اختي الكريمه
اولاً اللي مفروض عليك الحين انك تحاولي تعوضين النقص الحاصل من ابوه
يعني الولد لايحس انه اقل من اخوه من ناحية مصروف الفسحه او الملابس او اي شي ممكن يكسر الولد
ثانياً نصيحه اختي لاتحاولين تكرهين الولد باخوه فـ الاخوان مالهم الا بعض ومهما كان كرهك لزوجك ولعياله برضو يبقون عياله اخوان ولدك وعزوته
ولاتواخذيني بهالكلمه احس انك ماخذه بعض الامور بحساسيه اكثر من اللازم مثل قولتك مهرج لـ اخوه
يعني اذا الولد لعب مع اخوه صار مهرج
الله يهديك هدي نفسك وتعوذي من الشيطان
وانا ماانكر ان زوجك مقصر 100% بحق ولدك ولكن لا يصير اي تصرف منه تفسرينه بشكل غريب
يعني مافيها شي لو انه وصاه على اخوه
ولكن مثل ماقلت لك المهم في الموضوع الحين هو الولد لايحس انه اقل من اخوه

يا عزيزتي لو هديتي بيهدا ولدك ولو اخذتيها من جانب ايجابي بياخذها ولدك ايضا

يعني اش فيها لو وصاه على اخوه!

هل المدرسه بتحطهم بفصل واحد؟!

لا طبعا كل واحد بفصله وبيلتقون بالفسحه والانصراف فقط

كم وقت الفسحه كلها نص ساعه اذا ماني غلطانه
وولده الثاني بيكون له صداقات وبينحاش من ولدك

انتي قلتي انه بصف ثالث يعني مهو اول مره يدخل المدرسه
تقولين بيشغل ولدي بالبكى والهروب من الفصل

فقط المدرسه جديده عليه وكلها كم اسبوع ويتعود ويكون صداقات ولا يحتاج ولدك


بالنسبه لو اخذه ابوه مع ولده في الانصراف يا ستي كم بياخذه؟
كلها ساعه ساعتين ويرده لك

اعتبريها فرصه يتقربون الاخوان من بعض ويطلعون ابرك من ابوهم
اما لو كبروا وهم بعيد عن بعض بتقسى قلوبهم على بعض


زي ما قلتلك لو هونتيها براسك بتهون براس ولدك
لكن انتي تتضايقين طبيعي ولدك بيقلدك

الاطفال بسن ولدك يحبون كلمات انت بطل انت كبير انت شجاع
تعاليه من هذا الباب قولي لانك كبير وبطل
ابوك معتمد عليك تحمي اخوك الصغير
كم اسبوع بس لين يتعود على المدرسه الجديده
ويكون اصحاب وخلاص ما عاد تلاقيه محتاجك


واذا اخذك بابا معه ما فيها شي حبيبي هذا اخوك وعزوتك بالمستقبل
بكرا تكبرون وتتذكرون هذي الايام
ويشكرك انك كنت تحميه وتساعده وتلاعبه لانك الكبير البطل

القسم الأنسب ،،

__________________




ربِ هب لي من لدنك ذرية طيبة أنك سميع الدعاء

اسعد الله صباحكم بكل خير

اعتذر جدا عن انقطاعي بسبب سوء النت في منطقتي...
قرأت ردودكم جميعا اشكركم جدا ع نصايحكم استفدت بعض منها ودونتها ...حزاكم الله كل خير
بس حابه اوضح بعض النقاط لصعوبة الرد ع كل واحد ..
انا ماعندي اي مانع من تواصله بأخوه ويعلم الله مافي قلبي ودايم لما يجيني يشتكي اقوله هذا اخوك وهو صغير ومحتاجك وانت الكبير وبابا لما كنت كذا صغير كان يعاملك كذا بس الان انت كبير ورجال ومن هالكلام ...
بس هو جالس يشوف افعال ابوه ويفهم ولدي مو صغير وكلامي ومبرراتي تهديه مؤقتا بس هو مدرك وفاهم اللي بيصير حواليه
انا اعتراضي بسبب ولدي نفسه وسوء حالته النفسيه
من مما حصل سابقا من تصرفات والده ...
لما يجيك ولدك ويقولك اصدقني القول وقولي انا ولد بابا ولا جايبني من الشارع ليه بابا يتعامل معاي كذا ليه يتصرف معانا كذا ومايحبنا ليه يحب اخونا ويدلعه قدامنا ونحن ماكأننا اولاده يعلم الله كيف كنت احتويه وافهمه وادعمه واصبره الين نقلته عند اهلي ...
والان بعد ماتحسن نفسيا وجالس يتقدم بدراسته مابيه ينتكس ونرجع للأول
والده لو انو انسان سوي ويعاملهم بالمعروف ماكنت ابداا اعارض
حكاية مهرج لولده فعلا هذا اللي صاير اخو ولدي ماله ذنب انا عارفتهم ابو عيالي كان يحرم ولدي من اشياء في سبيل توفير المتعه لأخوه انا كنت شايفه هالشي وعانيت منو
وللعلم اللي كتبته هنا مو كل تصرفاته اللي من جد تحير الانسان واتمنى افهم سبب لقسوته وعدم محبتهم...

نجي للمستجدات ...
اتصل ابو عيالي ع جوال والدتي ورد عليه ولدي وقاله حجي اخذك كل يوم وارجعك للمدرسه وولدي رفض وقاله جدي حيوديني ويجيبني والحمدلله ألف الحمدلله لك يارب مااعترض ولا شي وقال طيب..
بكذا ارتحت من هالهم ..
الشي الثاني ارسل لوالدتي انو تقنعني بالرجعه عشان العيال ولا اعند واركب راسي ..
ردت والدتي انو ام نونا انتظر ورقة طلاقي وانها تتمنى ماينسى عياله ويراعي الله فيهم ويلتزم بمصروفهم ...
وان شالله نتفائل بالايام الجايه ويطلق بهدوء والله يعوض علينا جميعا...

__________________
(سيدة الموقف)
لم ننساك ونسأل الله ان تكوني أنتي وأولادك بخير