الله يا بنت مكة ..
ايش الموضوع الحلو دا..

أنا ياقلبي.. أكتر شي ألبس بنطلونات.. أو برمودا.. وبلوزة كت.. أو تيشيرت.. في بيتي
ومع أهلي نفس الشي بس أراعي أنه مايكون ماسك أو شكله غلط.. مستّر أكيد
والبيجاما وقت النوم بس مااقعد فيها طول النهار أكيد..

على سيرة هداك الموضوع حسيت اني عايشة في عالم تاني..
و هجووووووم.. وووو
مع احترامي لكل الثقافات والبيئات..

والله عن نفسي ألبس بجامات نص كم ... مو أقصر من هذا ...

أختي نسمات البرد..

شايفتك هجمتي عليا .. وأنا ماأسأتلك بشي..!!
الله يهديكِ..
ماابغى أدخل في الأحاديث والأدله.. لانه
في نصوص معروفة تحدد العورات والحرام والحلال..
واحنا كمسلمات محى نتعداها..
ولا حاأفتي وأخرج عن الموضوع..

وأنا لما رديت على بنت مكة ما جرحت أحد بكلامي..
أتكلمت عن نفسي وعبّرت عن رأيي..

بالنسبة للبيئات والثقافات.. نعم عزيزتي .. فيه اختلاف كبير بين الناس..
سواء في نفس المنطقة ولا غيرها..
حتى بين الأقارب ..
و أخلاق الإنسان ما تقاس بالملابس فقط.. وغيرها من المظاهر..
أتمنى ماحد يتحسس من الموضوع..

تحياتي