الاهتمام بنفسيتك وببنتك يتعارض مع اهتمامك بصورتك الاجتماعية
اختاري وحده منهم

بعدين انتي تضمني بالمسقبل تصرف زوجك مع بنتكم في وحده من نوبات الهيجان شو ممكن يعمل ؟
برأيي ركزي على تشخيصه أولا ... شوفي طبيب ثاني وشوفي طبيب مختص ... لازم تتأكدي من تشخيص المستشار بالأول ...
لكن لو كان زوجك فعلا مريض فهذا أول شيء لازم تهتمي فيه لو ناوية ترجعي له

الناس تتكلم شوي وتنسى..

اسبوع ؟ اسبوعين ؟؟ شهر ؟؟؟

مردهم يسكتون عنك وينشغلون بسالفه اهم من سالفتك..



من ضمن الشروط وبشكل جدي وقاطع..

ذهابه لمستشار نفسي واسري لعلاج نوبات الغضب..


الله يصلح ازواج وزوجات المسلمين

__________________
استغفر الله العظيم واتوب اليه..اللهم اغفر لي ذنوبي وارفع عني البلاء

ابو عبدالاله

هل زوجك مدخن؟؟

الله يعينك على ما ابتلاك به اختي..اهم نقطه هي صلاته وتدينه فشخص يسب الدين و يقول انا ربكم الاعلى هذا لا خير فيه وأسال الله له الهدايه ولو كنت مكانك لاخترت الهروب من حياه كهذه مليئه بالضغوطات والاهانات والانقلاب المفاجئ في المزاج والغضب غير المبرر و اشرطي عليه لو رجعت ضروره مراجعه طبيب نفسي وان كان متمسك بك سيذهب وان كان فلا..مميزاته بسيطه في نظري كريم وان كان منان ولا يخون وغير مقصر لكن تلك المميزات لا تعتبر شيئا امام سبه للدين واستهتاره بالصلاه وعدم احترامه لك و تخطيطه للانتقام منك كأنك عدوه ..لكن الطلاق لا يناسب شخصيتك فنظره الناس لكي و اهتمامك باستقرار بيتك و التفكير في مصيرك بعد الطلاق وحساسيتك في بيت اهلك ..كل ذلك يشير الى ان خيار. البقاء مع اصلاح الزوج هو الانسب لك.

مع هذا الرد فعلا يا كنافه انتي لستي مهيئة للطلاق ابداا وتبعاته شخصيتك هشه جداً وضعيفة وحساسه ماراح تقدري تواجهي المجتمع وكلامهم وتعليقاتهم السخيفة
انا حاسه فيك لكن انتي تعطي اهميه للناس اكبر من حجمها الطبيعي
كنافه انتي بيتك من قزاز حتى لو انتي ما تطلعي اسرار بيتك لكن ابتليتي بزوج يحب يتقل كل شي لامه وإنتي صرتي تتوقعي ان أمه نقلت الكلام أخواتها وثم للبنات الخاله ايش عليك من هالكلام كله ترى الناس لاهين في حياتهم محد له علاقه بالثاني والي يبغى يتكلم

__________________
ريم نواف سابقا

كنافة الخلافات بين الزوجين مهما كان حجمها ممكن الواحد ينسى، ويسامح ، لكن اللي سوا هو بتوسيح دائرة أي خلاف كبيرة بحقك، وليته يخبر أمه بالسر دون علمك، أتذكر لك مشكلة اتصل على أمه أمامك وطلع كل المستور إمعانا في أذيتك .

وسار هذا الموضوع يتكرر معه كأنه مبسوط، وعارف نقاط الضعف.
كنافة إنت محتاجة راحة نفسية ، خذي فترة نقاهة ، ولا تردين عليه ولا على أمه ، ونصيحتي لك كنافة لا تردين على أمه مهما صار خليه يحس وهي تحس بغلط ولدها.

وبعد ما ترتاحين خذي القرار اللي يناسبك ، واللي يحفظ كرامتك .

خاله بيتا
انا شكلي تعودت على البهذله
واللي استجد معي انو صارت بهذله عند الناس
هذا اللي فجر الخلاف وخلاني اترك البيت
خصوصا وهو رافض يصلح نفسه
او عالاقل ياخذ مهدئات تخفف من نوبات الغضب
هو معتبر وضعه طبيعي وكل الرجال كذا حسب كلامه
وهذا معقد اصلاحه


من الله في خير
واذا نسوا بكرا
بيرجع بعد كم شهر لنفس التصرف
لانه ثاني مره يعمل هالحركه المخجله
وانا لاول مره اترك البيت لهذا السبب


جمانه
نعم مدخن وبشراهه
لكن المشكله حصلت بعد ما افطر ودخن
ماكان صايم وقتها


شاي اسود
رجل عمره 35 من الصعب ان يتغير
هو للاسف تربى غلط وعلى عدم احترام الدين واهله
وهالامور مابينت الا مع العشره وبعد ما جت بنتي
مره قلت له: كنت ممتاز وخلوق جدا في اول سنه
لكن للاسف كان يمثل ويتصنع
زي مايفعل عند الناس اللي ينغشون فيهم
ويحاول يظهر نفسه برا البيت انه مؤدب ولبق


ريم نواف
كلامك اوجعني يمكن لانه صحيح
انا حساسه وعاطفية ومو وجه بهذله
لاني فعلا هشه كثير من الداخل.. ودمعتي سهله
خاطري بالطلاق وخايفه جدا منه
والمشكله اذا قرأت قران واستغفرت.. حنيت لبيتي
واذا كنت لاهيه بتلفزيون والا نت.. كرهته هو وبيته
ما ادري هذا اشاره حتى ارجع والا لان فكري مشوش
ومالي رغبه بشي ابدا
لدرجه صايره انام 12 ساعه من الاكتئاب


سهاد راجي
كلامك صحيح 100 ٪
اختصرتي المشكله بسطرين
وانا فعلا لسى تعبانه ومحتاجه ارتاح



اخر مستجداتي
نزلت امس السوق وشريت اغراض احتاجها
رغم ان ابوي قال اللي تبينه خليه هو يجيبه من البيت
لكن رفضت.. ولا لي رغبه اتواصل مع هذا الرجل
اما جوالي فمحد اتصل عليه.. لا هو ولا امه
لان الموضوع صار بينه وبين ابوي
ولما فكرت اشتري لبس عيد غير اللي بالبيت
امي قالت لاتستعجلي لسى باقي عالعيد!
انا مو مهم.. بس بنتي افكر اخذ لها فستان
حتى تفرح واصورها زي باقي الاطفال
غير الفستان اللي في بيت ابوها
وشريت لها العاب جديده حتى تفرح
احاول ما اقصر معها بشي ابدا


موضوعي لازال معلق
دعواتكم

الله يفرجها عليكي اختي ويريح بالك
ومتل ما قال زوجك انو مفكر في رجال متلو صحيح في نسبة من الرجال وقت الغضب بيحكي كلام ما عليه جمرك وبيستغل نقطة الضعف ووقت تلاقيه هادئ بقلك انا قلت هيك لغيظك
وفي نساء وقت زوجها بيعصب شو ما قال اخر همها بتسمع من هون وبطنش من هون لانو صارت تعرف مسبقا انو بس يعصب تتوقع منو اي شي
وفي نساء حساسة كتير ومستحيل تتقبل هالشي وانتي اختي من النوع التاني الحساس وزوجك من النوع بيكون وديع لدرجة ما تتصوريها وقت يكون هادئ
بس وقت يعصب بصير مفترس ومستغل نقطة ضعفك وما رح يسيطر على حالو وقت الغضب الا اذا اتعالج وانتي فرجيتيه انو اذا خبر امو اخر همك ساعته بيعرف انو ما بيقدر يقهرك فيها بس مجرد ما رح تفرجيه ئديش بهمك صورتك قدام الناس ان كان هوي او غيرو بحالة الغضب بيستعمل هالطريقة لا اراديا
والله نصيحة يا اختي حاولي تخففي من حساسيتك تجاه صورتك قدام الناس ان كان مع زوجك او اي شخص لان الناس بتحكي وما بيرضيها شي ولو بتشوفي ناس عم تضحك بوجك هيي نفسها بتكون عم تحكي عليكي بغيابك وهيدا النوع موجود منها كتير بهالايام فكرمال هيك نفسك فقط لا غير وكلام الناس لابقدم ولا يأخر
بتمنالك تكون ايامك القادمة ايام رائعة وكلها سعادة وسرور
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

الله يفرج عليك ويريح قلبك باللي هو بصالحك انتي والكتكوتة ان شاء الله ،،
حبيبتي حاليا ركزي على نفسك ومثل ماقلت لك الناااس مالهم لا دخل ولا داعي بحياتك ابدا الناس تركض ورا القيل والقال ويحبون اكل لحن بني ادم للاسف احنا نسمى مسلمين لكن الغرب افضل منا بنقاط كثييرة من جهه الاخلاق والاحترام للطرف الاخر ،،،

الزبدة ،، ان رجعتي تكلمو وان انفصلتي ايضا تكلمو ولو حردتي تكلمووا وان لازلتي ببيتك ايضا بيتكلمون! بكل الحالات شنو بيدك تسوين؟ التطنيش مهم واسعاد نفسك وطفلتك بالدرجة الاولى هو الاهم ..

استخيري ، ريحي نفسك من التفكير بهالموضوع ، اطلعي وغيري جوو ، طنشي اللي حواليك ، اهتمي بنفسك ، وبعدها مثل ماقالت خالة بيتا ركزي على حل المشكلة الاساسية واللي تتفرع منها باقي المشاكل .

كنافه احس الطلاق ماينفع لشخصية زي شخصيتك ...

طيب فكري
فيه مجال انك تعتبرينه ولا شي وتجلسين ببيتك
تكسبين خصوصية وبيت الحالك وفلوس وسواق

استخيري واستخيري

وزوجك حاولي ماتشيلين بقلبك لانك انت اللي بتتعبين من هالناحيه