السلام عليكم و رحمة الله و بركاته

كل عام و الجميع كلهم بخير و بصحة و عافية

يارب يكون عيد سعيد على الجميع و يكون في الأيام المباركة دي فرج لكل مهموم يارب

مش هخبي عليكم بس همر بمرحلة صعبة الإسبوعين اللي جايين و هيؤدي إلى انقطاعي تقريباً عنكم (هحاول طبعاً إني أكون معاكم دايماً ، لأني فعلاً بحبكم في الله و فعلاً مش بتخيل يوم يعدي من غير ما أكون معاكم فيه)

اخواني و أخواتي ،،، محتاجه لدعاكم جداً جداً جداً الإسبوعين اللي جايين ... هيكون في مواجهه صريحة مع خطيبي بكل اللي اتدايقنا منه خلال السنة و نص اللي فاتوا ، و اللي هيتحدد عليها إني أكمل معاه أو إننا ننفصل بالمعروف

أرجوكم ادعولي ، ادعولي إن ربنا ينور بصيرتي بنوره و يجمع قلبي و عقلي على طريق واحد طريق الخير ليه في الدنيا و الآخرة

مش أكدب عليكم بس أنا خايفة أوي ، دي آخر فرصه ليه إني أختار فيها الطريق اللي يريحني و في نفس الوقت خايفة أظلمه أو أظلم نفسي

أرجوكم ادعولي و حلفتكم بالله تفتكروني في دعاكم يوم عرفة ... فرج الله همكم و نجاكم من أي ضيق

__________________

	[blink]"و اصبر حتى يحكم الله و هو خير الحاكمين"[/blink]