صباح السعاده عزيزتي موهبه ..
الاعضاء كفوا ووفوا ماشا الله
بس حبيت اقول لك لا تطنشين اتصالاته
هذي مبادره منه حبيبتي لا تسكرين كل الابواب ..
بس خليك متلقيه فقط
اذا قال لك شي قولي انت الرجال .. والقرار بيدك ..
خليك هاديه جدا .. لا تعصبين مهما استفزك .. التزمي بوصية الرسول صلى الله عليه وسلم ( لا تغضب )
لان النقاش وقت الغضب يجرك من موضوع لموضوع اكبر وكذا الييييين يتغير الموضوع الاساسي ويتشتت ..
وكنك يابو زيد ماغزيت ..
ولا تكثرين كلام وقت النقاش _ طبعا اذا هو اتصل فيك _ اعطيه المختصر المفيد بدون نديّه ولا تعصيب ..
وانا في اعتقادي الشخصي ان زوجك مضغوط ومشتت جدا حطيت نفسي بمكانه ودخت .. عشان كذا الله جعل العدل شرط للتعدد .. وزوجك بما انه عدد لازم يتحمل نتيجة قراره .. ويتحمل كامل المسؤوليه مهما كان ضغط عليه ..
فهومسؤول امام الله عن ذلك لحديث الرسول ( من كان له زوجتين فمال الى احدهما جاء يوم القيامة وشقه مائل )
ولكن زوجك لا تنفع معه هذه الطريقه لانه مشتت ومضغوط ويرى امه الانسانه لتي ترشده ويثق برأيها .. تناقشي معه بطريقه امه
اذا : طريقه النقاش مع زوجك ستكون بطريقه تخطيطيه لان زوجك متسرع لا يخط لشيء يتخذ قرارات عشوائيه ويغيرها بسرعه وهذا الشخص لن يعدل الا ذا وضع خط لعقله وسار عليها
عليه وضع خطه له توضحين فيها اولا حجم المسؤوليات عليه .. بإيجاز ثم .. ارشديه للحل بخطوات مدروسه .. كذا وكذا وكذا ..
افضل ان يكون هذ برساله لان زوجك متسرع .. وغير مخطط كما قرأت في مواضيعك السابقه ..
والرسالة تعطيه فرصه يفكر بعقله شوي .. ..
لكن خليك عطوفه وحازمه في نفس الوقت ..
لا تكن صلبا فتكسر ولا لينا فتعصر .. خليك في النص .. وفهميه ان الخطه مهمه عشان يرتب افكاره ويرتاح ويريح البيتين والاهم البنات .. بما فيهم بنتك ..
ربي يفرج همك ..

احبك يا ربي
كلامش سليم ميه بالميه
بس التواصل معه يكون بعد يوم او يومين افضل
حتى تفكر عدل ولانها احسها مشتته ومضغوطه

__________________
وهل من مصير اخر ؟

احبك ربي

الله يرزقج محبة الله وخلقه


لو اقوله انت الرجال والقرار بيدك بيقولي مو هذا اللي اتفقنا عليه

راح ارد بعد عدة اتصالات احسن

__________________
لا اله الا انت سبحانك اني كنت من الظالمين

كلمت امي قالت

- قوليله انج راضية باليوم والليلة في المبيت مع وجود الاحترام فيما بينا

- قلبك وعواطفك ومشاعرك هي اساسا مو بيدك فماراح اطالبه بشي مو بيده

- وانا اعيش مع هالوضع واتعايش واحاول استقر

- وانسى اني اطلب منه اي طلب اخر


تقريبا نفس كلام خالتي بيتا

__________________
لا اله الا انت سبحانك اني كنت من الظالمين

اهلين حبيبتي موهبه
ولك بالمثل غاليتي ،، اسأل الله لك التوفيق والسعاده ..
وصدقيني البارح سهرت على مواضيعك السابقه كلها ،، ماحبيت ارد الا لما تكتمل الصورة بذهني ..
ومن مواضيعك فهمت شخصية زوجك ... هو .. متسرع .. مزاجي "يقرر قرارات بدون تفكير ويغيرها بسرعه " .. ماعنده شي اسمه تخطيط .. لذلك وقت ماتحبين تتناقشين معه تذكري امه كيف تناقش ؟ وكيف تناقشه بالذات !؟ وكوني مثلها وحطي خطه له ..
انا مااقصد ابدا انك تلغين شخصيتك وتكونين هي .. لكن اقصد وقت النقاش فقط كوني مثلها .. ولكل مقام مقال ..
بس مافهمت قصده في كلامك :
لو اقوله انت الرجال والقرار بيدك بيقولي مو هذا اللي اتفقنا عليه

وش قصده مافهمت ؟؟!
هو فعلا محتاج خطه نجاح فكري فيها زين وانا ضد انك تطنشين اتصالاته لا حبيبتي موهبه انتي مو كذا .. ماكنتي نديّه وارجوا انك تتركين النديّه مع زوجك تحديداً ..
وناقشيه بعقل مع رشة عاطفه ..
وفكري جيدا بكل كلمه تقولينها .. الخطه لازم تكون مفيده مختصره .. ولا تناقشين بمواضيع ثانيه تشتت الموضوع الاساسي .. فقط 1+1=2 .. وانتهى
ويفضل برساله واذا اتصل قولي له فكر وخذ وقتك .. ورد علي .. بهدوووء تام ..

اسأل الله ان يكتب لك الخير .. اينما كان ..

هو يبي الطلاق يطلع مني فلما امسكه زمام الامور يتوهق

ويقولي مو هذا اللي اتفقنا عليه


يعني يبي انا اقوله طلق وهو يقول حاضر

مو هو اللي يطلق وانا اقول تم

__________________
لا اله الا انت سبحانك اني كنت من الظالمين

موهبة الله يعينك و يسهل أمرك
أحس أنه مثلك يتخبط و ما قادر يأخد قرار
كل واحد منكم يريد القرار يجي من الثاني عشان يجنب نفسه اللوم بعدين

حبيت أنبهك أنه بقاءك في بيت أهلك

ممكن يعزز عنده فكرة انك مرتاحة للأ نفصال و ما ودك بالبيت

و يخليه يفكر أنه يستقر فيه مع زوجته مع أنه هو ليدفع الايجار

أستشيري أمك هي قريبة منك وأعرف بلي يصلح لك و تقدري عليه

ما زلت أري أن تفكيرك عاطفي و متسرع

كتبت ردي قبل ما أشوف ردودك الاخيرة
انا مع راي أمك هي تحكم بعقلها
و تعرف الي يصلح لك

اهااا مثل ماتوقعت .. يعني زوجك مشتت ومو قادر يتخذ قرار ،، يحتاج لشخص يفكر بالنيابه عنه ويعطيه الخطه جاهزه ،، ويعطيه حرية القبول او الرفض ،،
فكري الآن في الوضع من كل النواحي ثم الحل ثم النتيجه .. بدون ضغوطات لانه مو ناقص عشان كذا ممكن يفكر يفتك من الضغط باي طريقه بقرار متسرع ،،
امسكي زمام الامور واستخيري الله ثم اكتبي الرساله .. بعقل وعقلانيه ومنطق مع شوية عاطفه ..
امه سبق وقلتي انها مسافره للعلاج لذلك زوجك مشتت محتاج شخص يقوم بمقامها ويرشده .. كوني انتي هذا الشخص .. وارسمي الخطه وتوكلي على الله ومن توكل على الله كفاه الله همه ..

حبيت انبهك علئ نقطه كوني عادله فكري في البيتين وضعي الخطه للبيتين
واخبريه ان من واجبه ان يقوم علئ البيتين
ويعطي كل ذي حق حقه سواء انتي وبنوتتك والا بناته ،،
خليك حياديه برسم الخطه .. لانه يمكن يسمع من امه لانها مو طرف من الخصمين اللي هم انتي او بيته الثاني
ف خليك حياديه في رسم الخطه ،،
واعرف ياموهبه انك متدينه وتخافين الله ،، لذلك سيثق بك بإذن الله فقط كوني واثقه بقدراتك ..
اسأل الله ان يلهمك الحكمه والصواب .. ويسهل امرك ..