مشكلة علتني مع زوجتي ..يمكن توصل لإنفصال .. وابغى رايكم يا جماعة ؟؟
الســـــــلام عليكم :
صبحكم الله بالخير جميعا ..
ماابغى اطول عليكم بسالفتي ولكن بحاول اختصرها لكم
في البداية انا متزوج قبل سنتين تقريبا والحمدالله رزقني الله بمولود وعمره الآن سنه
وكل شي تمام
لــــــــــــكن عندي مشكله ونا اعاني منها منذ بداية زواجي الى هذا اليوم وذا ما انحلت بصراحه انا ما راح استمر مع زوجي حتى لو جبنا 10 عيال ..
الا وهي " الحـيــــــاء" 
اللي كرهت هالكلمة وكرهت اسمعها من اي واحد من كثر ما حومت كبدي مرتي ..
كنت ملاحظ هالموضوع قبل زواجي من خلال مكالماتي لها بعد الملكه (اللي ماكانت تفتح معي اي سالفه مجرد مستمعه , حتى مجاملات ما كانت تجامل) وقتها قلت معليش نصبر 
البنت اول مره تكلم رجال غريب في حياتاها .....( 4 شهور نفس الموال ولم يتغير شي )........ الخ
وبعد كل هذا العناء من المكالمات اللي ما ودي اتذكرها .. تزوجنا :14: وقلنا الحمدالله بنصير نمون على بعض وناخذ راحتنا ....
طبعا انا كنت حاجز طياره لماليزيا على طول من ثاني يوم بعد الزواج عشان نفك الميانه ونبدى حياتنا الزوجيه السعيده ..
وسافرنا ,,,,,, وخلال السفره ما حصلت اي تغيرات (هي بلحالها وانا بلحالي ما بقى الا وكل واحد يسكن بغرفه بلحاله مع اني كنت احاول اخلق جو من المرح لكن مافي اي استجابه)
طبعا حاجز الزوجيه كاسرينه قبل نسافر (عشان محد يعلل سبب الخلاف فيه).
والبعض ممكن يقول ان الحرمه ما حبتك ( هذا الكلام غير صحيح لأن المحبه موجوده بين الطرفين)
على العموم سافرنا وجينا وراحت الايام وكل يوم اقول بنمارس حياتنا الزوجيه بكل حريه لكن مافي فايده ..
وصار لي الآن سنتين وكأني توني منزوج ما اقدر آخذ حريتي مع زوجتي , (عيب تلبس قصير وعيب نتروش وطف النور وحالتنا صعبه).
ما أدري ياأخوان ويا خوات هل هذا طبيعي في مجتمعنا السعودي , وتقدرون تشوفون لي حل بصراحه انا مليت ؟
واللي ما عنده حل يكفيني دعاءه لي ............. والله يعطيكم العافيه
التعديل الأخير تم بواسطة Reemona ; 22-01-2007 الساعة 12:38 PM
22-01-2007, 11:43 AM
ضوابط المشاركة
العرض الشجري