انصحك بزيارة طبيب نفسي لأنك راح تشفين بكذه جلسه ان شاءلله ..... هذه عقد نفسيه وكل انسان عنده عقده

ما او اغلب الناس والطبيب النفسي راح يعالجك اكيد ان شاءلله

كل ميسر لما خلق له ، فعلى كل منكم أن يرضى بما كتب الله له من جمال أو قبح الشكل فكلنا خلق الله وعلى العاقل أن يرضى بقضاء الله وقدره والحمد لله رب العالمين ، ودائما العقل والاخلاق الحسنة قمة جمال المرأة

السلام عليكم ورحمة الله وبركاته
نسيت ماأكتب عن مشكلة السمنه < مشكلة السمنة مشكلة كثير من البنات ماقدروا يتخلصوا منها السبب انهم يسمعوا كلام الدكتور وكلام المجلات وينسوا كلام الرسول صلى الله عليه وسلم والكلام الصح اللي يدخل العقل .
الرسول صلى الله عليه وسلم يقول (بحسب أبن أدم لقيمات يقمن صلبه فأن كان لابد أكلا فثلث لاكله وثلث لشربه وثلث لنفسه ) (يقول الشيخ سعيد بن مسفر الله يجزاه الجنه الرسول قال لقيمات تكفي ماقال لقمات ولقيمات تصغير لقمات). يعني إذا الانسان أكل قليل راح يحصل على الفائده كامله واثبتت الدراسات الطبيه ان الاكل الزائد مايستفيد منه الجسم وفي النهاية يسمن الواحد ويفكر في الرجيم .
ثانيا شي الرسول صلى الله عليه وسلم كان يقعد ركبه ونص < طبعا ذي زي مانسميها عندنا باللغة العاميه وأثبتت الدراسات أن ذي الوضيعة تضغظ على المعدة بحيث تصغر المعده وتصير للثلث بالضبط < ماني مذكر الكلام بالضبط بس المعنى ان لما الواحد يقعد ركبه ونص وياكل بعد ماتمتلي ثلث المعده راح يحس انه شبع وفي نفس الوقت راح يحس انه نشيط ماراح يحس بالخمول خاصة في شهر رمضان للاسف الناس تفرط في الاكل وبعدها تحس بخمول وماتقدر تقوم من أمكانها (ويلاحظ على الناس إذا كثر في الاكل بعد مايقوم يقول ليتني ماكثرت ومايقدر يتنفس).
ثالثا : الدرسات اثبتت ان الشرب مع الاكل يطلع البطن فلازم الواحد يشرب قبل او بعد < تقول الدراسات
والرسول صلى الله عليه وسلم كان دايما يشرب بعد الاكل او قبله ماكان يشرب مع الاكل .
وانا كنت اكل كثير بعدين صرت اقعد ركبه ونص واستمريت تقريبا شهرين وبعد فتره رحت لمطعم واكلت وانا على الطاوله < يعني ماكنت قاعد ركبه ونص واكلت شوي ماخلصت صحني بس اكلت زياده عن اللي متعود عليه والله معدتي اوجعتني وماقدرت اكمل لان معدتي صارت متعوده على كميه قليله .
وكنت دايم اشرب واكل لدرجة اني اذا خلص البيبسي او المويه مااكمل الاكل اللي في يدي وكنت احسب ان مستحيل اكل بدون مااشرب مع الاكل بس قلت لازم اتركها وتركتها فتره طويله وصرت متعود اني اشرب بعد الاكل في البدايه حسيتها صعبه بس بعد شهرين صارت سهله واكتشفت ان الواحد اذا اكل ركبه ونص وماشرب مع الاكل يتنفس زين وصرت احس ان اللي يشرب مع الاكل مايتنفس زي لان اللي يشرب مع الاكل يدف الاكل بالشرب مايقطعه زين وجربوا بنفسكم راح تلاقوها اول شي صعبه بس بعد شهرين ثلاثه راح تحسوا انها مسالة عاده وماراح ترجعوا للشرب مع الاكل .
اما الرجيم < كم مره سويتوا ريجيم في حياتكم خمس مرات ؟ عشرت مرات ؟ < والنهايه مانفع < لان الواحد راح يقعد اسبوع مطبق الرجيم وراح ينقص في البدايه بعدين ماراح يتحمل الرجيم كل يوم نفس الاكل وكل ماراح عند احد يحرم نفسه من الاكل عشان رجيم وفي النهاية راح يترك الريجيم أما التخفيف الواحد مايحرم نفسه من شي وفي نفس الوقت تصغر معدته بدون مايتعب وانتم جربتوا الرجيم كثير ومانفع معكم وانا سمعت من بعض اللي سوا رجيم انهم بعد مايتركوا الرجيم يرجعوا اللي خسروه الضعف يعني اللي نقص عشر كيلو بعد مايترك الرجيم يزيد عشرين .
وانتي عشان تنقصي وزنك أحسن شي لتنقيص الوزن المشي لاني قريت في الانترنت ان المشي يشد الجسم كله ويغني عن كل الرياضات يعني مثلا اخرجي انتي وزوجك كل يوم في العصريه وروحوا الممشى ومع التخفيف راح تنزلي وزنك بس بالتدريج يعني راح تنقصي عشرين كليو او ثلاثين كليو في السنه < بدون ماتتعبي وتسوي تمارين ولا تحرمي نفسك من الاكل .
غير ان الكيلو الواحد يمشيه في 10 دقايق يعني اذا مشيتي في البيت عشر دقايق راح تمشي كيلو كامل < يعني لاتزعل البنت اذا اهلها شغلوها ولا زوجها راح تنحف وتشد جسمها كله واحسن شي تروح الممشى مع زوجها ولا اخواتها أحسن من السير (جهاز المشي) < السير حلو بس يطفش مو زي المشي في الممشى خاصة اذا كان في احد يمشي معك راح يروح الطريق مع السواليف .. الاجهزه < فايدتها للي ماتقدر تروح الممشى وتقدر تمشي في اي وقت يعني تمشي في الممشى واذا ماقدرت ولا اذا تبي تمشي زياده مشيت في السير ذا غير ان المشي يحرق سعرات حراريه .
واي واحد يبي ينحف يخفف ويمشي راح ينحف إنشآء الله ولا يحتاج لارجيم ولا اجهزه رياضيه يحتاج بس تخفيف ومشي ولاتنسوا ان المشي يشد الجسم كامل ويغني عن جميع الرياضات غير انه يوزع الكالسيوم في الجسم وله فوائد اخرى عديدة اللي يبي يعرف معلومات اكثر يحط فوائد المشي في قوقل وراح يطلع له .وبالنسبه لدكتور نفسي انا اشوف انه مايحتاج لك اي دكتور نفسي انتي بالذات لانك ماتغاري من اختك وتحبيها ماشاء الله عليك مع ان اي وحد غيرك لو كانت مكانك راح تتعقد نفسيا من المقارنات غير ان الموضوع مايستاهل ولايستاهل تكبريه وأدعي دايما في الصلاة بعد التشهد وفي السجود ( اللهم إني أسآلك عيش السعادة ونزل الشهداء واعوذ بك من شماتت الاعداء ) < ترى ماني حافظ الدعاء زين وماني حافظه كامل بس ادعي دايما الله ان يقيكي شماتت الاعداء.

كاره الرياضيات /كتومه / black_mo0on
مشكورين على ردودكم وتفاعلكم ..

)(واقعية)( شكرا على ردك لكن الانديه الرياضيه صعبه انتسب لها لان زوجي دايما مشغول وما اقدر اروح لها كل يوم..

عيون الظبي/ sad 4 ever / شاطئ الذكريات /شوبارد
اشكركم من كل قلبي لكني احس من ردودكم انكم تعتقدون اني مهمله لمظهري وشكلي انا بالعكس مو مهمله واتابع كل شي جديد سواء من ناحية الازياء او المكياج او مستحضرات التجميل واهتم بزوجي واحب اجدد حتى بعلاقتنا الحميمه علشان ما يمل مني لكن المشكله اني ما احس ان اهتمامي بنفسي جاب نتيجه رغم ان زوجي يشوفني حلوه ودائما يتغزل فيني لدرجه احيانا احس عنده قصور في النظر او عمى لا سمح الله ....

ضاحي ان شاء الله احاول احل مشكلتي بدون طبيب نفسي رغم اني احس اني فعلا محتاجه له على العموم مشكور انك دخلت وقرات مشكلتي...

الثعالبي شكرا على الكلمات الجميله...

بآرد
يعطيك العافيه اخوي كلماتك فعلا مشجعه ،تأثرت بالقصه اللي ذكرتها ذكرتني بنفسي بس انت اثرت الحماس فيني اني ارجع و احاول اخفف من وزني باي طريقه وراح اجرب طريقتك بتخفيف الاكل والمشي علشان اقدر اواصل لاني احس مشكلتي اساسا في الوزن لاني كنت رشيقه وعلشان كذا صابني احباط لما زاد وزني ..مشكور واتمنى ان الله يرزقك الزوجه الصالحه والجميله في نفس الوقت