرت أرقامي ولا أرد على أرقام غريبة ولا اسمح لاأحد يجيب سيرته ..من الجرح اللي سببه لي
مو متخيلة ارجع اعيش معه ...


بس عندي لك اقتراح ...

شفت فيديو على اليوتيوب شعر لواحد مهدي لزوجته وواضح بينهم زعل يحزززن ..
إذا انت مبسوط ماديا
اعط شاعر يكتب شعر فيها وباسمها وحاجتك لها وطفلك يبيها ويشلها بصوت حزين
اعط ولدك يعطي امه في C D وارسلها لها لا تنشره في اليوتيوب
انا بكيت والله وكان اسم ولدها بدر بادور الرابط واعطيك


وهذا بعد يحزززن شعره
اسمعه

قصيدة واتسبدي || كلمات : عبدالعزيز الرشيد وأداء : عبدالعزيز العليوي لأني ما لقيت الا بإيقاع
الله يجمع شملكم ويعينكم لاحول ولاقوة إلا بالله

اسفة على الإزعاج

الله يجزيك خير اختي على كلامك الطيب الي يرفع المعنويات
ان شاء الله هذي الفترة مخلنها تهدى شوي وبحاول اطلب منها نجلس نتكلم مع بعض بعد فترة
الحمدلله اختي انا قايم بواجبي من ناحية الدعاء والقيام والصدقة وعسى الله يتقبل مني فهو اعلم بالنوايا وما تخفي النفوس وهو اعلم بنيتي اني اريدها واعوضها عن كل شي
يارب يرجعلك زوجك وتكون فرحتك فرحتين بمولودتك وبرجعت زوجك يارب

بإذن الله اختي راح اخذ هذا الامر بالحسبان
بخصوص تذكيرها بالايام الحلوة والله اني ما مقصر ذكرتها وتعبت حتى تميت اسوي صور لنا مع بعض واكتب عليهن عبارات تذوب الصخر لكن ما جابت نتيجة لكن بحاول بطريقة مختلفة في هذه الفترة شغلي الشاغل تجميع اكبر قدر من الافكار عشان ابدأ جولة جديدة من المحاولات لاحقاً
بارك الله فيك اختي

جزاك الله خيرا اختي دعواتكم هي من يبعث فيني روح التفاؤل والاصرار
هذا الشي الي الكل متفق عليه اصرارها على عدم الرجعة مع ان الامر له حلول لا تعد ولاتحصى لكنها رفضتها
انا مصر حاليا اكثر من قبل على الرجعة وعلى المحاولة وعسى يارب يجمعنا مع بعض عاجلا غير اجل

اللهم ىمين يارب العالمين جزاك الله خيرا أختي
بس عندي تعقيب بسيط على موضوعك أختي أنتي الأسباب تختلف نوعا ما يعني انتي من حقك ترفضي الرجعو ولاتريد الرجوع على حسب ما فهمت من بعض ردودك انك تلقيتي الكثير من المعاملة القاسية
اما انا وضعي مختلف خصوصا انه انا عندي بعض المبررات ولست هنا دفاعا عن نفسي امام طليقتي ولكن الامر لايعدو كونه اهمال قابل لتغير وخصوصا ان هناك العديد من الضمانات التي قدمتها لها وقدمت لها سواء مني او من اهلي او اهلها.

بخصوص اقتراحك عجبني الصراحة بس ماعرف شاعر ممكن يسوي لي هالقصية اذا كنتي تعرفي دليني عليه ما مهم عندي الفلوس اهم شي زوجتي ترجعلي لو يطلب الي يباه ماعندي مشكلة

اكتب في تويتر بيع قصائد بس جرب شغلهم اول وفي مؤسسة القصيد برضو في قوقل والشعر انواع شوف اللي تحبه زوجتك ايش نبطي فصيح وخلها بشيلة حلوة تحبها لو خمس ابيات

الشي الثاني نعم انا غير واسوء من زوجتك وياما رحت ورجعت واعطينا الفرص
بس يضل الطلاق طعن وكسر ونقض ميثاق
واذا رجعتوا رجاءا يبغى لها فورمات لك ولها ومافيها شي تروحوا لعيادة استشارة تنهوا البقايا اللي بينكم
وتعرفوا خصائص شخصياتكم لان كل شخصية مفتاح تتعامل معها


يارب تفتح موضوع وتخبرنا برجوعها يارب يارب يارب

بإذن الله أختي الحين بدور
اللهم امين يارب العالمين