اذا زوجك طيب وحنون معك وماشفتي شي باخلاقه
اصبري، تعبه وشقاه وديونه كله علشان راحتك الراتب اكيد بيزيد مع الوقت.. يعني انتي ع بالك انه مرتااح!!! خلي نفسك مكانه وفكري شنو موقفك لما تتسلفي وتدخلي بمتاهة الديون علشان تستقري وتعفي نفسك وبالاخير هاللي تزوجها تطلب الطلاق!!! وليتها تجي ع كيذا بيستمر بدفع هالديون حتى بعد الطلاق لاقدر الله.. شوفي لكم شقه لو من غرفه وصاله تعيشو فيها مع بعض بسعر رخييص ولا تكوني متزوجه بالاسم فقط.. لاتعودي زوجك ع بعدك خليك معاه وجنبه واصبري ع ظروفه الا ماتفرج.واكثري من الاستغفار والله اعرف وحده تزوجت لاهي ولازوجها موظفين بعد اول مولوده انقبل زوجها بالمجال العسكري وهي تعينت مدرسه... وفقك الله ورزقكم من حيث لاتحتسبون .. |
لا اعتقد تفكري بالطلاق وانتي عارفه صعوبته
طيب انتي تزوجتيه وانتي عارفه ظروفه سواء علميا او ماديا او غيره عارفه انه ماله طموح ووظيفته صعبه وراتبه على قده هو مالعب عليك ولا مثل عليك ولا تتوقعي ان باستطاعتنا تغيير الاخرين اذا هم ماحبو يغيرو انا نصيحتي ارجعي لشقتك او استاجري انتي الى ان تفرج لو تدفعي ايجار اول سنه وهو يكمل راتبه مو سيء حيل مع راتبك تمشي الدنيا موضوع الاطفال ابدا لا تاجلين الفحص روحي افحصي انتي حتى لو ماكان معاكي واذا سليمه اجبريه يجي زوجك طيب بس ضروفه صغبه وانتي برضو لازم تتنازلي ارجعي لشقتك احسن لك واضبري ولا تجمعت الفلوس اطلعو شقه جديده |
حبيبتي معالي والله فرحتيني بتفاولك وانا اتوسم فيك الخير
وزوجك احسه طيوب مره بس متردد يعني محتاج وحده لطيفه مُحِبّه واثقه من خطواتها يعني بما انه متردد لا تجعلين اخواته يملون عليه القرارات واخته بصراحه رسالتها قليله ذوق بس ماعليك منها ادفع بالتي هي احسن عليك من زوجك وابو اولادك بإذن الله تعالى لا تتركينه يامعالي في ظرفه الصعب ولا تتركين اخواته يملون عليه قرارات تخرب حياتكم بل انتي ارشديه بحكمتك ولطفك وحبك وحنانك ارشديه لما يجب عليكم عمله ولا تستأجرين الشقه انتي لاااا اتفقي معه انا وانت شقه ع قدنا وشوي شوي يفتحها الله علينا ومو لازم يكمل دراسته يمكن ماله خلق انا زوجي دايما يطلبني اكمل معه دراسات عليا وارفض يااختي والله مالي نفس للدراسه يمكن زوجك مثلي ف لا تضغطين عليه يامعالي ، خليه ع راحتك ولا تركزين الحلول على باب واحد مغلق انظري للأبواب الأخرى المفتوحه مو بس الدراسة اللي تعدل وضعكم التجاره مجال واسع والرزق فيه سعه من الله اتذكر تاجر معروف يسرد قصته وانه في اول شبابه كان حمّال تخيلي !! وشوي شوي تطور اشترى سياره يحمل عليها بضائع التجار ثم تدرج حتى اصبح صاحب اكبر شركة الآن وطلوع الدرج خطوه خطوة وانتي معه بإذن الله وزوجك حسيته مره طيب ومتسامح خاصه انه بعد رسالة اخته وبيرجع لبيتها لأنه متسامح مره ولطيف اكثر من اللازم مو لأنه مستهين فيك لأنه لو كان بياخذ موقف كان اخذه على نفسه بس هو متسامح لأبعد حد وانا كنت في فتره من فترات حياتي مثل زوجك بس قرأت كتاب اسمه لا تكن لطيفا اكثر من اللازم وفعلا كأنه بتكلم عني الكتاب واستفدت منه جدا وصرت اعرف اللي لي واللي علي ، والعلاج قولي له وأصري عليه -بلطف - يحدد وقت للذهاب لطبيبه ولا تستهيني في هذا الموضوع ، وبالنسبه للاجازه ياغاليتي يامعالي مايخالف مو لازم الحين شوفي وقت اجازته اذا كان عندك دوام وقتها انتي خذي اجازه والحين دوري لك شقه انتي وياه ولا تزيدون البعد والجفاء والنص بالنص لو ماتفرشونها كلها شوي شوي وبالتعاون كل شي يصير ، فيه وحده اعرفها كانت تسكن بيت صغير جدا جدا جدا وقديم ونصه بدون فرش تخيلي بسبب ماديات زوجها والحين ماشاء الله نزورها في قصرها !! والله كل اللي قبل كانوا يشفقون عليها زاروها في عزيمة قصرها الجديد قبل كم سنه ماشاء الله وتستاهل الله يهنيها مع زوجها وعيالها لأنها صبرت عليه وتعاونت معه ومن صبر ظفر دائما انظري لنصف الكوب المملوء وانظري لبذره الخير عند زوجك وحياتك واسقيها وتجاهلي الامور البسيطه والسلبيات الكبرى ناقشيها بعد ذكر الايجابيات هذه الطريقه صرت اعتمدها مع الي حولي لما انتقدهم القى تجاوب والحمد لله لاني كذا اكون انصفتهم لما اذكر اعدد ميزاتهم يتقبلون مني النقد البنّاء وزوجك طيب واهم شي القلب الطيب تخيلي لو ساعات عمل زوجك طبيعيه ومادياته مرتاحه وقدر يفتح مسكن ممتاز بس منكد عيشتك بسوء خلقه ؟! وطول لسانه وقله احترامه لك ومشاكله وعناده وعصبيته ؟! او خيانته ؟! تخيلي بس احس وجهك تغير وهو خيال بس ههههههههه كيف لو كانت حقيقه !؟ احمدي ربك على ماعندك وحاولي التحسين بإصرار انتي وياه مع بعض يد واحده ماتصفق نصيحتي لك يامعالي : انتي طيبه وزوجك طيب بس انتي قليله صبر ، وهو قليل حكمه ومتردد عالجي هالنقاط بالصبر ، والتزام الحكمه والتأني وبالنسبه لتردد زوجك بقراراته لا تنظرين لها انها عيب وتخيلي لو زوجك عنيد ورايه يمشي بدون نقاش والله يكرهك بعيشتك العنيد ف انتي انظري لتردده على انه شي عادي وكلنا عندنا عيوب والزوجين يكملون بعضهم دايما العنيد يبي له زوجه مطيعه متردده والمتردد يحتاج زوجه تعرف قرارها الصحيح اذا هو متردد انتي ارشديه للقرار الصائب والرأي السديد ليش اذا تردد يضطر يلجأ لأهله ؟! لأنك ماكنتي سند وعون له وارشدتيه في حيرته وضيقته خليه يلجأ لك انتي مو اخواته او غيرهم بس مو تعطينه اوامر لااا ، ارشديه ووجهيه واصري عليه بلطف وحب وحنان واحتياج زوجه ، لا تنتظرينه يتصرف لأنه ينتظر احد يوجهه ومافيه احد اقرب له منك هو زوجك وانتي زوجته مااعتقد فيه قرابه اقرب من الزوجين !!! خليك معه وهو معك ، وتعاوني معه ، واحمدي ربك انكم تركتوا شقه اخته ومشاكلها ، ولا تخجلين من تعاونك معه قدام اهلك او اي احد ماعليك من احد هذي حياتك انتي وزوجك وعيالك بإذن الله مااحد له دخل فيكم ، ماعليك من احد افعلي ماترينه صائباً ، وابدأوا حياتكم خطوه خطوه ولا تأجلين الحمل لأنه بإذن الله راح يكون فاتحه خير عليكم ، والآن من هذه اللحظه اتصلي عليه وابحثوا عن شقه بسعر يناسبكم وتوكلوا على الله ، وساعات عمله خليك عند اهلك مبسوطه مافيها شي هو ماتركك وراح لاستراحه !؟ هو في عمله ، يعني بتركك لحالك في البيت تكلمين نفسك ؟! كل اللي يصر غصب عنه ( مجبر اخاك لا بطل ) يعني لو مو في العمل نقول غلطان بكثر الغياب لكن بإذن الله تتعدل اوضاعه بالتجاره لو محل صغير ع قده وتسعة اعشار الرزق في التجارة شوفي وش هوايته ؟! مثلا تكنولوجيا ؟! يناسبه محل اتصالات وبرامجها او كمبيوترات او مثلا يحب السيارات يفتح محل في مجال السيارات حتى لو محل زينه سيارات شوي شوي بتعدل وضعه وهكذا .. الخ او قهوه شباب او ،، او ،، او ،، مجال التجاوه واسع شوفي هوايته وادرسي الموضوع واقترحيه عليه ماراح يقتنع بيوم ولياه شوي سوي راح يستوعب ويقتنع وبالتعاون بإذن الله يسهلها اسأل الله في هذه الساعه المباركه ان يرزقكم اولاد وبنات ويقر عينكم فيهم ويوسع رزقكم ويديم الموده والرحمه والعشره الطيبه بينكم ، يارب اميييين ،، |
مواقع النشر |
![]() |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|