أخ متورط من تجربة وواقع عايشه أحد الأقارب تقريباً نفس حالتك...

وتفاعل كثير مع السالفه وتعب ومرض وزوجته كانت سيئة لأبعد حد وأخر شي طلق.... بعد عدة أشهر ندم كثيييييييييير واكتشف ان مشاكله كلها تنحل...........

لو بس صبر شوي وعطاها وقت .... مجرد وقت

لذلك لا تغلط مثل غلطته... وتخرب كل شي...

أمك طلعها من السالفة والموضوع تماماً واحمل لها عذر ... مهماً كان هذول قرابتها وماتبي تطلع بالعين الصغيرة قدامهم
وعشان ولدك تحمل ....... تحمل ..... تحمل

بنت قريبي هذا لو تشوفها تحزن عليها ..... حالها يقطع القلب ...لا أم ... لا حياة لا شيء....
والله لو تشوف منظرها كيف تناظرني لما أحن على عيالي ولا أحضنهم ..... توقف تناظر باستغراب ...مستغربة إن في الكون فيه أم وتحن على عيالها بالشكل هذا...يتقطع قلبي مية مره وأتمنى انها ماشافتني ... أناديها أحاول فيها.... لكن لا تجاوب .... تخاااااااااااااااف بشكل فضيع من الناس.. مع إن أهل أبوها مو مقصرين في شي يدلعونها ويشيلون ويحطون فيها...بس لا فائدة ... الطفل إذا انحرم من الأم أو الأب يباااان عليه ويبقى مكسووووور عمره كله...

لا تغلط نفس غلطته .... لا تغلط وتعيش نفس ندمه .....والله أحيان يصيح يقول ليتني صبرت عليها لو ايش ما كان فيها ولا تعيش بنتي هالعيشة....

أخ متورط قالت العرب قديماً: السعيد من اتعظ بغيره والشقي من اتعظ بنفسه !!!!!!!!!!

وإني لك ناصحة.......شريكك في هالحياة طفل بريء يتوسم فيك الخير ... يعتمد عليك... يحس بالأمان إذا كنتوا جنبه فلا تخيب ظنه فيك وتهد حياته... وتدمر عالمه ....

وأنت رجل طيب وحنون فلا تغلب عليك شقوتك....
وأكتب هنا وسطر اللي في بالك.... عن نفسك عن أمك عن زوجتك...طلع ونفس عن نفسك....لكن لا تتخذ قرار إلا بعد تفكيييير عميق...
وقول هذا الدعاء:
" اللهم إني عبدك ابن عبدك ابن أمتك ناصيتي بيدك ، ماضِ في حكمك ، عدل في قضاؤك ، أسألك بكل اسم هو لك سميت به نفسك أو أنزلته في كتابك ، أو علمته أحداً من خلقك أو استأثرت به في علم الغيب عندك أن تجعل القرآن ربيع قلبي ، ونور صدري وجلاء حزني وذهاب همي "







*********

الأخت روح الطير يكفيك قول الرسول صلى الله عليه وسلم: (مَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلْيَقُلْ خَيْرًا أَوْ لِيَصْمُتْ )) أخرجه البخاري ومسلم...

وش الفايدة بالله لما تحكمين انها ما تغيرت...وكأنك متربعة داخل قلبها.
يقول الله عز وجل (إِنَّكَ لَا تَهْدِي مَنْ أَحْبَبْتَ وَلَكِنَّ اللَّهَ يَهْدِي مَنْ يَشَاءُ)

اقتباس:

المشاركة الأصلية كتبت بواسطة متورط بمرتي طبعاً مرتي جتني وقالت اسوي الي تبي

شفتي كيف انها مسكينه
فلا تشيشين الرجال على حرمته أرجوك وتحكمين انها ما تغيرت ويقعد ذنبهم في رقبتك وذنب المسكين ولدهم ليوم الدين
لا حول ولا قوة إلا بالله

الله ييسر لك أمورك
ويفرج همك..

__________________
.. ربي لك الحمد والشكر ..

رب ضارة نافعة يمكن ربي اراد يصير لك هالشي عشان ماتطلع زوجتك من البيت وتصير مشكله اكبر
ردد دائما اللهم دبرني فاني لا احسن التدبير
وافضل شي ترجع فيه كرامتك قدام الجميع واولهم زوجتك هو الصممممممممت بزعل والله يعطيك هيبه
لاتكلم احد ابدا اطلع داوم ارجع نام ثم اطلع لاصحابك وارجع نام ولا تعطي احد مجال يتكلم معك لفتره حتى زوجتك كانها مو موجوده وافضل شي لاتقولها سوي ولا افعلي حتى كاسة المويه انت اشربها حسسها انك ماتبي شي منها وصدقني بتندم وتتعدل
الله يفرج همك ويعينك

بالنسبة لامك الحين هي تكون ندمانه اشد الندم على تصرفها معاك بهذه الطريقة مهما حصل تضل امك بس تكابر وزجتك تراها عارفه مليون بالميه ان امك تحبك وماتكرهك زوجتك ام وتعرف ان مافي ام تدعي على ولدها بالموت وهي عارفه ان امك غلطانه في قرارة نفسها حتى لو مااعترفت لك مره ام زوجي زعلت من زوجي بسبب تافه جداً ودعت عليه بس أنا عارفه ومتاكده انه تحبه وماتكرهه لان مافي ام تكره ولدها ومتاكده بعد انها غلط تدعي عليه بس بعض الأمهات طبعهن صعب وياخوي زوجتك واضح انها تحبك بس يبغالها شوية حزم وبتتعدل ويكره تشوف اصبر وان شا الله في موازين حسناتك وبكرة تتذكر تصرفاتها وتكبر بعينها على صبرك عليها الله يفرج همك ويسعدك بحياتك يارب *

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

السبب لأنك متزوج وحدة بزر بالله أم 18 الحين تتحمل مسؤولية !

وألاحظ هالمشكلة عند الكثييييير ياخذون بزارين ويجون بعد كم شهر يشتكون ماتعرف ماتفهم ماتقول ماتسوي

شلون تعرف وتفهم وهي توها صغيرة ماتعلمت من الحياة ماحست بالمسؤولية

الأفضل أنك تاخذ وحدة بال23 وفوق ويالله بعد

نقطة ثانية (( فاظفر بذات الدين تربت يداك )) والله اننا الآن ندور ل اخوي واول شي نسأل عن دين البنت وأخلاقها ثم الجمال

الله يصلح أمرك ويكتب الخيرة

آها هنا مربط الفرس , وهنا أساس المشكلة
اسراف وتبذير وتكاليف زايدة بالحفل وامور مانزل بها من سلطان , وشلون تبون ربي يبارك لكم بزواجكم ..
ولاحظت جميع المتزوجين اللي يتشكون من زوجاتهم , يشتركون بالنقطة هذي ...
يتكلف واجد بتجهيز زواجه وبالنهاية زواج فاشل ..

اخوي
انا متابع لموضوعك من اول بصمت
تابع مع اخونا البليغ
نصائحه من ذهب
هالفترة اكيد انك محروق لا ام ولا زوجة
اتحمل طول بالك لو انا منك اسافر مكان بعيد واسوي جو لنفسي واجتهد وحط حري في عملي
على فكرة احيانا الرجال وخصوصا بداية الزواج يعني لسه سنتين زواج ممكن انك تبغى تقرب زوجتك فتحمق يعني تعصب عليها لانه تحس نفسك ضعفت وهي ولا كانه شيء صار
خليك عاقل ابعد عن الجو بالكامل وصبر نفسك اقل شيء يبغالك 3 شهور لين تتعود بس زي ماقالولك الاخوان لا تخرجها من البيت بتكبر ونهايتها معروفة وتتلخبط حياتك خليك عادي جدا وسويلك جو مع نفسك مارس هوايات اجتهد في عملك اي شيء يشغلك عن بيتك لين 6 شهور سنة يا اما تنعدل زوجتك ولا تشوف لك حل معقول
بس الموضوع يبغاله صبر ثم صبر ثم صبر
للاسف احيانا الحريم من شدة عواطفهم ودلالهم لبناتهم يخربوهم ويهدموا بيتوهم
واصح ثقتك تنهز بنفسك
وخلك متزن ولا يهزك شيء هي الحياة كذا صبر وبترتاح ان شاء الله
ولا تسمح لاحد يدخل لا من طرفك ولا من طرفها
وامك لعد تدخلها في حياتك الخاصة ابد عطها حقها وراح تتعود مع الايام

العقد الفريد

ما اعتقد اني كتبت بردي، اي شي أحرض فيه الاخ على زوجته
باللانفصال او غيره.. و راجعي بعض الردود اللي طالبت باكثر من كذا

رأيي قلته بناءً على كلامه هو و ماجبت شي من عندي، و كل شخص له الحرية
بإبداء رأيه الشخصي.. يعني لا شيشت راسه و لا غيره

و ماله داعي تفكريني بالحديث، لاني مراعيته و من غير ما اي شخص يفكرني به
و سياسة تكميم الأفواه او فرض الرأي بكل اختصار ( لا تروق لي )

وين البليغ

السلام عليكم


اخوي انا كبر زوجتك بالعمر ولاتستغرب من كثرة النوم

انا وكل الي بالكلاس تبعي ننام المغرب ونصحى الفجر

يعني كلنا كذا

ثاني شي ساعدها في ترتيب البيت وي

ترى توها صغيره