يارب حقق حلمي.. يارب تتحقق كل احلامك
وان شاء الله تكون فعلا هذه نقطه ضعفه

اصبحنا واصبح الملك لله
ولا اله الا الله

في حاجه انا نفسي فيها من زمان
بس زوجي رافضها تمامااااااا
بحجه الغيره والاختلاط وساعات العمل الطويله


لكن قبل نص ساعه اتصل علي زوجي بالدوام
يقول سمعت ان فيه تقديم بالموضوع الفلاني
ايش رايك نروح اليوم او بكرا حتى تقدمي؟
انا استغربت.. سألته مين قال لك؟
قال: عرفت من زميلي بالعمل وكلمتك مباشره
وقال لي: الفرص ماتتكرر خلينا نجرب
قلت: ان شاء الله بسأل واشوف


انا ما ني فاهمه ولا حاجه
ولا مستوعبه ايش صار فيه
كيف شي له سنين رافضه والان يشجعني له
اوكي هي جهة كبيره افضل من راتبي المتواضع
لكن كان يرفض ويقول احمدي ربك اساسا اني سامح لك تشتغلي


في حاجه تدور براس زوجي مو قادره افهمها
هل هو جالس يراضيني مع الحفاظ على كبرياءه؟؟
والا يحاول يحسسني اني اهمه؟؟
والا بس يحاول يتفضل علي وبكرا يمن؟؟
عطوني تفسيركم لانو راسي راح يشيب منه

أحيانا ... بعض الرجال اذا قرر يتزوج زوجة ثانية يحاول يشغل الأولى ويملي وقتها حتى تكون ردة فعلها أخف ويكون له العذر أما الناس

اذا كان جالس يراضيكي فراح يبان من بقية تصرفاته معك بالأيام الجايه .

شو راح يكون وضع بنتكم لما يصير دوامك طويل ؟ وكيف راح تدبري أمور وشغل بيتكم لما تصير رجعتك ورجعته بنفس الوقت ؟

__________________

زوجش عايش صراع نفسي مو عارف كيف يرضيش ما يعرف بالكلام يعرف بالافعال على فكره هو تعبان اكثر منش

والله مادري حبيبتي وش مقصده

بس شوفي اذا الوظيفه الي تقصدين بالبنك استخيري قبل

ماعرف احد اشتغل بالبنك سوا رجال او حرمه الا متحسف يتمنا اي وظيفه ثانيه

وفكري براحتك النفسيه وبيتك بالدوام قبل الراتب

__________________
سبحان الله وبحمده

يراضيك على طريقته
اقبلي رضاوته

وانسي اللي صار
يااختي زوجك طيب بس عصبيته مخربه عليه
وانتي بعد قلبك طيب بس شكلك عنيده حبتين

تقربي لربك وادعي له يتخلص من العصبيه
بس مثل ماقلت لك كوني انتي لاتجاملين على حساب نفسك لأنك راح تعطين وانتي ضاغطه على نفسك وعند اول زعل تندمين على عطاءك
اما العطاء غير المبالغ فيه واللي يكون نابع من القلب وحده بدون مجامله مريح

ربي يوفقكم يسعدكم انتي وزوجك ويهديكم

مااعتقد انه بيشغلك
بما انك انتي اللي طلبتي هالشي قبل واصريتي عليه
فهو الآن يتنازل لك عن رفضه
كـ رضاوه ..

هذا اعتقادي

نصيحه لاتنشغلي كثير عن بيتك واسرتك الدوام القليل افضل للمرأة من وجهة نظري ،،
استخيري قبل كل شيء
بالتوفيق

تخلى عن غيرته ومبادئه وقاعد يحققلش الي تريدينه علشان شي واحد ان يرضيش حاسس بتانيب الضمير وقاعد يستعطفش

يا خاله بيتا اول ماقرأت ردك حسيت بألم بصدري
ان شاء الله الموضوع مختلف تماما

انا حطيت احتمالات من واقع معرفتي بزوجي
اما يراضيني ويبي يحافظ على كبرياءه
او يبي يتفضل ويتمنن حتى يثبت انه مو سيء
او حاب يفتح سيره جديده نتناقش فيها
وزوجي ذكي وعارف اصلا لو قدمت احتمال القبول ضعيف
والشغله تحتاج شهور مو بيوم وليله

اسفه جبيبتي .. والله اسفه .. وترددت كثير قبل اكتب
وهذا الهاجس ببالي من يوم هدد بضربة ثالثة على قولته وأنا مترددة من وقتها ... لكن حسيت ان من حقك أكون صريحة معك باللي يدور ببالي
ومثل ما قلت لك الأيام القليلة الجاية أكيد بتعرفي من خلال تصرفاته أنه يحاول يعتذر بطريقته الخاصة

يمكن أكون غلطانه ... أنا موسوسة بزيادة وأعتذر مرة ثانية لأني وجعت قلبك

__________________