في يوم وانا افتش في الجهاز لقيت محادثات الماسنجر الخاصه بـ (شقيقتي)
وشاهدت محادثات بايميلات شباب وكان الفضول يجبرني اني اقرا المحادثه
قرأت المحادثه الأولى وفعلا كانت مع شاب والكلام كان اكثره انها تريد احد يفهمها وانها تحبه لانه يفهمها ويحس فيها
وكانت تشكيله همومها وانها تحس انها وحيده مع العلم اننا عائله غير متشدده
والصدمه انها تعطيه رقمها
مع اني عارف وكل معشر الرجال عارفين ان مثل هالشباب هدفهم التسليه فقط لا غير..
ويحس الشاب بمتعه لذاته اذا قدر انه يربط بنت معاه وفي الأخير راح يتركها
لكن البنت في الاخير هي المتضرره لانها راح ترتبط فيه


بعد ما قريت المحادثه اصابتني نوبة غضب شديده اختلط معها الحزن والحسره
كان اول شي طرى في بالي اني اوريها المحادثات واتصرف تصرف المجنون
تعلمت من تجاربي من اخطائي السابقه في التسرع اني هالمره انتظر كم ساعه وبعدها احدد وش راح اسوي
لكن بعد ما هديت عرفت ان تصرفي هذا كان بيزيد الغاز في النار
والآن انا في حيرة من 10 ايام ما اعرف وش اسوي
اخاف اصارحها بكل هدوء وعقلانيه فتثير علي وتقوللي ان هالشي ما حصل واني اتهمها وافتري عليها وهالشي اكيد راح يقطع العلاقه بيني وبينها
واخاف اطنش ( وهذا مستحيل ) وتزيد المساله ارتباط بهالشباب
واخاف اني اثور عليها وتصبح النتيجه سلبيه تماما وتزيد اكثر
وأخاف اذا قلت لامي او ابي راح تصير مشاكل
واخاف برضو اذا قلت لاخواني تصير مشاكل مع العلم ان انا واحد من اخوانها اللي اكبرها بثلاث سنين
لكن باقي الاخوان تصرفاتهم همجيه وهي ماخذتني مثلها الاعلى في التصرف العقلاني

هي بنت عمرها 16 سنه وهي البنت الوحيده في العائله يعني ما فيه اخت اكبر منها اقدر اصارحها

انا احترت يا اخوان اتمنى تعطوني الحل
كيف اصارحها اني عرفت انها تكلم شباب وانا اكتشفت المحادثات
والشي الاهم كيف اوصل لها ان هالشباب غايتهم اللعب والتسليه