بسم الله الرحمن الرحيم في البدايه احب اشكر كل القائمين على هالمنتدى اللي من عرفته وانا اشعر بالسعاده لاني لقيت اللي ادور عليه من زمان انا ما راح اطول عليكم لاني بعد كذا بطول عليكم كثير بس حابه في البدايه اعرفكم بنفسي واعطيكم موجز بسيط من معاناتي اللي لها تسع سنين وما زالت ولله الحمد واتمنى من الله ثم منكم مساعدتي بكل راي ومشوره ودعاء

ما ادري ويش اقول ولا من وين ابتدي معاناتي مقسمه نفسيه وعاطفيه واشياء كثير اول شي تزوجنا وكنا سعيدين مع بعض يمكن انا كنت من السعاده ماني حاسه بتقصيره علي

معليش الكتابه بالالون شي ممل وما احس له داعي بالنسبه لي

المهم باختصار انا كنت اعطيه من السعاده والحب والاهتمام بشكل فضيع وكان هو جدا عادي ولا شي بس ما كنت انا مهتمه الين وبعد كم سنه من جبنا اول طفل بديت افتر وابيه يعطيني من الاهتمام والحب والرمنسيه عشان اقدر انا بالمقابل اعطيه لاكن للاسف صحيت على كابوس رافظ كل المشاعر والعواطف وانا في عيونه مراهقه وكلام الحب والمشاعر شي سخيف حاولت اتحمل وامشي حياتي من دون هالرمنسيه وعقبها للاسف بديت اشعر انه ما يتقبل مني هالاشياء كلها لا رمنسيه ولا دلع ولا حركات معه بفرفه النوم او خارجها

واحاول اتحمل وللمعلوميه انا ساكنه مع اهله ومتحمله الحبسه بغرفتين واخوان واخواته بالبيت ومع ذالك متحمله عشاني احبه وعمري ما حصل والله العظيم بيني وبينهم اي مشكله لاكن للاسف من يقدر

طبعا من الفراغ اللي عايشته واهماله لي كازوجه والظغوط النفسيه ببيت اهله الكلام بصوت منخفظ حتى الظحك وحتى الدموع لازم اوطي صوتي لا ومن ناحيه الجنس وين ووين يفكر فيه ويا ويلي لو اقوله تراعي مشاعري بهالنقطه او بلاش الطريقه التقليديه او طريقه الاجداد اللي بالملابس واذا تناقشنا يقولي انتي مو مريحتني من هالشغله وتراني ادعي عليك آآآآآآآآآآآه يا قهري

والله والله الحين اصبحت حياتي نكد من الحبسه اللي انا فيها بعد ما كنت مرحه احب الناس الحين مكتئبه واكره اقابل احد والجنس بعد ما كنت صرت الحين اكرهه كره العمى واشعر ببرود غريييب جدا وبقرف

وشي بعد انا قلت لكم عن زوجي ومعاملته واهماله لي والله ما اخبر انه قالي كلمه زينه او دعوه الا اذا شحذته شحاذه هذا اذا ما عصب علي ونكد عيشتي وانا بطبيعتي غيوره وبجنون بعد وبعد معاملته واهماله غصب عني خلاني اشعر ان في بحياته احد وان فيه شي مغنيه عني وبدت مشاكلنا تزيد مع الشك بس والله هو السبب ارجوكم حسو فيني وانصفوني الحين انا اشعر بعدم الثقه بنفسي مع اني والله الحمد شكلي اكثر من مقبول وطبعي زين بس بسبته وصلت لهالحال وهالفتره كملت دراستس الثانويه بس ثالث ما قويت بسبب نفسيتي


والله العظيم اشياء كثير بحياتي ما حكيتها ولا قلتها لاني صعب على بالكتابه كل شي ان شاء الله ابكمل لكم او بالاصح اجاوب على اي استفسارات ممكن تساعدني لحل المشكله

على فكره من شوي بس تهاوشنا وتناقشنا نقاش جامد وبالاخر يقولي انا ما اشعر في الفتره الاخيره تجاهك بشي تخيلو خيبه الامل من جد شي يقهر ويقول هذا بسبب تعاملك معاي
شي ثاني من تغيرت حياتنا كانت بنفس الفتره اللي سلفتي عندها مشاكل مع زوجها وانفصلو وكانت دايم تقول ان انا وزوجي اسعد منها بالطالعه والنازله




عارفه طولت ابي حل ارجوكم ارجوكم