بغض النظر حبيبتي عن أهل الزوج طيبين أو سيئين فهالشيء لهم الأمر يرجع للزوجة لازم تتعامل معهم ومع ولدهم بمايرضي الله وتعرف إن أهل زوجها هم أهلها ،، يعني خآصة مثل الاخ صاحب الموضوع طيب زوجته في داخلها نفس تنتمي لهالاهل اللي تبي تقطع زوجها منهم ،، يعني بكرة لاقامت بالسلامة بدل مايكون واحد ينتمي لهالاهل يصيرون اثنين الزوج والابن،، واتوقع عشان كذا طلبت من الاخ انه بنتها تتربى عند أمها إذا صار لها شيء ،، لاحول ولاقوة الا بالله ،، ماتفكر وتقول بداخلها إن الدنيا دين وسلف وبيجي بكرة اللي بيقطع ولدي مني ،، والله ماأعرف كيف تفكر زوجته
|
هي واضح انها تحبه وتبغاه ورسايلها اكبر دليل
لو ماهمها مافكرت ابدا ترسل و لا طقت خبر ..وصار عاجبها التطنيش هي بداخلها حنين له واشتياق بس للاسف جالسه تكابر نفسها...ومرخيه سمعها للشيطان والنصائح الهدامه .. ماعندها فكره ابدا عن فهم الشريك الاخر وطريقة التعامل معه ... لكن ان شاء الله ربي يهديها وتفهم خطئها وتقرا اكثر عن التعامل والحياة الزوجيه خلال هالفتره وتبدا تراجع نفسها .. |
اذكر مره بدايه زواجنا .. كنت قريب من بيت اهلي وماكان عندنا اي التزام او شي .. قلت خلني امر على اهلي ونشووفهم قبل مانروح بيتنا .. ماعجبتها الفكره .. سألتها في سبب قالت لا ماتحطني قدام الامر الواقع .. وصلنا وقعدت تحت ماتبي تنزل (( تخيلووا )) نزلت انا وبعدها سألت عمتي عنها ونزلت لها وطلعتها فوق عند اهلي جلسنا شوي وبعدها مشينا.
طيب ليه كل هالحركات !! عناد !! مستحيه !!! ماتبي تخالط اهلي لا من قريب ولا بعيد !!! في احد يعبيها على اهل الزوج !!! وهاذا الارجح |
بعض الاخوات يكتبون كلام من غير ما يفكروا بالعواقب.
يعني جعلوا من الزوجة قليلة احترام والغلط كله عليها، ويشعلون الموقف بدل ما يشوفون حل. كل واحدة تحط نفسها مكان الزوجة او الزوج ويتذكرون انه في بنت بينهم وان البيت هذا لازم يبنى لا يهدم، وما بينهم يجب ان يصلح ولا يخرب. خراب البيوت من عمل الشياطين ونحن هنا باذن الله لنقرب لا لنفرق ولنساعد الزوج بطريقة يعيد بها اسرته دون ان يجرح زوجته او اهله وبطريقة يحفظ بها كرامته وكرامتها. لن يستفيد احد ان اهينت الزوجة وجرح كبرياءها.. وان كانت من النوع الذي لا تتنازل بسهولة وفيها من العند ما فيها، فالواجب ان نساعد الزوج على ايجاد طريقة يساعدها على اللين ومعرفة خطاءها دون ان يجرح كرامتها. اذا شعرت بالذل والمهانة فلن تكون طبيعية معه اطلاقا وستشعر دائما بحقد وان لم تبديه. الزوجة السعيدة = بيت سعيد... ومازلت اقول: لا بأس ان تنازل الزوج قليلا وجعلها تشعر انه يفهم مشاعرها ويتفهم لماذا تشعر هكذا، حينها صدقوني ستتنازل وتعتذر بسهولة، لكن ليس قبل ان تشعر انه يفهم ما تشعر به ويتفهم موقفها وسبب غضبها. هذه هي شخصيتها وعلى الزوج ان يتعامل معها بشكل صحيح حتى يريح ويستريح وتعيش الطفلة بجو هادئ. |
ريح راسك فترة وأخذ لك اجازة وهي كمان تاخذ فترة الحمل عند أهلها وتفكر بحياتها
ونصيحة عطها بلوك لو لأسبوع روح عمرة واستخير وصل وادعي ربك يفرج همك ويصلح حالك ويصلح زوجتك انت كمان عند سوء تصرف وكأنك تستناها ترسل لك شيء اقطع فترة اسبوع عطها بلوك طلع لك رقم جديد انسى انك متزوج غير من حياتك |
مواقع النشر |
![]() |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|