أختي الغالية ::

زي ما ذكرت أختي كل الغلا مش معنى إنك مداومة على الأذكار و الصلاة إنك معافاه (نحسبك كذلك إن شاء الله) .. لكن سألت أحد الشيوخ من قبل و قال لي أن من كان به من السحر ممكن أن يقوم إلى الصلاة و إلى العبادات و لكن بكسل ، أما من كان به من المس (عافانا الله و إياكم) هو من لا يقوم إلى العبادات أو إلى الصلاة ...

أختي في الله : ما بك إما إنك قد مررت بظرف أو موقف قوي جداً من 8 شهور أو من قبلها مر عليك بسلام في وقتها لكنه تركز في عقلك الباطن و بدأت آثاره تظهر عليك على مراحل متفرقه و هنا أنصحك بأن تراجعي الأحداث التي مرت عليك خلال هذه السنة و أن تبدأي بمواجهتها مع نفسك و مواجهة آثارها و بالمداومة يصبح كل شئ على أفضل حال إن شاء الله

أو أنه سحر أو عين و هنا أنصحك كما تفضل الأخوة و الأخوات بقراءة سورة البقرة و البحث عن أحد الثقات للرقية الشرعية

شفاك الله و عافاك من أي شر و كتب لك الخير عاجلاً غير آجل

و طمنينا على أحوالك

__________________

	[blink]"و اصبر حتى يحكم الله و هو خير الحاكمين"[/blink]

اختى انتى تعانى من مرض نفسى
والمطلوب منك زيارة مستشفى متخصص فى الامراض النفسية
وبع مجموعة من الجلسات 0 واخذ تاعلاج الازم
سيذهب عنك كل شئ
ووضعك لايستهان بة
فانت فى بداية المشكلة
وندعوا الله ان يتمم لك الشفاء
اميـــــــــــــن

اختي العزيزة

اعتقد ان ما حل بك والله اعلم هو عين والعين حق

فالاعراض التي ذكرتيها تؤكد ذلك، فقد كنتي طموحة نشيطة وتحبين عملك وفجأة تغيرت

نفسيتك وازدادت سوءا.

كلنا نمر بهذه الحالة من فترة لاخرى واصبح الحسد والعين هو مرض العصر

حبيبتي الشيخ سالم قال على قناة الناس لما واحدة قالتله انها عارفة الناس الي حسدوها بس

مش حتقدر تاخد اثر منهم

قالها حاولي على قد ما تقدري تخليهم يتوضوا وتخدي الماء منهم وتغتسلي بيه

والي مش حتقدري تقوليلوا اتوضي انتي وتخيلي الشخص الي ممكن

يكون حسدك واتوضي نيابة عنه واغتسلي بالماء بعد كده

بصراحة انا لسه مش عملتها لكن الشيخ اكد على فوائدها

وكمان ده كلام رسولنا صلى الله عليه وسلم

لو حاسة ان حالتك ازدادت سوءا اختي عليكي بالذهاب لطبيب نفسي

وخدي بالاسباب لان الامراض النفسية انتشرت في حياتنا اليومين

دول ويجب علاجها منذ البداية ولا تتاخري او تتكاسلي

__________________
والدي الحبيب

اشتقت إليــــــك

انا الي رأي يمكن يختلف قليلا عن باقي الاعضاء

لا انكر اني قرأت مشاركتك وانا لسه ما كملت القراءة حكيت اكيد عين

بس خلينا ما نحصر حالنا بموضوع انك مصابة بالعين

من قراءتي لموضوعك احس انكي تشعرين بالفراغ وذلك بسبب الحياة السهلة - على ما اعتقد - فانت والحمدلله مرتاحة ماديا غير محتاجه لعملك لديك اطفال كما ان لديك زوج محب والاهم من ذلك فهمت انك بتعيشي بجو ديني

اذا حياتك مثالية

وصلت لمرحلة

طيب انا ايش بدي كمان

اسئلي نفسك سؤال

شو طموحك شو حابه يصير معك في المستقبل

اذا كنت لا تعرفي او ما عندك امنيات

فتشخيصي صحيح 100%

واذا كان كذلك فانا جاهزة اعطيكي اقتراحات

اختي الغالية

كمان عندي اضافة ليكي وهي ان ترقي نفسك بنفسك

الشيوخ أكدوا ان افضل رقية هى الانسان لنفسه مش تخلي حد غريب يرقيكي

ياريت تتبعي الخطوات الي قولتلك عليها وان شاء الله ربي يفرجها عليكي ويشفيكي

__________________
والدي الحبيب

اشتقت إليــــــك

السلام عليكم ورحمة الله وبركاته
الى الاخوه والاخوات
Sun_of_me / mrbug2003 / بوبو80 / oceandream
اشكركم جداً على ردودكم ومساعدتكم وجزاكم الله كل خير
واتمنى منكم ومن كل من مر على موضوعي تلخيص مشكلتي وتحديد موقع الخلل فيها

ولأختي oceandream
قلتي
فعلا هالشعور كان سابقا اما الان تطور يعني انا ماعرف ايش اسوي وبالمقابل قاعده اهدم كل شي سويته


وللجميع اقول.....
انا ودي اتعالج باي طريقه دينيه او طبيه ابي ارتاح راح اقولكم مشكلتي كلها بتفاصيل ماذكرتها وابيكم توجهوني للمكان الصح اللي اروح له
انا بكتب وانتوا حللوا والله ابي ارتاح ماكنت جذيه ضعيفه ولا ارضى اكون جذيه ولولا اني تعبت ومالقيت حل ماكتبت مشكلتي لاني ماحب ينقال عني مريضه بعين او سحر او حتى نفسي تعودت اتحدى كل شي صعب بداية من سن 14 سنه وانا حياتي كلها تعب بس تحديته صف اول ثانوي عندي فيه فرحتين فرحة انجابي لطفلي وفرحى نجاحي من هذا الصف ومن بعدها توالت النجاحات رغم صعوبة المواقف اللي امر فيها
ومن نجاح لنجاح والحياه حلوه عندي ولين اشتغلت والامور طبيعيه ولان زوجي منصبه كبير كانوا دايما يقولون لي ليش تشتغلين دام كل شي عندج وزوجك مو مقصر عليج
بس انا كنت حابه اكمل دراساتي العليا وحتى وانا اشتغل كنت اطور نفسي دايما وآخذ دورات ولغات وكنت احب شغلي وصديقاتي في العمل ومقتنعه فيه ومستحيل اصدق في يوم اني ممكن اتخلى عن شغلي شي من سابع المستحيلات
حياتي كلها دراسه وزوج وبيت وحمل وولاده وتدريس عيال كل وقتي منظم ومحسوب
بس اللحين ماكملت اهدافي ولا ابي اكملها واكتفيت باللي انا فيه وفوق هذا كرهتها وكرهت شغلي
ماني عارفه انا وش ابي ؟؟
واكثر من هذا واللي يتعبني وابي ارتاح منه هو !!
اللي اعانيه في صدري ضيق او نار او شي ماعرف اوصفه بس يضايقني ويخنقني وماقدر اتنفس منه وكأني اتنفس من فتحة ابره او كأني حامل بنهاية الشهر التاسع والجنين ضاغط على قفصي الصدري وكثير اتنهد وقصدي اطلع هالضيق من صدري اللي جاثم عليه

تركت كل شي بس بعد احس باختناق طيب شغلي تركته دورات وتركتها وسواقه نادر اسوق وطلعات ماطلع الا قليل وسوالف مع صديقاتي وماسولف طيب وش ابي ليش مارتحت ؟؟
تركت كل شي احبه بس للحين تعبانه اختنق واموت وش اسوي بعد انتحر مثلا علشان ارتاح !!
ادري انه حرام ونهايته نار جهنم ومستحيل اسويه بس هذي افكار تجي في بالي لمن احس بخنقه بصدري
لاني دايما اقول لو تعبانه برتاح لو فيني شي بعد برتاح بقول هذا المرض ومأجوره فيه بس كل شي طبيعي مافيني شي يخوف يعني اعراضي اللي اقولها للدكاتره وتوني ماكلمت وصفها على طول يكتبون لي فحصوصات واشعات ويقولون لي ان شاء الله خير ماراح نحكم الا بعد ماتطلع النتيجه ولمن تطلع النتايج اشوفهم يتشققون ويستانسون ويقولون لي الحمدالله النتايج كلها طبيعيه وماتخوف واسالهم ليش وين راح بالكم ؟؟ فيقولون لي كنا خايفين يكون عندج كذا ولا كذا وتوج صغيره والحمدالله طلعتي طبيعيه خوفتينا عليج
فصرت من اشتكي بشي واشوف الطبيب ينبش باوراق ملفي ويبدى يسال عن عمري وكم عندي عيال اعرف اني كاسره خاطره وانه شك بشي فعلى طول اطمنه واقوله ترى ماكو الا العافيه سويت فحوصات كلها سليمه ومبينه عندك حتى بالطنين المغناطيسي سويت والحمدالله كل شي سليم
حتى عيوني اللي تألمني واحس نظري ضعيف فيها بعد بالكشف عليها من ضغط وفحص نظر طلعت طبيعيه

فأنا اعاني من اشياء طبيعيه والحمدالله ولو مرض وظاهر والله اني راضيه فيه بصبر والمؤمن مبتلي بس يكون شي مايحسه الا انا وطبيا يحلل انه برد او ضعف بسيط للدم وماله علاج فشي جد يضايقني يعني تتعب يدي اليمنى بداية من كتفي وتنمل ونفس الشي رجلي اليمنى وصداع شديد يعمي عيوني وينمل راسي واخرتها ولا شي الحمدالله على كل شي والحمدالله ان هالاعراض مو دايمه وخفت مع تركي للشغل وتقليلي للسواقه وقعدتي في البيت وتقريبا اذا مااسوق سيارتي ماعرف هالاعراض نهائيا

وحاليا ووالله العظيم اني احيانا ماسوي شي يعني مافي شي يتعبني قاعده في البيت وماطلع وماطبخ كله على الخدم ولا استخدم التلفون ولا اشوف الاخبار ولا اتصل لاي حد ولا ارتب في البيت ولا اي شييييي بس قبل يوصل زوجي من الدوام وعيالي من مدارسهم ابتدي استعد لهم واشوف السفره جاهزه واستقبل زوجي وعيالي بابتسامه وحضن احاول انسى واشغل نفسي فيه عن الضيق اللي وراي وراي بس حياه فيها ابداع ماكو حياتي مالها طعم !!

واشياء كثيره غريبه علي وجديده ماكانت فيني منها سرعة الغضب مع اني معروفه بهدوئي وحسن استماعي وحلي للامور بطريقه عقلانيه ووديه بس صايره اتنرفز واعصب بسرعه وياليت على العصبيه وبس قمت اتعب تخيلوا اتعب لاني عصبت وكأني شخص كبير بالسن ومريض ينخاف عليه من سكته قلبيه يعني احس صعوبة خروج الكلام مني وانا زعلانه والم شديد بصدري وينخفض ضغطي واحس بيغمى علي ماكنت جذيه لدرجه مره من المرات طلبوني هلي اتدخل بموضوع يخصهم واكلم ناس لان مثلي هاديه وعقلانيه واعرف ارد وماينخاف علي بس ماتحملت النقاش وشديت وكلامي قام يطلع متقطع وانتفض فانهيت النقاش بطريقة السكوت والزعل ولمن طلعت وبديت احكي لاهلي قمت اصيح من الكلام اللي ماتحملته وصعب علي خروج الكلام مني وصرت لا قادره استمر واتكلم ولا قادره اسكت احس توني ماقلت شي وانهرت من كلمه وتعبت الم بصدري والدوخه اللي حسيت فيها وخفت وسكت وهديت نفسي وابوي وامي يهدوني ويعطوني ماي لاني كنت انتفض وانا بقلبي اقول انا صاحيه فيني شي خير ياطير ليش تعبت وليش انتفض ليش جذي !!! يعني ماني راضيه عنها بس غصب عني !!!
ومثل هالمواقف صارت لي مع زوجي اني ماتحمل اي نقاش حاد ولو كان يعتبر عادي فاصيح واتعب وينزل ضغطي ومع اني اكون ودي استمر في النقاش بس صعوبة خروج الكلمات مني تمنعني من الاستمرار فيهديني ويقولي شفيج صايره ماتتحملين وتتحسسين بسرعه موزين جذي بتتعبين
وانا والله خايفه على نفسي الشعور اللي احسه من الزعل والم الصدر والنفضه وكأني بيغمى علي من التعب يخوفني مابي اكون جذي اتعب بسرعه واتحسس ابي اتناقش واتكلم واسولف مثل قبل مابي اكون حساسه واتعب من مجرد كلام !!
لدرجة قمت اسأل نفسي انا كم عمري ؟؟ قمت اتخيل نفسي اني بسن الشيخوخه خلاص منتهيه !!
يمكن والله السن اللي انا فيه غير يخليني اتعب بسرعه غير عن قبل صغيره ومعارك الحياه ماتعبني !!
يجوز !!
وسني للي يبي يعرف هي 30 سنه رغم اني ابين اصغر من هالسن لكن من داخلي ومن هذه الشهور بديت احس اني كبيره جدا جدا جدا وان مثلي لازم ماتتكلم ولا تشتغل ولا تسوي شي ويالله حسن الخاتمه !!

__________________

عزيزتي نونو80 قلتي الغاليه نونو80 عجبني الكلام وارتحت له
وجزاك الله كل خير

وقلتيانتي متأكده من هالكلام اللي تحته خط !!
والله يبشرج بالجنه

__________________

السلام عليكم

سلامتج اختي صريحة جدا ............اشتقت لج واااااااااااااااايد

وأنا أقول وينها صريحة من تغير معرفي ما شفتها في المنتدى ..........

ما تشوفين شر يالغالية

واشلون ولدج الله يحفظه ان شاء الله كبر وعقل اقصد خفت جرأته

صريحة ...........اول ما شفت اسمج على طول دشيت ما صدقت خبر

اشتقت لج والله وما كنت متوقعة تكونين في هالحال ابدددددددددا



بغيت أسألج سويتي تحليل الغدة الدرقية .........والهرمونات ..........ترى لها علاقة بالأعراض اللي ذكرتيها

وان شاء الله ما يكون فيج الا العافية



أختي الغالية ..........

يمكن يكون فيج عين ...........حسد .........مثل ما تعرفين العين حق

وكل اللي حققتيه في حياتج ما شاء الله صعب اي وحدة بنفس ظروفج تحققه

ونشاطج وحيويتج وكل اللي ذكرتيه قد يجعلج عرضة للحاسدين وعيونهم اللي ما تذكر الله

اختي اقري على نفسج واكثري من الصلاة والذكر واطالة السجود والدعاء والأستغفار

ولا تستسلمين أبدا ولا تنهزمين انتي قوية وبحول الله وقوته تتجاوزين هالعارض

استعدي نشاطج وسجلي بمركز لياقة ...........اذا ما ودج ترجعين حق الوظيفة مو مشكلة

حاولي تمشين كل يوم لو نصف ساعة عالكورنيش ولا في حوشكم ان كان كبير ولا في الفريج مع واحد من عيالج

اكثري من شرب السوائل والعصائر الخفيفة مثل الليمون ..............

واكلي سبع تمرات كل يوم على الريق صباحا واااااااااااااااااايد بتفيدج ان شاء الله



تدرين والله اني انصدمت وانا أقرأ ما كتبتي ..........والله انا دائما افكر فيج واقول ما ادري اخبارها صريحة

ياليت الواحد بس يطمن على اللي يعزهم في المنتدى

الحمدلله على كل حال سبحان الله اشلون تتغير الأحوال


بس انا اختج اقري على نفسج ولا تهملين الله كريم وبحول الله وقوته ثم بأيمانج بتصيرين بخير وبتردين مثل أول وأحسن صدقيني ...........

أحنا كلنا تمر بنا فترات يصير بنا نفس اللي صار فيج .........بس والله بالذكر وقرءآت الأذكار والأستعاذة بالله والدعاء والأستعانة بالله وبحفظه وحصنه بالأذكار وبفضله سبحانه ينجلي كل هم وضيق وكدر وكسل

وانصحج بالصدقة اخرجي مبلغ تصدقي به ........واكثري من سبحان الله وبحمده عدد خلقه وزنة عرشه ورضى نفسه ومداد كلماته ..........ولا اله الا الله وحده لا شريك له له الملك وله الحمد وهو على كل شيء قدير........وكل صباح ومساء رددي ثلاث مرات بسم الله الذي لا يضر مع اسمه شيء في الأرض لا في السماء وهو السميع العليم

بسم الله على نفسي وديني , بسم الله على أهلي ومالي , بسم الله على كل شيء أعطانيه ربي ,

الله اكبر الله اكبر الله اكبر أعوذ بالله مما أخاف وأحذر ,

الله ربي لا أشرك به شيئا عز جارك وجل ثناؤك وتقدست أسماؤك ولا اله غيرك , اللهم اني اعوذ بك من شر كل جبار عنيد , وشيطان مريد , ومن شر كل دابة انت آخذ بناصيتها ان ربي على صراط مستقيم .

شفاك الله وعافاك اخيتي وطمنينا عنج تكفين ........

سلام عليكم

انصحك بالمحافظة على الصلاة واذكر الصباح والمساء والنوم وانتظري الفرج من الله .

هلا والله اختي نووور حياج الله ومشكوره جدا على كل كلامج الحلو والمريح اسعدني جدا
واسعدني انج تذكريني وتذكرين صريحه ايام الشباب والصحه اللحين مثل ماقلت يالله حسن الخاتمه
( تصدقين احيانا اصدق اني بمرحلة الشيخوخه واحس اني خلاص خذيت فيه كورس مبكر )
هذي اهي احوالي يانور وماتصدقين شكثر فرحت بكلامج وردج وماقدرت ادخل المنتدى واعلق بسبب امتحانات العيال
حالة طوارئ ماصدقت انفرجت امتحانات العيال اكسترا خنقه وضيقة

اما عن ولدي يالغاليه فهو نفسه الجريء كعادته كبر وكبرت مشاكله على بالي اذا مر بمرحلة البلوغ بيتغير فجأه وبيصير ريال وبعامله كشخص بالغ وناضج بس انصدمت فيه اللي تغير فيه بس جسده وصار اطول مني واعرض بس عقليا فرق بسيط مره يعجبني بكلامه وانه كبير وناضج ويعتمد عليه ومره احس توه ياهل ويتهاوش مع اخوانه اللي اصغر منه ويفرد عضلاته عليهم لانه اقوى منهم فتزيد مشاكله
اما جرئته فلازال جريء ويحرجني كثير ويتغشمر ويمزح وغصب عني بدال ما اعاقبه اضحك والله ماقدر عليه اسلوبه وحركاته اللي يسويها وانا ابي اعصب عليه غصب عني اضحك عليه ويخرب على هيبتي جدام اخوانه بدال ما اعاقبه واخليه عبره لاخوانه اضحك وهو يضحك ويضحكون اخوانه فماقدر اضبطه واشد عليه
ومايخاف الا من ابوه يصير مؤدب وشخص ثاني وجاد ومايعرف الغشمره بس عندي الله المستعان وغير انه اللحين مايليق علي امد يدي عليه او ارفع صوتي عليه اصلا ماقدر ريال اكبر مني ومن ابوه بس يالله الله يهديه

وياغاليتي والله العظيم كل اللي ذكرتيه من فحوصات واكثر سويتها من المركز الصحي حولوني للطواري ومنها موعد للعيادات الخارجيه ومواعيد مستعجله وسويت فحوصات دم للغدد وفيتامين دال وغيرهم والنتيجه طلعت كلها طبيعيه
يمكن اتدلع
واللحين يالغاليه مافي شي من اللي ذكرته لان البعبع الدوام ماروح له
وسيارتي مااسوقها الا قليل فانتهت اغلب الاعراض وماترد الا اذا سقت سيارتي فاذا سقت السياره كثير اتعب واذا قليل تعب قليل واذا ماسقتها كلش مايكون لها وجود !

غاليتي راح اجرب اللي تقولينه من رياضه ومشي وشرب سوايل وعصاير وغيره
وبجد استانس كثير لمن تذكرون لي انكم مريتوا باللي امر فيه ارتاح كثير وانتظر الفرج
وعندي امل كبير وان مليت اتذكر اني مو الاولى وفي قبلي كثير مروا باللي امر فيه وتحسنوا واللحين يساعدوني
ومع اني اداوم على الاذكار والادعيه واكثر منها ومن الاستغفار واحس انهم مثل المسكن لحالتي الا اني ماتحسنت تماما بس انتظر الفرج وعندي امل بالشفاء من كلامكم اللي يطمن
لاني انا مو بسهوله ايأس واشتكي دايما اعتمد على نفسي بمشاكلي الخاصه فيني بس هالمره طالت المسأله رغم كل التنازلات اللي سويتها بس مافي تحسن وساءت حالتي كثير وكرهت حياتي فاضطريت الجأ لمشورة غيري ولقيت اغلب اللي ذكروته انا اصلا طبقته وسويته سواء فحوصات طبيه او اذكار وتحصينات واستغفار وسماع قرآن
بس اكثر ماريحني هو ان غيري مر باللي امر فيه وتحسن وهذا عطاني امل ودفعه كبيره من التحمل والصبر على امل الفرج
وتغيرت بدال ماكنت احط يدي على خدي وماعندي اي هدف او طموح في الحياه وابي اموت واردد دايما يالله حسن الخاتمه وياربي تعبت خذ امانتك
قمت اردد اللحين يالله فرجك وياحي ياقيوم عجل بفرجك وصار عندي امل بالفرج
بس باقيلي اقرا قرآن واداوم عليه مثل قبل
اما سورة البقره وما ادراك مالبقره مادري ليش جذي انا على البقره مع انكم دايما تقولون لي اقراها بس مادري ليش ماالاقي الوقت اقرا قرآن
عندي اقرا كتب ومراجع كبيره وجرايد واخبار العالم كله الا اني امسك قرآن واقراه
والله احس ماعندي وقت اقرا قرآن احس يضيع مني الوقت اذا فكرت اقراها مع اني باستمرا اسمع القرآن والأذان وباستمرار اشغل على سورة البقره في البيت وبنيتي انها اضعف الايمان دام مالقيت وقت اقراها
بس بإذن الله راح ارتب نفسي واقرا سورة البقره

اخيرا جزاك الله كل خير اختي نوووور وماقصرتي واشكرك جدا
.................................................. .......

اخي الرجل الفهد جزاك الله كل خير على المشاركه وانا انتظر الفرج ........

__________________