ماأدري أخي الباحث عن الوهم إيش أقولك أو إيش أكتب لك


من جد زوجتك غريبه !!!!


ياناس في وحده تلاقي الإهتمام والدلع من زوجها وماتبادله نفس الشئ ..سبحان


نحن نشتكي من قلة إهتمام أزواجنا بنا من ناحية الكلام المعسول والمعامله الحسنه والمداعبه واللطف حتى لو كان مرعلى زواجنا سنين ولكن المرأه بعاطفتها محتاجه لحنان زوجها الدائم


أخي الكريم


حاول أن تهجرها وهددها بالزواج بواحده تانيه وإذا مانفع فأبغض الحلال عند الله الطلاق بالرغم إننا ننصحك بأن لاتيأس وأدعوا الله أن يهديها إلى طريق الصواب وأن يعينك ويوفقك يارب

__________________

والله ما ادري وش اقولك لاكن ادري ان هالموضوع رفع ضغطي من تصرفات زوجتك.!!!!!!!

ليش تزوجت يعني ؟؟

ما ابي اخرب عليك براي لاني ما متزوج مع اني اشوف فرقاها احسن لو ما استجابت لك ولا للاهل وش راح تسوي صدج انك ريال ما شاء الله عليك تحملت الكثير ...

كلم والدها هو الي راح يكلمها بهالمواضيع ولا تعيرها اهتمام هي ما تهتم انت كون اشد منها ولا تهتم بالمره كلم اهلها مره ومرتين وثلاث كلم الوالد والوالده فعلا شكلها مريحه للاخر .......

الله يوفقك ويهدي زوجتك ويفتح ابواب الرزق عليكم يا رب

ظلم الناس

__________________

	"اللهم رافةً بي" .. فانك على كل شي قادر .. ارزقني بالزوجة التي تقر ناظري .. وتسعى في ارضائي .. وتمشي في هواي .. وارزقني اللهم الجنان .. واجمعني فيها بزوجتي واولادي واهلي والخلان .. وزوجني يا ربي بالحـــــــــــــور الحسان .. "اللهم آمين"

أخي الباحث عن الوهم

صدقني هي تقول طلقني لأنها ماذاقت مرارة الفراق

أنت كلمها مرة ثانية وإن عادت هالكلمة علطول قلها تبين الطلاق قومي أغراضك بوديك أهلك

ودها لأهلها وقلهم بنتكم طلبت الطلاق قالوا ليش قلهم إسألوها

طبعا لاتتسرع وتطلقها بس اتركها عند أهلها وتحمل على الفراق

صدقني بتاخذها العزة يوم يومين بس إلا ماتحس بضعفها وتعض أصابع الندم وتبوس رجولك تردها

والله يصلح حالكم

أكثر من الإستغفار والدعاء

__________________

شوف اخوي انا جلست اقلب الموضوع من جميع الجهات ...

لاتزعل مني زوجتك لا تحبك ولا تشعر بانك زوج مميز ، اهم شي انتبه لا يكون هناك حب قديم في حياتها .

كثير من الزوجات المعاندات والمهملات لازواجهن عادة ماتكون لهن علاقات عاطفية خارج الزواج .


تأكد من جوالها بدون هي ماتحس ، حاول تصارحها بأي شي هي سوته ولا تنسى ان عمرها كبير 30 سنة يعني متعدية مرحلة المراهقة والدلع والتصرفات الغير مسؤولة ، انا لا ارى تفسيرا منها الا هذا الشيء .

اشكركم على ردودكم ، هي ماتطلب الطلاق الا في حالة زعلها ، متى تزعل ؟ اذا كلمتها في حق من حقوقي مثال على ذلك العباية الكتف انا رجل اموت ولااشوفها تلبسها ! عيت تفهم تقول اذا مايعجبك طلقني يعني ماعندها الا العباية الكتف او الطلاق !! طيب ليش ؟ تقول انا متعوده البسها ولاراح اغيرها لو تموت ؟ صدقوني انا تنازلت عن العباية الكتف بشرط انها تخلي الطرحه طويله وتكون العباية وسيعه . طيب طالما أني تنازلت لها عن اشياء ماارغبها ليش هي ماتتنازل عن اهتمامها وحسن تبعلها ؟ لاتبادلني المشاعر عجزت افهمها غامضة جدا ؟ حاولت معها بكل الوسائل شدة ولين وهجر وضحك خصام وزعل ؟ ماعندها الا جدية وحزم . هل يعني هذا انها لاتحبني ؟ الشيء اللي مجنني واحب اطلعكم عليه انها اعطتني مبلغ كبير نشتري ارض ونبني عليها والى الآن ساكته عن الوضع ماسألتني وش صار على الفلوس اللي اعطيتك؟ بنيت عماره شريت ارض ؟ والله لم تناقشني نهائيا ؟ ماكأنها اعطتني هذا المبلغ الكبير ؟ مااعطتني الا وهي واثقه ؟ ارجوكم فكوا لي هذه الرموز الغريبة انا في حيرة وجنوووووووووووووون

اي شده الي تحكوون عنها . والي انتو تنادوون فيها ؟؟؟؟؟؟؟؟؟؟ يعني الرجل يجي بالحنيه والمرأه تجي بالشده .. عالم مقلوب ؟؟؟؟؟؟؟ المراه ياناس ياعالم هي الكائن الرقيق الي يجي بالحنيه والرجل هو الكائن الشديد الي يختبر في الشدائد ... بس مثل ما شوف من تفكيركم المراه هي الي تتحمل الشدائد ويستعمل معها الشده والرجل الي يلف بالحرير ويعامل بحنيه ( صارو الرجال فرافير)
اخي واضح جداااا ان زوجتك ما حبتك
عايشه معاك صح متزوجتك صح .. بس ما حبتك
اتوقع لو انها رجل كان اتزوجت عليك والا طلقتك بس لانها امرأه مالها حيله غير تتحمل

عشان كذا اذا بغيتها وبغيت تكسب قلبها اتقرب لها وحببها فيك ... ترى المراه احساس بس ماتقدر تعبر عنه لخوفها من مايترتب عليه ..
يعني يمكن ما تكون مقتنعه فيك بس ما تقدر تقول وتواجه بس الزوج لو ما قتنع بزوجته اخبر القاصي والداني انه ماقتنع فيها وقال لها هي عشان تكون اول وحده تعرف .. وهي بدورها بتبذل المستحيل عشان يقتنع فها .. فليش انت ما تعمل كذا وتبذل المستحيل عشان تقنعها فيك ؟؟؟؟؟؟؟

مثلا ممكن تكون ما حبتك ..بس ما تقدر تعبر وتجرح شعورك . بس لو الزوج ماحب المٍرأه عبر لها في كل لحظه انه مايحبها .. وهي بتركض وتجتهد بكل ما تقدر عليه لتجعله يحبها ..فليش ما تجتهد لجعلها تحبك ؟؟؟؟؟؟


ممكن تكون مو راضيه عن بعض تصرفاتك بس هي ما تقدرتصارحك فيها وتغصب نفسها حتى لو كانت متضايقه منك ؟؟؟ ولو كان الرجل مو راضي عن تصرفات زوجته هجرها وجعلها تتسائل عن سبب ابتعاده عنها ؟؟؟؟ ... فليش ما تجلس معها وتسألها ايش الي مو عاجبها فيك ؟؟؟

والله مادري شلون تحمل لو زوجس سمع مني هل كلام كان من زمان انا يا زوجة اولى ومتزوج علي

او مطرشنمي على اهلي وورقتي توصل بعدي طبعا ما انصحك بالطلاق بس زوجتك محتاجة تأديب وتربية من جديد

ومادري شلون ما وديتها ببيت اهلها امس وكلم اهلها بالكلام الي قالتو ولا تخاف ممكن اسأل وين اهلك اذا كانو قريبين طنشها لا تروح عندها روح عند اهلك بعد الدوام و لا ترجع الا بليل

وخليها تضرب اخماس ياسداس ما تدري وين رحت ووين جيت واوهما انك متزوج عليها

اخي توني قريت حكاية الفلوس ليش تاخذ منها فلوس خلااااااااااااااااااااص هي اعتبرت نفسها اشترتك و انك ضعيف اماهما

لان معطيتك مبلغ كبير ولو فكرت تطلقها راح تطلب فلوسها وما راح تكدر تدفع فتتراجع عن اي خطوة تخطوها

والله استغرب من الرجل الي يمد يده وياخذ من زوجته تصدك زوجي ياخذ من اخوه بس يرفض ياخذ مني فلس احمر واعصب واتهاوش وياه ويقلي

مستحيل امد ايدي على فلوسك وتدري شكد زوجي كبير بعيني واهابه واحترمه لهذا الشيء

__________________

صدقني المشكلة فيك انت , لأنه لا تتجرأ المرأة على زوجها , اذا أحست انه ممكن يبيعها في لحظة ..

لكن هي واثقة تمام الثقة بأنك ضعيف عندها , ولهذا هي تتمادى , أخي الفرس من خيالها ..

والغريب بعد هذا كله تأخذ منها فلوس , انت تبني وتهدم في نفس الوقت , أنت تزيد الطين بله ,

فهل عرفت لما هي ما هي شايفتك ؟

الرجل قيمته في شخصيته , فإذا انسلخت , لم يبقى للرجل ما يحترم لأجله من زوجته ..

نصيحتي الله ما شرع الهجران الا لمنفعته وقوة مفعوله , لكن انت لم تعرف تستخدمه ..

وصدقني مرة أخرى المشكلة فيك انت , فالمراة هذا طبعها تهين من يكرمها الامن رحم الله منهن

وانت لا تظلمها بفعلها , لكن أحفظ ما بقي لك من شخصية واهجرها ( ان قدرت عليه )