بالنسبة للاهتمام الطبيعي حاصل دايم .. أنا قصدت الاهتمام الاوفر..

ماأعرف ياأم دان حتى هو نفسيته جدا سيئة .. حآسة فيه حزين ومتضايق .. وين زوجي اللي دايم يضحك ويسولف .. حتى صار يهتم إنه مايوسخ إذا أكل .. إذا أخذ شيء رجعه مكانه .. إذا طاح شيء منه ينزل يلمه .. قبل كان عادي

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

حزنت لوضع زوجك
للاسف انتي جالسه تلوين يد زوجك بسبب الماده
الماده خذلته وانتي اخذتيها ورقة لصالحك
رحمته انه صار ينظف ويلملم وراه
مايكفي انه شايل مصروف البيت والسايق حقك وسكر
للاسف انتي مو زوجة يتمناها اي رجل حتى يرتاح
لانك مو متقبله وضعك كزوجة تبين تكونين دايم مدلـله ويهتم ويطبطب ويرحم ويشيلك ويوديك
وانتي بكم الف تحسبين انك شريتيه وانتي بس كسرتي حبه لك
لاتتوقعين ان المشاعر ماتتغير بالعكس لو تغيير الحب وانفقد صعب يرجع
اذا انكسر صعب يتصلح
زوجك حاس بالذل منك ويتحاشاك ويتحاشى المشاكل معاك
انتي حابسته حتى ببيته ليه اكلت وليه حطيت هالصحن وليه وليه
حرام عليك

آه ياملكة والله عمري ماقصدت أذله أو أهينه لكن هي الاحداث جات كذا .. يشهد الله إني أحبه من كل قلبي ويكفيني وجوده بالدنيا ووالله إني دايم أدعي إن ربي لايحرمني وجوده ويجعل يومي قبل يومه .. عارفه إني ماني الزوجة اللي يتمناها..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

مو انتي اللي حكيتي عن الموقف التالي: زوجك كان ياكل وهو حاط صحن كبير وزعلتي انه ماحط سفره عشان ماتضطرين تنظفين الصحن؟

اذا انتي صاحبة الموقف معناها زوجك من النوع اللي ماينسى

وفي هذي الحالة الله يعينك لأن كل ماله وهو يشيل في قلبه عليك

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

من ردودك واضح انك طيبة وقلبك ابيض بس حساسة ومتسرعة
ومرات ما يكون عندك حسن تصرف
الله يصلح حالك انت وزوجك ويرزقكم الذرية الصالحة ويبدل حالكم لاحسن حال يا رب

__________________
الحمد لله بلا سبب ولا طلب..
الحمد لله في حياتي وبعد مماتي..
الحمد لله دائمآ وأبدا..

ماودي أضيق صدرك بس من وصفك لزوجك كأنه مثل ماوصفت ملكة الاحساس صار يسوي اللي تبينه من باب انه يتحاشى المشاكل معك

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

أنا ماأبي توصيف جزاكم الله خير .. أنا أبي أعرف وبعدين .. كيف استرجعه!! ماأبي أضيعه وماأبي أفقده..وكيف أريحه.. كيف أتصرف الان!!!

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

مو انتي لازم تعرفين سبب تغير زوجك عشان تعرفين كيف تسترجعينه

ما رأيك بجلسة مصارحة معاه؟

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

هو أكيد زعلان لاني كلمت أخوي ورحت معه .. زعلان لاني قللت أحترامه لما قلت له الا في مدرسة غصبن عنك لما قالي ماعاد في دوام .. عارفة أن هالشيء مزعله .. اعترف إني غلطت بس دايم أقوله أنا بس كلام ولا قلبي يحبك واحترمك وماأيوي الا اللي يرضيك ..

جلسة المصارحة لازم بيجي وقتها بس في ساعات روقان أبدا مو والوضع متوتر بيننا لأنه ممكن تزيد الطيبن بله..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

تنصحوني أرسل له رسالة تعبر عن احتياجي وحبي له؟

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..