الجلوكوفاج اسالي عنه دكتورتك لا تاخذينه من نفسك كذا
تصدقين انا الدكتور قالي خذي الجلوكوفاج لغاية ما يحصل حمل تخيلي !!!!!
بس انا تركته بصراحه لمن راجعت اكثر من طبيب عشان التكيسات واكدولي والحمد لله انها زالت
بالنسبه للمراميه >>>>>> قاعده تشربها الحين ههههههههه
انا اسويها زي الشاي العادي واحط معها شوي نعناع عشان تصير اطيب واحط شوي سكر معها
مرة قريت هنا بالمنتدى انو المراميه كمان تنحف
وحده كانت تشربها باستمرار يوميا عشان الريجيم وحملت ماشالله عليها
الله يرزقني واياك وكل محروم الذريه الصالحه عاجلا غير اجل
قولي امين
تحياتي ,,, شووووق
__________________
ربي لا تذرني فردا وانت خير الوارثين
يا وليّ في نعمتي .. يا صاحبي في وحدتي .. يا عدتي في كربتي..
اللهم فرج همي .. ويسر امري
سبحانك اللهم وبحمدك اشهد ان لا اله الا انت استغفرك واتوب اليه
بالنسبه لزوجي مافيه اي مشاكل لأنه كان عنده طفلين قبل لايتزوجني.... وعندي سؤال على هذا الطاري !!
هل أن زوجي يمكن يكون منه العيب يعني ضعف في الحيوانات المنويه رغم انه سبق ان انجب طفلين؟؟!!
على ما اعتقد مني انا لأن التبويض ضعيف ولا شورايكم؟؟!!
اتمنى يكون مني مو منه عشان هو مو متشجع للعيال هالفتره .. وانا ابغي احمل اليوم قبل باكر . فلو كان منه العيب ماراح يتعالج أبد .. لكن انا اتعالج من غير مايعرف ... هذا الموضوع ومافيه ياخبير جده بالنسبه لطولي 160 ووزني 70 انا أحاول اخفف اكثر من وزني لأن الوزن له دور طبعاً في الحمل ... اتصدقون كنت قبل فتره 6 شهور وزني 80 بس اتبعت ريجيم وضعفت 10 كيلوو .. وقاعده احاول اكثر بس وزني ثابت على 70 مب قادره انزله اكثر .. وماصار للحين الحمل
أدعولي بالذريه الصالحه يا أخواني الله يرزقني واياكم
__________________
لو الصبر مايفيد
ماصبر أيوب صبره
سبحان الله وبحمده
سبحان الله وبحمده
سبحان الله وبحمده
الله يرزقك ويرزق كل محرومه
انا استعملت الشبت وحملت بامر الله والحمدلله وكان لي سنتين ماحملت اخذته شهر مع الكلوميد ولمن حللت الدكتوره تفجاة من نسبة التبويض كانت عاليه مره وقالت اكيد انت حامل وجاتني الدوره بس طلع هرمون الحليب عالي وانا كنت اتعالج منه ولمن ينزل اترك الحبوب المهم الدكتوره اعطتني حبوب هرمون الحليب اخذته واخذت الشبت ثاني شهر وبارادت الله ماجتني الدوره وطلعت حامل وانا الان في الشهر الثامن أدعولوي الله يتمملي ويسهل ولادتي يارب ويرزق كل محرومه ولاتنسون الدعاء وسورة البقره
اختي الدانه باسم الله يخليج ممكن اعرف كيف حضرتي مشروب الشبت ؟
شو هي الطريقه؟؟!! بالظبط
الله يخليكم يابنات انا الحين عند اهلي و غداً بروح لزوجي واليوم هو آخر يوم بالدورة . وهو يصادف رابع يوم من يوم بدء الدورة ويقولون ان الشبت نشربه من خامس يوم ..يعني غداَ استعمل هذا المشروب .. بس كيف أسويه ؟؟..وانا اخذت هالشهر كلوميد .. يعني متهيأه والباقي على الله
وادعولي الله يخليكم بالذريه الصالحه
__________________
لو الصبر مايفيد
ماصبر أيوب صبره
سبحان الله وبحمده
سبحان الله وبحمده
سبحان الله وبحمده
يابعد عمري أنا خذيت من عند العطار تقريبا ربع كيلو شبت على شكل حبوب صغيره العطار يعرفهاووضعت في كوب ماء مغلي ملعقه طعام شبت وتركتها تدفئ شوي ثم صفيتهاوشربتهاوكنت اسمي وادعي كنت أخذها اول ماأصحى من النوم قبل ماأكل أخذتها من خامس يوم في الدوره لمدة أسبوعين بالتمام الشهر الاول أما الشهرالثاني أخذتها لمدة أسبوع وماكملت عشان سافرت والحمد لله رجعت من السفر وانا حامل
الله يرزقك وتفرحين وتفرحينا ودعواتكم ان الله يتمم على خير .
على فكره في وحده استعملت الشبت الاخضر الي نستعمله في الاكل بنفس الطريقه وحملت.