اقتباس:
المشاركة الأصلية كتبت بواسطة سندريلا حبيب
وفكرة ثانيه وطبعا هاي من سلفتي
وعشان هيك بنتها صارت منظمة .. بتغير الملابس
ممكن احط ورقه وكل ما تغير الصق عليها طبعه نجم او كيتي
او كتحفيز اعطيها شيء رمزي
لما تغير..
بس الي جا في بالي ممكن تعتاد على هالامر ان في جائزة
مقابل التطبيق...؟
|
والله كنت داخلة أكتبلك هاي الفكرة إلا انتي حاطتيها
سبحان الله
شوفي حبيبتي
كل طفل إله نفسية مختلفة
القرآن الكريم قسم شخصية الناس لنوعين،، نوع بيجي بالترهيب ونوع بيجي بالترغيب،،
التخويف من النار،، والحديث عن الجنة لأصحاب نفوس الترغيب
واحنا في الدنيا بنصلي وبنصوم وبنطيع ربنا لنوصل للجنة اللي أكبر حافز إلنا
،،،،،،،،،،،،،،،،،
وهالشي قيسي على طفلتك
لازم ترغبيها بشي لتشجع ولازم تكافئيها وتقدري طاقاتها وأعمالها،،
وشوفي كيف كنا في المدرسة لما نعرف شي صح ناخد "نجمة" على جبينا وكنا نفرح عليها كتير ونتشجع ع الدراسة أكثر لنحصل على النجمة
فطريقة الورقة حلوة
بس انتي خليها لوحة كبيرة وعلقيها في غرفتها وسجلي عليها أسمها
وحبذا لو كانت فوق سريرها علشان تضل تناظر فيها كل شوي وتتذكرها
وكل ما تغير لباسها الداخلي حطيلها لاصق واختاري الشخصية اللي هي بتحبها
وكل 10 لاصقات مثلاً يكون إلها مكافأة،، إما زيادة في المصروف أو ساعة زيادة في اللعب أو تاخذينها مشوار لمكان بتحبه أو لعبة هي بتحبها
أو ممكن تقسميهم
مثلاً أول عشرة لاصقات زيادة في المصروف،، لتوصل لل 30 ساعة زيادة في اللعب،، لتوصل لل 50 تاخذيها مشوار،، لتوصل لل 70 تجيبيلها لعبة كبيرة هي بتبحبها،، وأصلاً لما توصل لرقم 70 مش رح تغلبك بعدين
رح تتعود لحالها
واتبعي هاد الأسلوب التربوي في أي شي عاوزتيه منها
في الأول بتكون بدها مقابل بعدين بتتعود وبتصير تسمع الكلام وشاطرة
وما تنسي إنك بتبني ثقة بينك وبينها وإوعك تخلفي وعدك إلها أو تكذبي عليها بشي،،
علشان تتشجع ع كلشي
بعرف إني طولت
لكن إن شاء الله أكون أفدت عزيزتي