ياما وياما تكلمت معاه وبهدوء ويتعهد ما بيضرب لكن اذا يعصب يطلع من طوره
مرة رحت معاه عالبحر وتكلمت معاه بهدوء وقلت له لا تضربني ولا تسب أهلي ودائما أهدده اني برفع عليه دعوة في المحكمة لكن أحس إنه خلاص ما منه فايدة مد اليد شي يسري في دمه والألفاظ البديئة دايما على لسانه ما عنده حلم يغضب لأتفه الأسباب

غيري قفل البيت خليه يروح لأحد من اخوانه ولا يروح لاحد من اهله لما ما يلاقي بيتكم مفتوح له

بيروح لاحد من اهله وبيسألونه وش السالفه

زوج مثل كذا العيشه بدونه افضل من العيشه معاه

شلون بيكبرون عيالك وهم يسمعون كلام بذيئ

شلون بيحترمونك عيالك وهو يضربك


ماعندك خوال او اعمام خليهم يتصرفون معاه

او اذا طلع غيري قفل الباب وخليه برا دام هذا أسلوبه

يا اختي العزيزة الضرب لا يكون ابدا للبشر ..
و انا لن استخدمه قط الا لو استهترت زوجتي بحياتها بمعني انها قد تؤدي بتصرفاتها الي موتها او حدوث حادث فظيع لها و ذلك من خوفي عليها .
و هناك الكثير من الوسائل لتاديب الزوجة اولها التفاهم ثم .. التفاهم .. ثم التفاهم ..
ثم .. الرشوة اقصد الهدية .. فان لم تنفع .. فيكون حرق الدم ، اي الاتيان بتصرفات تضايق الزوجة او تغضبها ، فاذا كانت الزوجة لا تتاثر بحرق الدم و تواجهه ببرود او العكس تكون انفعالاتها حادة جدا جدا لدرجة يخشي علي صحتها منها ، فليس امام الزوج الا ............








الوش الجبس
Masked Face

ااي التعامل البارد الخالي من اي شعور او انفعالات ، الخالي من اي عواطف ، و هو ياتي في اغلب الاحوال بنتائج رائعة و خصوصا اذا كان الزوج حنونا و عطوفا و رومانسيا و دائم الاهتمام بزوجته فان لم يكن فيه هذه الصفات فاشك ان تؤتي هذه الطريقة ثمارها .

ما أقدر أقفل الباب لأن مو بيتي بيت أهلي وهو على طول مفتوح

ثاني شي ما أقدر أسوي هذا الشي أحس بيكسر خاطري مع إنه كاسر خاطري على طول

المشكلة أقل شي يضايقه يتنرفز وقعد يسب فيني ويقول كلام جارح

اللي كاسر ظهري العيال وخايفة فعلا انهم ما يحترموني

أنا الحين قاعدة اطبق هذا الأسلوب كلش مو قاعدة اعطيه وجه
واذا كلمني بالغصب أرد عليه
وأحس هذا الشي قاعد يضايقه
بس هالألفاظ البيئة مو قادر يتخلص منها حتى مع العيال

بالنسبة لأهله ما يدرون عن خلافاتنا مع بعض وهو ما يخبرهم أبدا
يعني قدامهم واحد مثالي يلبس قناع خارج المنزل ويخلع القناع مجرد دخوله الى البيت

عمام ما عندي
خوال عندي بس ما في علاقة بينا حتى زيارة ما يزورونا

مرة من المرات ضربني واتصلت بأخته الكبيرة وخبرتها
واتصلت بإثنين من أخوانه اللي أكبرمنه وكلمتهم انتقذوه وقالوا لي احنا ما نرضى انه يضربك وهذا شي غلط

وبعدين هو هاوشني يوم خبرتهم وقال لي هم أصلا يضربون زوجاتهم
وبعدين ما بذر منهم أي اتصال بي ولو بمجرد للسؤال عن أحوالي
بس وانتهت السالفة ورجعت اتكلم معاه عادي بمرور الأيام
لكن هالمرة أبي حل للحين ما نمت معاه على نفس السرير وما أتكلم معاه الا كلام محدود جدا واذا اتصل لا أرد على مكالماته
أرجوكم ساعدوني

هو لو حاس ان عندي أهل أو سند أستند عليه كان ما سوى فيني كده
مع العلم اني أعلى منه في العلم والعمل
والمشكلة اني تزوجته بحب لكن ندمت

جاء الليلة يتأسف ويقول هذي آخر مرة وماراح أعيدها
لكني ما صدقته لأن كل مرة يوعد ويخلف ويكرر الخطأ
هو عصبي وايد ويثور لأتفه الأسباب مو بس معاي حتى مع الأطفال بنتي عمرها ثلاث سنوات ويعصب عليها ويضربها
لكنها تحبة ومتعلقة فيه وايد وتحبه أكثر مني وتفضل البقاء معه على أن تبقى معي واذا سمعت نقاشي معاه وانا أقوله طلقني وما أبيك تصيح وتقول لا تروح بابا أو خذني معاك أبي أروح وياك تكسر خاطرب وايد أحسها تحبه أكثر مني بالرغم إنها تشوفه وهو يضربني

هو متضايق اني أعامله بهذي الطريقة ومنقهر أكثر كلما شافني على النت يفكرني قاعدة عالمسنجر لأن كلما يجي يمي أصك اللاب توب
أبي أقهره مثل ما قهرني