17-02-2015, 11:14 AM
17-02-2015, 11:34 AM
17-02-2015, 11:42 AM
17-02-2015, 07:17 PM
17-02-2015, 08:32 PM
17-02-2015, 08:40 PM
17-02-2015, 09:01 PM
|
المشاركة الأصلية كتبت بواسطة ياحلم أصدق
التعقيب...:
أول شيء اشكر كل شخص رد علي ، ويعلم الله اني وانا اتابع كل رد حسيت بسعادة وانتم واقفين بصفي وحسيت انكم اهلي معي حسيت كل شخص مر من هناك اخ واخت لي والله مااعرف كيف اشكركم لكن الله يكتب لكم السعادة وكل الخير ، ومن ليله الموضوع لما شفت الاصوات كثرت مؤيدين لي حسيت الحلم قرب يتحقق تخيلت كيف بتكون شقتي وايش بسوي وايش بحط واختار كانت ليله حلوة كلها احلام جميله ، ولما نميت وصحيت قريت رسالة منه عالواتس يقول : "غيري ذا المنتدى ، ولا واحد واقف بصفي !! ولاواحد قال قدري ظروف زوجك " قلت بالله ماحسيت بخجل وانت تقرأ ردود الناس اللي تقول كثر الله خيرك صبرتي في الشقه المسكونة واللي يقولون راحتك من راحته ووو ..!! تبيهم يوقفون معك على ايش ؟! الزبدة قالي: "شقة مرح احط" ، تخيلوا كذب علي مع اني قبل اكتب الموضوع قلت احلف : كتبلي اتعهد امام الله اذا الردود معك احط لك شقة بشهر 7 . والحين مايبي ، ع العموم انا ماقصرت بشيء كافي صبري سنين هذا اكبر تضحية قدمتها له راتبه كويس ويروح من اقساط يبقى 4800 ريال لكن لا مسئوليات ولا اطفال وانا شايله مصروفي وبعد مايستاهل قايله بساعدك واذا تبي ترضى ضميرك قط 800 شهريا لميزانيه الشقه وانا اكمل لكن البخل مشكلة وقلت بااثث وابساعدك ... ظروف ايش اللي يتحجج فيها لكن مانوى يطلع ياعالم يشتري شوزن بالعشرين و 15 الف وغير تكاليف الرصاص ووو متحسر فيني الريال ! لكن خلاص الى هنا ويتوب اذا يبيني يسنع بيته واللي يقول ايش السبب مابي يطلع: شفتوا الورع اللي مايبي يروح لاجار يبي فوق اهله، يبي ملك لو خرابه ، وماهو حب في اهله والدليل مايجلس معهم لاهي بالاستراحات والبر وهم يتصلون يدورون شحذة انه ينزل لهم فيمر ساعه ويمكن اقل وبالايام مايشوفهم! والشقه حقت ابوة ماجرينه لواحد سنين لما خلف واخرتها يحطني بهالخرابه والمصيبه ماايجلس في البيت ابدا ابدا الشقه المسكونه بوجهي مخليها للنوم بس ولا هامه شيء انا ماقهرني الا شي. احد سنين وانا عاني شايفني مانام زين ولااتهنى ولا يحس ولا شيء ماعنده ضمير معدومه مشاعرة ومتاكدة انه خايف من اهله لايقولون زوجته طلعته لاني لاحظت جماعتة مايقدرون زوجاتهم من التفكير القروي والحرمة مرميه بالبيت، يكفي انهم ماحس فيني سنين ايش ارتجي منه ! واللي يقلون خليه يرممها ؟ بالله هذا حل انا لايمكن احط ريال واحد واساعدة ببيت باسمهم واساسا البيت قديم ومعروض للبيع ومحد شراه يجدد ايش بالله الحوش ولا جدرانه ولا الدرج اللي كله صمغ ولا الابواب واللاصباغ ولا المبنى والله لو يهد البيت ويحوله لقصر ماسكنته لانه اشباح ومسكون لااهل الارض، ويكفي اهله ناس قمه الوقاحه ولايتعاشرون وقبل اعرفهم نص الناس مقاطعينهم!!! نصيحة لكل رجل البخل مرض يخليك ماتوفر الحياة الكريمة لأهلك !! مفروض هو يخجل من نفسه قبل يخجل مني ، مفروض يخجل من اهلي فضحوه من كثر ماجيهم واتشكى، وهو فضح نفسه اكثر برضاة وسكوته على وساخه وقذارة وبشاعه بيته وشقته ! اشوف بيوت اهلي اخواتي بنات خالي بنات العم حريم الاخوان وانا ليش وش هالخرابه اللي حاشرني فيه واذا مو قادر ليش تتزوجون بنات الناس دامكم رامينهم بالخرابه ومتسدحين بالاستراحات ؟!! انا الحمد لله الله مكرمني ، ومن انا عنده شايله نفسي بنفسي ، اعيش نفسي ببيت اهلي معززه ولا اشيل نفسي بقبر! عالعموم انا طلبت الطلاق وانا في بيت اهلي انتظرة لان "حياتنا مشتركة وسعادتنا مشتركة وهمومنا مشتركة من يقف لينظر الشخص الاخر يعاني دون ان بمد يد العون له لايستحق العيش معه باقي العمر" ! واذا تزوجت يمين بالله اني لاارسله صور شقتي الجديدة هذا اذا كان فيه ذرة حياء واحساس بيحس! واكرر الموضوع خرج من يدي اذا يبي شيء يتفاهم مع اهلي ! لي رجاء للاخوة : اذا بتعقبون براحتكم لكن لاتطرحون حلول لان الموضوع بالنسبه لي منتهي ولمن الخلول اذا الطرف الثاني كذاب ووماطل ومو صادق ليته يصدق بوعده لكن اللي مثل شخصيتك مامنه خير وخسارة اضيع وقتي معه واساسا عفت الشقه وخلاص مابي منه شقه دامها من البدايه ماجت بطيب خاطر يكفي اني بذكر طول عمري اجمل ايامي الاولى وسنواتي الاولى بجحيم ، واهلااا بالعزوبية دام فيها الراحه !! |
17-02-2015, 09:13 PM
17-02-2015, 09:19 PM
17-02-2015, 09:44 PM
|
المشاركة الأصلية كتبت بواسطة ريماس 3
الكلام لزوجك ..
الفلوس اللي بتدفعهم ايجار للشقه دافعهن دافعهن سواء هنا او هناك .. لو الشقه ملك نقول بس دامها ايجار ليش تضيقون على انفسكم وتسكنون بمكان مش مريح نفسا الكلام لزوجك ماقتنعت بارائنا ولابرأي زوجتك .. شف شور ربك واستخير بقرارك ..استخر انت ببقاءك بالشقه يمكن ربي يهديك او يهدي زوجتك |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
