ام روان انتي في مشكله كبيره تحتاج حل لا تنزلي للمشاكل الروتينيه بكل بيت بنتك كبت العصير وابوها قال هالكلام هذي مو مشكله وشي تافه لايستحق الوقوف عنده

زوجك الله يصلحه عنده قدره عجيبه على تفريع وتفريخ مشاكل وتشتيتها من لا شيء
ولا أجل البنت لما تكب عصير هل هذه مشكله تستحق تطاول بالألفاظ ونكد ؟! الأطفال يوميا هذا سلوكهم وشي طبيعي بالنسبه لمرحلتهم العمريه
وانتي من جهتك علمي اطفالك ان اللي يوسخ شي ينظفه بنفسه عشان تعلميهم تحمل المسؤوليه وبنفس الوقت بيخف اهمالهم وامتدحي تنظيفهم وجهدهم ولو ما كان تنظيفهم مرضي خلهم بعد ما يناموا عيدي تنظيف اللي وسخوه لكن مش قدامهم .
نرجع لمشاكلك مع زوجك .. أقول لك بصراحه لو استمر حالكم على ما هو عليه انتو متجهين للطلاق لا محاله وكل الحلول الوقتيه من سفرات وطلعات وتعامل مثالي و و و ..... فقط بتأخر الطلاق ولكن ما راح تلغيه
لأن أساس حياتكم من احترام وتقدير وثناء وكلمه طيبه وتعامل جيد وجبر خواطر وتضحيه ... الخ ضعيف جدا وهش ولا يمكن بناء حياة زوجيه سليمه عليه وهذه الأمور أهم من الحب برأيي
انا هنا ما أخطئك لحالك ولا أخطئ زوجك لحاله .. كلكلم شركاء في النجاح والفشل .

الحل يا أختنا الكريمه انك تروحي انتي وزوجك لمركز استشارات أسريه يساعدكم بحل مشاكلكم وخلي زوجك هو اللي يختار المركز بنفسه وهذه نقطه مهمه لان زوجك دائما يشكك بأفعالك ونوايك ولا أستبعد لو اخترتي أنتي المركز يمكن يقول لك .. أيه أكيد تعرفينهم وجبتيني عندهم عشان يلوموني ويغلطوني واكيد انك مرتبه الوضع معهم ويا ليت يكون المستشار رجل فالرجل يقتنع من الرجل أكثر من المرأه
أما أنكم تجلسون انتي وزوجك تحلون مشاكلكم بأنفسكم هذه ما تصلح لكم لأن كل واحد فيكم متوجس من الثاني والثقه بينكم ضعيفه لذلك انتو بحاجة وسيط محايد ياخذ بيدكم ويعطيكم الحلول ويبين لكل واحد منكم ايجابياته اللي يجب التركيز عليها وسلبياته اللي يجب تجنبها .

سألتك سابقا اذا تقدري تجيبي زوجك للمنتدى لكن ما رديتي علي .

__________________

اليوم هو افتعل 3 مشاكل
وما استجبت له
الاولى صراخه علي بتربيه البنت
والثانيه يقول ادق على ابوك مايرد
قلت مدري يمكن مشغول
قال اصلا اهلك مايحترموني
قلت جزاك الله خير
بعد نص ساعه قال اعذريني ماقصدت
قلت حصل خير
المشكله الاخيره رتبت الغرفه
لقيت الدبله بين الملابس
حطيتها قدامه فوق الطاوله
مر وشافها ولبسها
قال كله منك لماقلتي لي خروف
قلت عادي تعودت تفسخها باي خلاف
قال لي: منك يا ام الشر
وطلع وتركني
مارديت عليه
رجع بعد نص ساعه يسولف ويمزح
ماناقشته بشي


مرابط قدامي 24 ساعه
مره يستفز ومره يرمي كلام
ومره يهدي ومره يسولف
وانا معطته اكبر طناش


يحاول يضيع مصيبه امس
وانا ماكلمته بأي شي
انتظر شياطينه تهدأ وبتفاهم معه مضبوط


احد الاعضاء يقول حياتنا لا تطاق
والله انه صادق

احيانا ودي اقول امور و اشياء و لكن اتحفظ بها ، و الله المستعان
عموما كلام الاخ سلطان في الصميم مرة اخرى
ترى يا روان اذا استمر الوضع ، مصير علاقتكم الانفصال يقينا الا ان يشاء الله عكس ذلك...
انا عن نفسي وصلت لمرحلة كنت متفرجة في الايام الاخيرة من حياتي مع ذلك الشخص
كنت اخليه يعمل اللي يبي ، من اهانة و تعدي و اي شي ، و لا يصدر مني اي رد نهائيا ، كنت انفجر في سجادتي اشكي لله .. و اتمنى انك تسوين كذا لانها مصدر عظيم للطاقة و الفرج و الحكمة ...
تعبت من ناحية الضغط تعبت شديد بحيث انه ارتفع بشكل كبير جدا ..بسبب الضعط النفسي
بعض الامور بيننا متشابهة جدااااا ، و لكني اسأل الله لك الفرج ، امين

__________________
أشهد أن لا إله إلا الله و أشهد أن محمدا رسول الله صلى الله عليه و سلم

روان مشكلتكم من قبل الشغاله

سألت زوجي: تبي عشاء؟
وكان يكلم بالجوال امه
اشر لي تعالي
جيت عنده وجلست
وهو يقول لها بيطلع فيزا
وبيقدم على جديده
واذا جت الجديده بيسفر هذي
ويسب ويلعن فيها
ويحلف انها ماتكمل السنتين
يقول محتر ليه تغلط بزوجتي

قفل المكالمه
وقال ارتحتي؟ قلت: لا!
قلت له معظم الكلام اللي برد سلطان
وجلسنا انا وهو نتكلم 3 ساعات
فضفضه واتفاقات وعهود
عسانا ننفذ ربعها بس


كلمته عن انزعاجي من الشغاله
واني كاتمه لي سنه تقريبا
وهو عطاني جواله
وشفت المسجات اللي بينهم
هي تكتب كلام طويل عريض
وصباح الخير وبعمل كيت وصار كيت
وهو كل ردوده ok
بمعدل رسالتين منها بالشهر الواحد
وحلف وقسم انه ينحرج من اسلوبها
يقول حركاتها توترته ويكون على اعصابه


هذا كلام زوجي
وسمعته بدون تخطيط وهو يكلم امه
وقرأت المراسلات اللي بجواله
هدأت نفسيتي شوي
والحمدلله على كل حال

عسانا ننفذ
تتكلمي بصيغه جمع
يعني انتي كمان ما تنفذي

اخبار طيبه وهذا دليل على ان زوجك ما زال يحبك ويداري خاطرك وخصوصا انك سمعتي المكالمه بدون تخطيط
يعني زوجك لما يقول انه متضايق من الشغاله فهو صادق بإذن الله
كلامك عن الاتفاقات والعهود جاء بصيغة الجمع وهذا كلامي لما قلت لك كلكم شركاء في النجاح أو الفشل .
ودي أوضح لك أهمية المستشار الأسري ..
انتي مثلا لما تتكلمي مع زوجك عن سلبيات تعامله بتطلبي منه يراعيك وقت تعبك
وجهة نظر زوجك ممكن تكون هذا دلع حريم وكلام فاضي غير مقنع لانك انتي صاحبة المصلحه والمستفيده
ولكن لما يجي الكلام من مستشار اسري رجل يوضح له مدى أهمية هذا الشي للمرأه ممكن جدا تتغير وجهة نظر زوجك ويقتنع بكلامه, وقيسي على هذا كل الأمور اللي تزعجك من زوجك
وأيضا لما زوجك يطلب منك تعامل معين يبدو صعب عليك من وجهة نظرك قد لا تقتنعي بكلامه وتظني أن قصده يتعبك بطلبات ما لها داعي أو يختبر قدراتك ولكن لما يجي الكلام من مستشار محايد ممكن جدا تقتنعي بكلامه وقيسي على هذا باقي الأمور
والسبب في أنكم ما تقتنعون من بعض لان الثقه بينكم ضعيفه ومتوجسين من بعض .

ها أنتم تحبون بعض ولكن الحب ما كان كافي للتعايش الصحي ولذلك أنتم بحاجه لفهم بعض واركز على كلمة فهم جدا جدا وتفهم متطلبات بعض - وهذا اللي بيساعدكم فيه المستشار - وبعد الفهم والتفهم تتحسن باقي أموركم بشكل تلقائي وتدريجي بحول الله
استغلي الفرصه ما دام حصل حوار فضفضه بينكم وتعهدتوا واتفقتوا واعرضي عليه فكرة المستشار .

__________________

مستجدات مبشره ولله الحمد بس عندي توجيه بسيط لك ..لما قالك :ارتحتي !! قلتي لا؟؟!!!
ليش كذا يا ام روان انتي؟؟ ليش مابتسمتي ابتسامة رضا وقلتي ايوه وجلستي جنبه وحضنتيه وقلتيله اللي ببالك ،،ليش لازم تبينين ان اي تصرف زين او شين مايعجبك ودايم معترضه ..بليزز كوني لطيفه معاه اكثر عشان تاخذين اللي تبينه منه وتكونون مرتاحين انتي وياه🌹

معاج..
عالأقل چان قلتي له كلمة طيبة
شكرتيه
حضنتيه
وبعدها تفاهمتوا..
ليش هالجفاء..
يا حلات الكلمة الطبية تعمر الحب

__________________

حاجة الناس إليكم من نعم الله عليكم ، فـ لا تملوا النِعم ☁✨