وتجنبيها على قد ما تقدري ، و تصرفك خطا ، ترمين الكوب أمامها ، ما احد يرضها على نفسه و يتقبل ، وحتى وان كان حامل للمرض فعلا.

دعواتكم لي

أنا تجيني حالة لما أكون مضغوطة أو احد يستفزني اصارخ بصوت عالي ووجهي يصير أزرق وقلبي يدق بسرعة وارتجف ويحاولون أهلي يمسكوني ما يقدرون علي

والله العظيم هذا اللي حصل قبل ساعة من الحين...

أنا تعبانه نفسيًا و أهلي تعبوني والله العظيم حرااااام هم يرتاحون و أنا اتعب..

ما احد حاس فيك حتى اهلك ..

يارب ضاقت بي السبل الا سبيلك.. أنا والله ما أبالغ بكرهي لها..

يا ليت الاعضاء وحتى الزوار يدعون لي اني أتخلص من الحالة اللي تجيني

ويارب اطلع من هذا البيت وارتاح..

دعواتكم والله في امس الحاجة لها..

أين الإشكال في استقدام خادمة عن طريق مكتب وبطريقة قانونية؟

__________________


اللهم طِيبَ الأثر .. وحُسْنَ الرحيل.

يا انت مشقية نفسك فيها بشكل مبالغ ، حتى لو يغيرونها بتظل نفس نفسيتك بسبب الجنسية
اشتري راحتك على ايش تعصبين وتزرقين ، بالهداوة صح ينرفزن بس مو لدرجة امرض علشانها.

انت لا تتعاملين معها نهائي ، دامها قارفتك تنحي عنها والتعامل معها ، لاتزيدين الطين بله
يا انك تضبطين نفسك وتكلمينها باسلوب من خلاله تتجاوب او لا تخلينها تحقد عليك او احد من اهلك والسبب هالاستقعاد المبالغ فيه ،
واذا اهلك ما لهم نيه يغيرونها تعاملي مع وضعك بشكل افضل

انا ما احب العاملات بشكل عام ، واستقدموا اهلي فوق الست مرات ، واشهد بنظافتهم وتعاملهم بس شي نفسي ،
قد تكون مشكله فيني انا ، ولا اذيت فيها احد ، حتى كوب المويه ما اشربه منهم ، اغراضي او اي شي يخصني انا مسؤولة عنه ، بس لا قدموا لي شي استقبله برحابه واشكرها بس تقفي اتعامل معه. وفوق هذا ينتظرون مني اطلب شي .
انت عالجي المشكلة من ناحيتك ولا تفرضين على اهلك شي ، يا انا يا هي في البيت . هم محتاجينها
ولا ضايقتهم ، مضايقتك لانك مو متقبلة هالجنسية .
حاولي تقنعينهم بالاستقدام ولذاك الوقت حسنّي
علاقتك معهم او كفي عنها ما تدرين وش ممكن يصير والله الحافظ.

__________________
"أليس الصبح بقريب"
قال عليه الصلاة والسلام: إني أحرّج عليكم حق الضعيفين ، اليتيم والمرأة.

من تواضع لله رفعه

ليه تناقرينها خليها في حالها وانتي في حالك تتدخلين بكل شي ليش؟

وحركة رمي الكوب اماها قمة الاستفزاز منك !!!

وش بيجي في بالها غير كرهك وانتقاص واستحقارك لها .

الله يهديك ويصلحك على هالافعال اللي مالها مبرر

حاسه فيك ، انا نفس الحاله ، اذا كرهت وحده ما أطيقها واعصابي تفور فوران ، وأهلي نفس الشي غير مهتمين ، قبل حلفت حلفه ما اكل من يد خادمه والحمد لله مواضبه عليها والحين لوحدي انظف غرفتي ، وشكلي ما الأيام راح اغسل ملابسي بنفسي ، و تركت اهلي مع الخدامه على كيفهم ، المهم اني اقرأ أذكار الصباح و المساء الحمد لله ، و صرت أعاملهم أحسن يعني كأني صديقه لهم ، وهي لوحدها تتضايق اذا ما طلبت منها شي بنفسها تقول لي بنظف الغرفه بس ما اخليها و بس احترمها . وانصح تقرأين سوره البقره اللي تقدري عليه . لان معظم البيوت أصبحت مساكن للشياطين من ورا الخدم ،،، وما في بركه ومليانه مشاكل ،،، و يا رب يرزقك عاجلا غير اجل و يكتب لك كل خير و يوفقك. ويهديني و يهديك. 🌹

الله يعينك
انا ما احب اسلوبهم بس مستحيل اسكنهم عندي برغم حاجتي لهم وعدم وجود استقدام في الوقت الحالي لكن اضطريت اخذ اجار مؤاقت فترات من وحدة مقيمه
للي يقولو ليش ما تستقدمو ترى عندنا الاستقدام صعب جدا الحبشه موقفين الاستقدام مواقتا واندونيسيا مانعين الاستقدام منها
ما عندنا الا الفلبيين غالي استقدامهم 18الف وتجي 8شهور راتب 1500
سرلانكا 24الف وتجي بعد10شهور
الهند فيه شوي صعوبه ولازم زوجيين
الاستقدام معانه جدا في السعوديه

__________________
الحمد لله الذي جعل بعد العسر يسرا... و بعد الضيق فرجا... و بعد الغم راحة ...وبعد الفراق عودة
« الْحَمْدُ للّهِ حَمْداً كَثِيراً طَيِّباً مُبَارَكاً فِيهِ »

اللي ترك الموضوع كله وركزو على حركة رمي الكوب أنا مصابه بوسواس قهري بالنظافة حرمني من لذة الحياة احس كل شيء نجس... و أهلي عارفين هالشيء رغم كذا عندنا حبشية!!!

من بعد ما جئتني الحالة أمس.. عظام جسمي كلها تألمني.. ويدي جروح من أظافر أخواتي لما حاولوا يمسكوني..

من أمس ما اكلم ولا احد.. فضلوا الحبشية على راحتي..

يارب اللي بداخل القلب عجزت اتحمله يارب أدخلني من باب الصبر من أوسع على أبوابه

دعواتكم ربي يشفيني من الوسواس والحالة اللي تجيني

الحمد لله على كل حال..

لازم تتعالجين من الوسواس

مشكلتش مو بس في الخادمه .. مشكلتش مع نفسش


الله يشفيش ويريح بالش

__________________
وهل من مصير اخر ؟

اختي في كل رد من ردودي السابقه كتبت فيه اقراء أذكار الصباح و المساء ، واتركي الخادمه تخدمهم و تنفعهم الى ان يستيقظوا بنفسهم ويشوفوا سلبيتها .