كنافة

الريال لو امتنع عن العلاقة لأي سبب كان . زعل او مرض ..الخ
يتحول لانسان عصبي . متوتر . يتمشكل مع الزوجه على ولا شي ....

وهالشيء اللي يخليه حاد معاج وجاف .. ويزيد حدة المشاكل بينكم

عمليا .. حطي في بالج لو تمت العلاقة بيهدا شوي و يقل توتره .. قبل العلاقة لا تاخذي بكلامه و انفعالاته ..
كيف بتم ؟؟؟
سوي مثل ما سويتي الصبح .. وهو نايم تلصقي فيه واحضنيه وشوي شوي ابدي بالمداعبة .
وهالوقت كله بيسوي نفسه نايم .. بس ما عليج .. ما بيكابر وايد

وخليج لينة وفرفوشة و ابتعدي عن الجدال و النقاش
قولي تم وحاضر .
وبعدها تعلمي حركات الدلع وطبقيها بتلقائية .
مثلا لما يوصل من الدوام .. قولي بلهجه دلووعه و حيوية هلا حياااتي ... اشتقتلك .. و احضنيه ..
حسسيه انج دايما بحاجته وما تستغنين عنه ..

الله يوفقج

سامحيني كنافه
احيانا نحتاج لصفعه تصحينا ونستوعب عن مايدور حولنا
استمري بطريقتك ممتاز اللي عملتيه
لاتنتظري نتايج الان لان ماتبان بيوم وليله

__________________

وأضيف نقطه كررتها انا وابو مريم
لجوءك لله لطلب الحل والاستعانه بالله كمان ضعيف
لأن الصفات الي ذكرتيها ف زوجك يشوفونها الحريم وعيونهم مبققه وانتي مادريتي الا عن الصد والنفور
ومركزه عليه هو
اطردي الشيطان واجلبي البركة لبيتك واصبري
ثم ابشري بالخير

__________________
لن أحلل و لن أسامح من يتابع معرّفي بغرض التجسس على شخصيتي

الله يسعدكم ويبارك فيكم
انا فعلا ينقصني صبر وطولة بال
ولجوء دائم لله سبحانه
مشكلتي عاطفية وانفعالية
وهالشي لازم اضبطه
لنفسي قبل زوجي


طبعا علاقتي بزوجي لازالت فاتره
امس رجع متأخر عنده مشاكل بالعمل
وصاير ماله مزاج اي شي له اسبوع
وقال يفكر ياخذ اجازه ويسافر مع صاحبه يومين

انا حزنت بداخلي من كلامه
حسيته يبغى ياخذ اجازه من البيت قبل العمل
بان على وجهي.. بس قلت بهدوء: درب السلامه

هو سكت شوي
بعدين قال اذا رجعت ايش رايك ناخذ ليله بفندق
قلت اوكي فكره حلوه

هو فهم اني زعلت من قرار سفره
مو للسفر بحد ذاته
بس التوقيت جدا سيء بالنسبه لي
والمدينه اللي بيروح لها كلها بنات وفسق وسهر
طبعا قريبة (خليجيه) لكن مافيها الا اسواق وبنات

غير كذا قبل شهر كنا مخططين نسافر سوا
انا وهو وبس
واترك عيالي عند اهلي اسبوع
بس ماحبيت اذكره حتى ماتصير مشكله
واساسا هو ما نسى طبعا.. بس غير رأيه
وصعب اناقشه والجو بينا متوتر
مالي الا استودعه الله
والله يكتب اللي فيه الخير

خسايري كثرت
بديت اندم على تركيزي بصده وجفاه
واهتمامي باتهاماته
واستجابتي لكل محاولات استفزازه

كان المفروض اتجاهل هالاشياء كلها
عذري اني كنت واقعه تحت ضغط نفسي كبير
مرضي.. مرض عيالي..
السهر مع رضيع.. مسؤوليات البيت..
زوج طفشان ومطلع مشاكل الدنيا فيني..



الحمدلله على كل حال

ما عليه هدي بالك كل شي بيتصلح هذي الدنيا يوم حلو ويوم مر ، أكثري الإستغفار لا يسافر وأنتو على وضعكم .

__________________
الحمدلله حمدا جزيلا ...

ارقي نفسك واقري البقرة والله اني ارتاح لما اقراها

زوجي مصر نتناقش
طلبت منه خدمة ونفذها.. شكرته بحب
صدني وقال أي حب نسيتي كذا وكذا
وحلف انه كان ناوي يسافر ويتركني أسبوعين
لكنه تعوذ من ابليس وغير رأيه
انا ما انصدمت.. كنت حاسه برأسه شي
ويحلف انه تراجع بأخر لحظة

يقول كل مره تطلبي الطلاق تقتلين كل مابينا الخ
كان قاسي معي
وكأنه كان ملاك قبل ما اطلب الطلاق!!
تناسى جفاه وشتمه واستفزازه وانتقاداته

وانتقد توددي له ذاك اليوم
قال احنا مو...
كيف تطلبي الطلاق وبعدها تقربي مني الخ
يقول: متوقعه يعني ببكي واترجاك تجلسي معي!!



طبعا عطيته فرصه يفرغ كل اللي بخاطره
لاني اقتنعت انه مصر يتكلم
لما تكلم حسيته ارتاح.. استأذن وطلع

حلو إنه تكلم عن الي مضايقه وحلو سكوتك وهداوتك إن شاء الله بتنحل .

__________________
الحمدلله حمدا جزيلا ...

عليك بالدعاء (اللهم الف بين قلوبنا واصلح ذات بييننا واهدنا سبل السلام ) وام الله يسخرلك زوجك واتحري اوقات الاجابة

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه