اسعدتنيا يا زهرة .... نسأل الله ان يتمم بخير

قلتلو الله يوفقك ويسعدك مع اللي حتتزوجها لو ماكان في نصيب نرجع لبعض
وقاللي انو هوا مسافر لاحدى الدول العربية مع صاحبو يوم الخميس وحتى دفع لصاحبه حق التذكرة وخلاص ناوي يسافر معاه
قلتلو حتى لو رجعتلك حتسافر ؟؟
قام قال ايوا والله يافلانة انا خلاص قيدي حجزت ومسافر يعني ماراح اكنسل ابداً
التزمت الصمت

قاللي انو شروطو اول شي اني اسمع كلامو في كل شي
قلتلو طيب انا اكيد ان شاءالله حسمع كلامك في كل شي
بس في حاجات حتناقش معاك فيها على حسب الشي وعلى حسب الوضع ولازم اناقشك فيها
قال والله ياريت مايكون في نقاش
والشرط الثاني اني ما اروح لاختي الوحيدة المتزوجة غير مرة وحدة في الشهر او اذا عندها عزيمة مهمة
للعلم اني مابروحلها دايما يعني مرة كل اسبوعين اروحلها

وبدو اني ماخرج ابداً عند صاحبتي او زميلتي قلتلو خير شر مابروح لزميلاتي الحمدلله
بس اذا في مناسبه او شي ان شاءالله بدي اروح

قال طيب بس مو دايما قلتله اكيد

وانا بصراحة ياناس محتاااااارة جداً ساعدوني بالله في اختيار الجواب الصح
ارجعله ولالا

وبالنسبه لاهلي ايدوني انو ما ارجعله احسن بس قالولي في النهاية براحتك

استنى ردووودكم جميعاً 😞

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

مَن مِن أهلكِ لا يؤيدون الرجوع؟

__________________


اللهم طِيبَ الأثر .. وحُسْنَ الرحيل.

امي قالتلي يابنتي ماينفعلك احس يعني يتشرط كمان وما اعتذرلك ولا شي وفوق دا كله بدو يسافر حتى رجعتيلو
قلتلها ايوا والله حيسافر يقول وحيخليني عندكم 😞

وبابا قاللي على راحتك يابنتي دي حياتك بس حسيت من كلامو معايا انو مايفضل الرجوع
واخواني قالولي براحتك

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

استخيري يا زهرة.

الحكاية كانت شرارتها ذهابكِ مع أخيكِ للسوق ... وشروطه الآن تكمل رغبته وما يدور في ذهنه .... وإلا شو اللي حشر زيارتكِ لأختكِ فجأة في الموضوع؟!!!!


بدون تنميق أو تجميل للكلام .. هو يريدكِ محكورة له فقط .. حتى إن كان مبالغاً ومتعنتاً في استخدام حق القوامة والطاعة والانحباس.

لكِ قبول هذا إن شئتِ .. ولكن فكري جيداً لأنها حياة طويلة عريضة ستعيشينها على هذا المنوال.

__________________


اللهم طِيبَ الأثر .. وحُسْنَ الرحيل.

هذا في النهاية راجع لكِ ..

استفتِ قلبكِ يفتيك ِ ...

فلن يشعر بكِ غيركِ...

حتى اهلكِ ...

و لن يدوم لكِ احدٌ بعد الله سوى زوجك ...

مكالمتك توحي بحبك الشديد له ، فهل تقدرين فراقه ؟
عموما لا تنسين انك صرحتِ يوما هنا بإستعدادك الرجوع له ان بادر وأَقْدمَ ...
فهاهي الظروف انصاعت لك... بأمر اللت ..
و فرصتك من ذهب ...
و الخيار الان لك وحدكِ....

اختي ياليت تنتبهي للفظ الجلالة الملون بالاحمر

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

انتبهت له بعد فوات الاوان ...

شكرا للتنبيه

حبيبتي زهورة.. أول شي المفروض ماكلمتيه لوحدك بدون اهلك زي مازعق وعلا صوتو عند اهلك المفروض يجي ويعتذر ويقولكم أسباب الطلاق..وبعدين تجلسي تفكري وتأخذي وقتك فترة بدون ماتكلميه وتقرري الرجعة أو لأ..اللي أقدر انصحك فيه انو تستخيري وتدعي ربك انو يهديك للحل الصحيح لأنو زوجك دا طبعو وماحيتغير وممكن يطلق لنفس الأسباب مرا تانية جدا انسان متهور كنت متوقعة انو يجي يكلمك بس مو بالسرعة دي.. وصراحة شروطو ابدا ماعجبتني..ربنا يشرح صدرك وينور بصيرتك..

__________________
حسبي ربي هو يكفيني ويفرح قلبي

من كلامه حسيته يلف ويدور وماني ملاحظة الندم الشديد عليه يعني هوا حاتط في باله انو انا كمان غلطت واستاهل الطلاق عشان اتغير للاحسن واسمع كلامو في كل شسشي كان

بصراحة حسيت انو وقت ما طلقني طلقني
ووقت مايباني ارجعله ارجعله


والله محتارة جداً

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟